ନୂଆଦିଲ୍ଲୀ: ଏହି ଘଟଣାର ତଦନ୍ତ ନିର୍ଦ୍ଦେଶ ଦେବାର ଗୋଟିଏ ଦିନ ପରେ, ଶୁକ୍ରବାର ଦିନ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ଫ୍ଲାଏଦୁବାଇ ଘଟଣାକୁ “ଆତଙ୍କବାଦୀ କାର୍ଯ୍ୟକଳାପ’ ବୋଲି ଘୋଷଣା କରିଛି। ରାଷ୍ଟ୍ରପତି ମହମ୍ମଦ ବିନ୍ ଜାୟେଦ୍ ଅଲ୍ ନାହ୍ୟାନ୍ଙ୍କ ପରାମର୍ଶଦାତା ଅନୱାର ଗାର୍ଗାଶ୍ ଏହି ମନ୍ତବ୍ୟ ଦେଇଛନ୍ତି। ମାଇକ୍ରୋବ୍ଲଗିଂ ପ୍ଲାଟଫର୍ମ “ଏକ୍ସ’ରେ ଆରବୀ ଭାଷାରେ ଏକ ପୋଷ୍ଟ କରି ଗାର୍ଗାଶ୍ ପାଇଲଟ୍ କ୍ୟାପଟେନ୍ ସ୍ମିତ୍ ମଚ୍ଛରଙ୍କୁ ମଧ୍ୟ ପ୍ରଶଂସା କରିଛନ୍ତି। ସେ ଏକ ବଡ଼ ଦୁର୍ଘଟଣାକୁ ଏଡ଼ାଇବା ଏବଂ ୧୭୪ ଜଣଙ୍କ ଜୀବନ ବଞ୍ଚାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଗାର୍ଗାଶ୍ କହିଛନ୍ତି ଯେ ମଚ୍ଛରଙ୍କ
କଠିନତମ ପରିସ୍ଥିତିରେ ବୃତ୍ତିଗତ ଦକ୍ଷତା ଏବଂ ନୈତିକବୋଧ ତାଙ୍କୁ ଜଣେ ନାୟକରେ ପରିଣତ କରିଛି। ସେ କହିଛନ୍ତି, ଫ୍ଲାଏଦୁବାଇର ଭାରତୀୟ ପାଇଲଟ୍ ସ୍ମିତ୍ ମଚ୍ଛର ସମସ୍ତ ପ୍ରଶଂସାର ପାତ୍ର। ଏକ ବିପଜ୍ଜନକ ଆତଙ୍କବାଦୀ କାର୍ଯ୍ୟ ଏବଂ ସମ୍ଭାବ୍ୟ ବିପର୍ଯ୍ୟୟର ମୁକାବିଲା କରିବା ସମୟରେ ସେ ସାହସ ଓ ଦାୟିତ୍ୱବୋଧର ପ୍ରକୃତ ଅର୍ଥ ପ୍ରମାଣିତ କରିଛନ୍ତି।
କଠିନତମ ପରିସ୍ଥିତିରେ ତାଙ୍କର ବୃତ୍ତିଗତ ଦକ୍ଷତା ଏବଂ ନୈତିକ ବୋଧ ତାଙ୍କୁ ଜଣେ ପ୍ରକୃତ ନାୟକ କରି ଗଢ଼ିତୋଳିଛି। ସେ ଆହୁରି ମଧ୍ୟ କହିଛନ୍ତି, ଘଟଣାକୁ ସରଳୀକରଣ କରିବା କିମ୍ବା ଷଡ଼ଯନ୍ତ୍ରମୂଳକ ତତ୍ତ୍ୱକୁ ଗ୍ରହଣ ଓ ପ୍ରଚାର କରିବା ପରିବର୍ତ୍ତେ, ଚରମପନ୍ଥା ଓ ଆତଙ୍କବାଦର ବିପଦର ମୁକାବିଲା କରିବା ପାଇଁ ସତର୍କତା ଓ ସାବଧାନତା ଅବଲମ୍ବନ କରିବା ଆବଶ୍ୟକ। ୟୁଏଇ ପୂର୍ବରୁ ଏହି ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଇଥିଲା ଏବଂ ସରକାରୀ ଓକିଲ (ପବ୍ଲିକ୍ ପ୍ରୋସିକ୍ୟୁସନ୍)ଙ୍କ ବିଶେଷଜ୍ଞ ସଦସ୍ୟଙ୍କୁ ନେଇ ଏକ ଟିମ୍ ଗଠନ କରିଥିଲା। ଏହା ଦର୍ଶାଇଥିଲା ଯେ ଘଟଣାର ତଦନ୍ତ କରିବା ପାଇଁ ୟୁଏଇର ଅଧିକାର ରହିଛି, କାରଣ ଏହି ବିମାନଟି ୟୁଏଇର ପତାକା ବହନ କରୁଥିଲା ଏବଂ ଏଥିରେ ଘଟିଥିବା ଅପରାଧ ଉପରେ ଦେଶର ଆଇନ ହମାସ୍ ନେତୃତ୍ୱରେ ଅକ୍ଟୋବର ୭ ତାରିଖରେ ହୋଇଥିବା ଆକ୍ରମଣର ବାର୍ଷିକୀକୁ ଆଉ ମାତ୍ର ଗୋଟିଏ ସପ୍ତାହ ବାକି ଥିବାବେଳେ, ଇସ୍ରାଏଲ୍ ପୂର୍ବରୁ କହିଥିଲା ଯେ ଏହି ଆକ୍ରମଣ ସମ୍ପର୍କରେ କୌଣସି ନିର୍ଦ୍ଦିଷ୍ଟ ସତର୍କବାଣୀ ମିଳିନଥିଲା। ଆତଙ୍କବାଦ ଠାରୁ ଆରମ୍ଭ କରି ମାନସିକ ବିକାର ପର୍ଯ୍ୟନ୍ତ ସମସ୍ତ ସମ୍ଭାବ୍ୟ ଦିଗ ଉପରେ ଯାଞ୍ଚ କରାଯାଉଛି। ବର୍ତ୍ତମାନ ପାଇଁ କୌଣସି ସମ୍ଭାବନାକୁ ବାଦ୍ ଦିଆଯାଇନାହିଁ ବୋଲି ଜଣେ ଅଧିକାରୀ କହିଛନ୍ତି।
About the Author
