କଳାହାଣ୍ଡି: କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ ବିଶ୍ୱନାଥପୁର ବନାଞ୍ଚଳ ବିଜେପୁର ବନ ବିଭାଗ ଅଧୀନ ପାହାଡ଼ପଦର ପଞ୍ଚାୟତ ଅନ୍ତର୍ଗତ ପଟାଙ୍ଗପଦର ଗ୍ରାମ ନିକଟସ୍ଥ ଜଙ୍ଗଲରେ ଲକ୍ଷାଧିକ ଟଙ୍କାର ମୂଲ୍ୟବାନ ଗଛ ଦିନ ଦ୍ୱିପହରରେ କାଟି ନେଉଥ?ିବା ଅଭିଯୋଗ ହୋଇଛି। ସୂଚନାନୁସାରେ ପଟାଙ୍ଗ ପଦର ଗ୍ରାମରୁ ବୋରପଦର ଯିବା ରାସ୍ତା କଡରେ ଥିବା ଶହେ ବର୍ଷ ପୁରାତନ ମୂଲ୍ୟବାନ ଗଛଗୁଡ଼ିକ ରହିଛି। କେତେକ ବ୍ୟକ୍ତି ସପ୍ତାହେ ହେଲା ଗଛଗୁଡ଼ିକୁ ମେସିନ ଦ୍ୱାରା କାଟି ମୁଖ୍ୟ ଅଂଶଗୁଡ଼ିକୁ ନେଇଯାଇଛନ୍ତି। ଗତ ବୁଧବାର ଦିନ ମଧ୍ଯ ପୁଣି ମେସିନ ଲଗାଇ ଗଛ କାଟୁଥିବା ବେଳେ ପଟାଙ୍ଗ ପଦରଗ୍ରାମର ଜଣେ ଗ୍ରାମବାସୀ ଏହାକୁ ବିରୋଧ କରିଥିଲେ। କଟାଯାଇଥିବା ଗଛଗୁଡ଼ିକର ମୋବାଇଲରେ ଫଟୋ ଉଠାଇ ବେଆଇନ ଭାବେ ବ୍ୟକ୍ତିଗତ ଜାଗାରେ ଥିବା ଗଛଗୁଡ଼ିକୁ କାଟି କେତେକ ବ୍ୟକ୍ତି ନେଉଥିବାବିଜେପୁର ଫରେଷ୍ଟରଙ୍କୁ ଫୋନ ଯୋଗେ ଜଣାଇଥିଲେ।ଏହା ବ୍ୟତୀତ ଗଛ କାଟୁଥିବା ସମୟର ଦୃଶ୍ୟ ନିଜ ମୋବାଇଲରେ ଭିଡିଓ ବନାଇ ବିଭିନ୍ନ ୱାଟସପ ଗ୍ରୁପରେ ଛାଡ଼ିଥିବା ବେଳେ ଗଛ କାଁଟୁଥିବା ଦୃବୁତ୍ତ ସହିତ କଥା କଟାକଟି ହେଉଥିବା ଓ ସେମାନେ ବ୍ୟବହାର କରିଥିବା ମୋଟର ଚାଳିତ ଗଛ କଟା ମେସିନ ସହିତ ଗୋଟିଏ ଆପାଚି ବାଇକ ଓ ଗୋଟିଏ ହୋଣ୍ଡା ସାଇନ ବାଇକ ଭିଡିଓରେ ସ୍ପଷ୍ଟ ଜଣାପଡ଼ୁଛି। ଏହି ଅଞ୍ଚଳରେ ଏହି ଘଟଣା ଚର୍ଚ୍ଚାର ବିଷୟ ହୋଇଥିବା ବେଳେ ଗୁରୁବାର ଦିନ ବିଜେପୁର ଫରେଷ୍ଟର ଘଟଣାସ୍ଥଳକୁ ଯାଇ ତଦନ୍ତ କରି କଟାଯାଇଥିବା ଗଛର ବଳକା ଅଂଶଗୁଡ଼ିକୁ ଜବତ କରିଆଣିଥିଲେ । ଏନେଇ ବିଜେପୁର ଫରେଷ୍ଟର ପଦ୍ମଲୋଚନ ଶବରଙ୍କୁ ପଚାରିବାରୁ ପଟାଙ୍ଗପଦର ଗ୍ରାମର ଜଣେ ଲୋକ ବେଆଇନ ଭାବେ ଗଛ କଟାଯାଉଥିବା ନେଇ ଫୋନ ଯୋଗେ ଅଭିଯୋଗ କରିଥିଲେ। ତାଙ୍କର ପଟ୍ଟା ଜମି ପ୍ଲଟରେ ଥ?ିବା କିଛି ଗଛଗୁଡ଼ିକୁ ଦୃବୁତ୍ତ ମାନେ ମେସିନ ଦ୍ୱାରା କାଟି ନେଉଛନ୍ତି। ତେଣୁ ଆଜି ମୁଁ ଆମ ବନ ଟିମ ସହିତ ଘଟଣାସ୍ଥଳକୁ ଯାଇ ଗଛ କାଟିଥିବା ଦେଖାଲି। ଗଛର ବଳକା ପଡ଼ିଥିବା ଅବଶିଷ୍ଟ୍ୟଶ ଜବତ କରି ବିଜେପୁରଙ୍କୁ ଆଣିଛି । ଆସନ୍ତାକାଲି ପୁଣି ଯାଇ ଅଭିଯୋଗକାରୀଙ୍କ ଅନୁସାରେ ତଦନ୍ତ କରିବା ସହିତ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରକାଶ କରିଥିଲେ।
About the Author
