ବାରିପଦା: ରାଜ୍ୟସ୍ତରୀୟ ଅଙ୍ଗନବାଡି କେନ୍ଦ୍ର ଉଦଘାଟନ ଉତ୍ସବ ଅବସରରେ ମୟୂରଭଞ୍ଜ ଜିଲ୍ଲାର ବିଭିନ୍ନ ଅଞ୍ଚଳରେ ନବନିର୍ମିତ ୧୨ ଗୋଟି ଅଙ୍ଗନବାଡ଼ି କେନ୍ଦ୍ର ଆଭାସୀ ମାଧ୍ୟମରେ ଉଦଘାଟିତ ହୋଇଯାଇଛି ।ମହିଳା ଓ ଶିଶୁ ବିକାଶ ବିଭାଗ ସମ୍ମିଳନୀ କକ୍ଷରେ ଆୟୋଜିତ ଏହି ଆଭାସୀ ଉଦଘାଟନ କାର୍ଯ୍ୟକ୍ରମରେ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଏବଂ ଗ୍ରାମ୍ୟ ଉନ୍ନୟନ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ମନ୍ତ୍ରୀ ରବି ନାରାୟଣ ନାଏକ ଯୋଗଦେଇ ଭିଡିଓ କନ୍ଫରେନ୍ସିଂ ମାଧ୍ୟମରେ ଏହି କେନ୍ଦ୍ରଗୁଡ଼ିକୁ ଲୋକାର୍ପଣ କରିଥିଲେ ।ଏହି ଅବସରରେ ଉପ ମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା ଉଲ୍ଲେଖ କରିଥିଲେ ଯେ, ଅଙ୍ଗନବାଡ଼ି କେନ୍ଦ୍ରଗୁଡ଼ିକ ଶିଶୁମାନଙ୍କ ପ୍ରାରମ୍ଭିକ ଶିକ୍ଷା ଓ ପୋଷଣ ସେବାର ମୂଳ ଭିତ୍ତି ଭାବେ କାର୍ଯ୍ୟ କରୁଛି ଏବଂ ଏହା ଦ୍ୱାରା ଗ୍ରାମୀଣ ଅଞ୍ଚଳରେ ମହିଳା ଓ ଶିଶୁଙ୍କ ସେବା ଆହୁରି ସୁଦୃଢ ହେବ ।ସେହିପରି ଗ୍ରାମ୍ୟ ଉନ୍ନୟନ, ପଞ୍ଚାୟତିରାଜ ଓ ପାନୀୟ ଜଳ ବିଭାଗ ମନ୍ତ୍ରୀ ଶ୍ରୀ ନାଏକ, ଶିଶୁ ଓ ମାତୃଶକ୍ତିର ସଶକ୍ତିକରଣ ଦିଗରେ ଏହା ଏକ ବଡ଼ ପଦକ୍ଷେପ । ଅଙ୍ଗନୱାଡ଼ି କେନ୍ଦ୍ରଗୁଡ଼ିକ ଗ୍ରାମାଞ୍ଚଳର ଭିତ୍ତିଭୂମିକୁ ସୁଦୃଢ଼ କରିବା ସହ ଶିଶୁମାନଙ୍କ ସର୍ବାଙ୍ଗୀନ ବିକାଶରେ ବିଶେଷ ସହାୟକ ହେବ ବୋଲି କହିଛନ୍ତି ।ଜିଲ୍ଲାର ମୋରଡା ବ୍ଲକର ମେଁଗା, କରଞ୍ଜିଆ ବ୍ଲକର ସିମି ଗାଁ ଓ ସରାସପୋଷି, କୁଲିଅଣା ବ୍ଲକର ସୁନାପୋଷି ଓ କେଉଟୁଣିମାରୀ-୨, ବିଶୋଇ ବ୍ଲକର ଟିଆକାଟି, ରାସଗୋବିନ୍ଦପୁର ବ୍ଲକର ପୁରୁଣାପାଣି, ତିରିଂ ବ୍ଲକର ଡମଡିହି, ବେତନଟୀ ବ୍ଲକର ଯୁଗୋଳ ଓ ପଡପଡା, କପ୍ତିପଦାର ଧଡ଼ାସାହି ଓ ଉପରଖୁଣ୍ଟା ପ୍ରଭୃତି ସ୍ଥାନରେ ନବ ନିର୍ମିତ ୧୨ଟି ଅଙ୍ଗନବାଡି କେନ୍ଦ୍ର ଏହି ଅବସରରେ ଉଦଘାଟିତ ହୋଇଯାଇଛି ।ଏହି ଅବସର ରେ ଜିଲ୍ଲାର ଓସ୍ୱାନ ହଲରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲାପାଳ ହେମକାନ୍ତ ସୟ ସଭାପତିତ୍ୱ କରି ଏହି ନବ ଅଙ୍ଗନବାଡ଼ି କେନ୍ଦ୍ରଗୁଡ଼ିକ ଦ୍ୱାରା ଜିଲ୍ଲାରେ ପୋଷଣ ସେବା ଓ ପ୍ରାରମ୍ଭିକ ଶିକ୍ଷାର ଗୁଣବତ୍ତାରେ ସୁଧାର ଆସିବ ଏବଂ ଏହା ଶିଶୁ ଓ ମହିଳାଙ୍କ ସମଗ୍ର ବିକାଶକୁ ନୂତନ ଦିଗ ଦେବ ବୋଲି ମତପ୍ରକାଶ କରିଛନ୍ତି ।ଏହି କାର୍ଯ୍ୟକ୍ରମରେ ସହକାରୀ ପ୍ରକଳ୍ପ ନିର୍ଦ୍ଦେଶକ ଜିଲ୍ଲା ପରିଷଦ ଶାନ୍ତନୁ ନାୟକ, ଜିଲ୍ଲା ସମାଜ କଲ୍ୟାଣ ଅଧିକାରିଣୀ ନିହାରିକା ମହାନ୍ତି, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶିଶିର କୁମାର ମୁନ୍ଦୁୟା, ସମସ୍ତ ବିଭାଗୀୟ କାର୍ଯ୍ୟକ୍ରମ ଅଧିକାରୀ, ଓମ୍ୱାଡସି ଅଧିକାରୀ, ପୋଷଣ ଅଧିକାରୀ, ସମସ୍ତ ସମ୍ବୋଧିତ ସିଡ଼ିପିଓ, ସୁପରଭାଇଜ,ର୍ ଅଙ୍ଗନବାଡ଼ି କର୍ମୀ ଯୋଗଦେଇଥିଲେ ।
About the Author
