ପୁରୀ: ପୁରୀଜିଲ୍ଲା ଚନ୍ଦନପୁର ନିକଟସ୍ଥ ଶିରୁଳି ମହାବୀରଙ୍କ ପବିତ୍ର ପଣା ସଂକ୍ରାନ୍ତି ଉତ୍ସବ ନିମନ୍ତେ ଶ୍ରୀ ଶ୍ରୀ ମହାବୀର ଜୟନ୍ତୀ ସମିତି ପକ୍ଷରୁ ଏକ ସାଧାରଣ ପ୍ରସ୍ତୁତି ବୈଠକ ମାଳତୀପାଟପୁର ସ୍ଥିତ ୱାଣ୍ଡରୱାଲ୍ଡ ୱାଟର ପାର୍କ ସଭାଗୃହରେ ଅନୁଷ୍ଠିତ ହୋଇଯାଇଛି । ସମିତିର ତତ୍ତ୍ୱାବଧାରକ ତଥା ମାର୍ଗଦର୍ଶକ, ଶିଳ୍ପପତି ତଥା ସମାଜସେବୀ ଡ. ନାରାୟଣ ପାତ୍ର ଶ୍ରୀଜଗନ୍ନାଥ ନିକଟରେ ପୁଷ୍ପ ମାଲ୍ୟାର୍ପଣ ସହ ପ୍ରଦୀପ ପ୍ରଜ୍ଜ୍ୱଳନ କରି ଆନୁଷ୍ଠାନିକ ପୂର୍ବକ ଶୁଭାରମ୍ଭ କରି କହିଲେ ମହାବୀରଙ୍କ ଆଶୀର୍ବାଦ ଯୋଗୁ ଅନୁଷ୍ଠାନ ଦିନକୁ ଦିନ ନିଶୁଳ୍କ ପ୍ରସାଦ ଭକ୍ତ ମାନଙ୍କୁ ବଣ୍ଟନ କରିବା ସହ ପାନୀୟଜଳ ବଣ୍ଟନ କରି ଅଞ୍ଚଳବାସୀଙ୍କ ପ୍ରଶଂସାପତ୍ର ହୋଇପାରିଛି । ଚଳିତବର୍ଷ ଠିକ ସମୟରେ ସମସ୍ତ କାର୍ଯ୍ୟକ୍ରମ ସମ୍ପାଦନ କରିବା ସହ ଭକ୍ତ ମାନଙ୍କୁ ନିଶୁଳ୍କ ପ୍ରସାଦ ବଣ୍ଟନ,ପାନୀୟଜଳ ବଣ୍ଟନ ଓ ପ୍ରଚଣ୍ଡ ରୌଦ୍ରତାପରୁ ରକ୍ଷା ପାଇଁ ପାଣି ସ୍ପ୍ରେ ସହ ପାଣି ଟ୍ଯାଙ୍କରରେ ନିରବଛିନ୍ନ ପାନୀୟଜଳ ଯୋଗାଣ କରିବାକୁ ଡ. ଶ୍ରୀପାତ୍ର ପରାମର୍ଶ ଦେଇଥିଲେ। ଏଥିରେ ଅନୁଷ୍ଠାନର ଉପଦେଷ୍ଟା ପ୍ରଦ୍ୟୁମ୍ନ ମିଶ୍ର ସଭାରେ ଅଧ୍ୟକ୍ଷତା କରି କହିଲେ ଚଳିତବର୍ଷ କାର୍ଯ୍ୟକ୍ରମ ପାଇଁ ଏପ୍ରିଲ ୩,୯ ଓ ୧୨ ତାରିଖରେ ଖାଦ୍ଯ କମିଟି ଓ ମଞ୍ଚ କମିଟି ସମେତ ବିଭିନ୍ନ ବିଭାଗରେ ରହିଥିବା ସଦସ୍ଯ ମାନଙ୍କ ସହ ମୋବାଇଲ ମାଧ୍ୟମରେ ଭର୍ଚୁଆଲ ଆଲୋଚନା କରାଯିବ ସହ ୧୦ ହଜାରରୁ ଉର୍ଦ୍ଧ୍ୱ ଭକ୍ତ ମାନଙ୍କୁ ନିଶୁଳ୍କ ପ୍ରସାଦ ବଣ୍ଟନ କରାଯିବା ପାଇଁ ବ୍ଯବସ୍ଥା କରାଯାଉଛି ।
ନୂତନ ପତ୍ରିକା ଉନ୍ମୋଚନ ସହ ଅନୁଷ୍ଠାନର ଶୁଭେଚ୍ଛୁ ମାନଙ୍କୁ ଉତ୍ସାହିତ କରିବା ପାଇଁ ସମ୍ମାନିତ କରାଯିବ । ଅନୁଷ୍ଠାନ ୧୯୮୬ ମସିହାରୁ ୨୦୨୬ ମସିହା ପର୍ଯ୍ୟନ୍ତ ୪୧ ତମ ଭଜନ ସମାରୋହ ପାଳନ କରିବ । ସେଥିପାଇଁ ସମସ୍ତ ପ୍ରସ୍ତୁତି କାର୍ଯ୍ୟକ୍ରମ କରାଯିବ ପାଇଁ ସଦସ୍ଯ ମାନଙ୍କୁ ବିସ୍ତୃତ ଭାବେ ବୁଝାଇଥିଲେ । ଶିରୁଳି ମହାବୀରଙ୍କ ଆସନ୍ତା ଏପ୍ରିଲ ୧୪ ତାରିଖ ଦିନ ପବିତ୍ର ପଣା ସଂକ୍ରାନ୍ତି ଉପଲେକ୍ଷ ଅନୁଷ୍ଠାନ ପକ୍ଷରୁ ଦିନ ୧୧ଟା୩୦ ଭକ୍ତ ମାନଙ୍କୁ ନିଶୁଳ୍କ ପ୍ରସାଦ ବଣ୍ଟନ ସହ ନିରବଛିନ୍ନ ପାନୀୟଜଳ ଯୋଗାଣ କରାଯିବ । ସଂଧ୍ଯା ୭ଟାରେ ଓଡ଼ିଶାର ଲବ୍ଧପ୍ରତିଷ୍ଠିତ କଣ୍ଠଶିଳ୍ପୀଙ୍କ ଦ୍ୱାରା ୪୧ତମ ଭଜନ ସମାରୋହ ଅନୁଷ୍ଠିତ ହେବ । ଭକ୍ତ ମାନଙ୍କ ପାଇଁ ଅନୁଷ୍ଠାନ ପକ୍ଷରୁ କିପରି ପାନୀୟଜଳ ଓ ଖାଦ୍ଯ ବଣ୍ଟନ କରାଯିବ ସେ ବିଷୟରେ ବିସ୍ତୃତ ଭାବେ ସଭାରେ ଆଲୋଚନା କରାଯାଇଥିଲା । ଏହା ସହ ସାଧାରଣ ବୈଠକରେ କାର୍ଯ୍ୟକ୍ରମର ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରାଯାଇଥିଲା । ପ୍ରାରମ୍ଭରେ ଅତିଥିମାନଙ୍କୁ ଅନୁଷ୍ଠାନର ସଦସ୍ଯ ମାନେ ସୁଗନ୍ଧିତ ପୁଷ୍ପମାଲ୍ଯ ଅର୍ପଣ ସହ ଉତରୀୟ ପ୍ରଦାନ କରିଥିଲେ । ଅନୁଷ୍ଠାନର ପ୍ରତିଷ୍ଠାତା ପ୍ରକାଶ ଚନ୍ଦ୍ର ଦାସ, ସଭାପତି ରମେଶ ଚନ୍ଦ୍ର ପ୍ରଧାନ ମଞ୍ଚରେ ଉପସ୍ଥିତ ରହି ସଦସ୍ଯ ମାନଙ୍କ ବିଗତବର୍ଷର କାର୍ଯ୍ୟକ୍ରମକୁ ଭୂୟଂଶୀ ପ୍ରଶଂସା କରିଥିଲେ । ଦୀର୍ଘ ୪୧ ବର୍ଷ ପର୍ଯ୍ୟନ୍ତ ସଦସ୍ଯ ମାନଙ୍କ ଭିତରେ ମନମାଳିନ ଓ ମନ୍ତାତର ନହୋଇ ଏକତ୍ରିତ ହୋଇ ରହିଛନ୍ତି । ସଦସ୍ଯ ମାନେ ମହାବୀରଙ୍କ ଆଶୀର୍ବାଦରୁ ପଣା ସଂକ୍ରାନ୍ତିରେ ନିରବଛିନ୍ନ ସେବା ଯୋଗାଇ ଆସୁଛନ୍ତି । ନୂତନ ସଦସ୍ଯ ଆସିବା ସହ ଓ ପିଢି ପରେ ପିଢି ଅନୁଯାଇ ସଦସ୍ଯ ମାନେ ମହାବୀରଙ୍କ କାର୍ଯ୍ୟ ଏହି ସମିତିରେ ରହି କାର୍ଯ୍ୟକ୍ରମ କରିବା ପାଇଁ ଅତିଥିମାନେ ମତବ୍ଯକ୍ତ କରିଥିଲେ । ଅନୁଷ୍ଠାନର ସମ୍ପାଦକ ପ୍ରଫୁଲ୍ଲ କୁମାର ବରାଳ ସମ୍ପାଦକୀୟ ବିବରଣୀ ପାଠ କରିଥିଲେ । ଅନୁଷ୍ଠାନର ଉପସଭାପତି କୃଷ୍ଣଚନ୍ଦ୍ର ପ୍ରଧାନ, ସହ ସମ୍ପାଦକ ଧନେଶ୍ୱର ସାହୁ, କୋଷାଧ୍ୟକ୍ଷ ଗୋବିନ୍ଦ ଚନ୍ଦ୍ର ମିଶ୍ର , ସଦସ୍ଯ ନିରଞ୍ଜନ ପ୍ରଧାନ, ସଞ୍ଜୟ କୁମାର ସ୍ୱାଇଁ,ଚିତ୍ତରଞ୍ଜନ ସାମନ୍ତରାୟ,ଦୁଷ୍ମନ୍ତ ବରାଳ, ବସନ୍ତ ପରିଡା, ସତ୍ଯବାନ ପ୍ରଧାନ, ଲକ୍ଷ୍ମୀଧର ପ୍ରଧାନ, ଇଶ୍ୱର ସାହୁ, ଶତ୍ରୁଘ୍ନ ମହାରଣା, ପ୍ରତାପ ପ୍ରଧାନ, ଭାସ୍କର ଦଳେଇ, କେଶବ ଚନ୍ଦ୍ର ପ୍ରଧାନ, ପ୍ରକାଶ କୁମାର ପ୍ରଧାନ, ପାଣ୍ଡବ ଭୋଳଙ୍କ ସମେତ ଅନ୍ଯ ସଦସ୍ଯ ମାନେ ଉପସ୍ଥିତ ରହି ପଣା ସଂକ୍ରାନ୍ତିରେ ଭକ୍ତଙ୍କୁ ଶୃଙ୍ଖଳିତ ଭାବେ ପ୍ରସାଦ ବଣ୍ଟନ କରିବା ସହ ସଂଧ୍ଯାରେ ମହାବୀରଙ୍କ ଭଜନ ଶ୍ରୋତା ଓ ଦର୍ଶକ ମାନଙ୍କ ପାଇଁ ସମସ୍ତ ସୁବନ୍ଦୋବସ୍ତ କରାଯିବା ପାଇଁ ପ୍ରତିଶ୍ରୁତିବଦ୍ଧ ହୋଇଥିଲେ ।
About the Author
