ପୁରୀ: ପୁରୀ ଜିଲ୍ଲା ଥ୍ରୋ ବଲ ଆସୋସିଏସନ ପକ୍ଷରୁ ଝାଡେଶ୍ୱରୀ କ୍ଲବ ପରିସରରେ ରବିବାର ପୂର୍ବାହ୍ନରେ ଗ୍ରୀଷ୍ମ କାଳୀନ କ୍ୟାମ୍ପ ଭାକେସନ ଶୁଭାରମ୍ଭ ହୋଇଯାଇଛି । ଏଥିରେ ମୁଖ୍ଯ ଅତିଥି ଭାବେ ଜିଲ୍ଲା କଂଗ୍ରେସ ସଭାପତି ଇଂ ରାଜେଶ କୁମାର ମିଶ୍ର , କ୍ରୀଡା ସଂଗଠକ ଅରବିନ୍ଦ ଦାସ ଓ ଓଡ଼ିଶା ଥ୍ରୋ ବଲ୍ ସମ୍ପାଦକ ଜୀତେନ୍ଦ୍ର ନାଥ ଦାସ ପ୍ରମୁଖ ଯୋଗଦେଇ ଆନୁଷ୍ଠାନିକ ପୂର୍ବକ ଶୁଭାରମ୍ଭ କରି କହିଲେ ଖେଳ କସରତ କରିବା ଦ୍ୱାରା ଶରୀର ସୁନ୍ଦର ରହିବା ସହ ମାନସିକ ଦୁଶ୍ଚିନ୍ତା ଦୂର ହୋଇଯିବ । ଖେଳ ଦ୍ୱାରା ସୁସ୍ଥ ଶରୀର ଓ ମନ ପ୍ରଫୁଲ୍ଲ ରହିବ । କ୍ରୀଡାବିତ ମାନଙ୍କୁ ଉତ୍ସାହିତ କରିବା ସହ ଆଗକୁ ଭଲ ଖେଳ ପ୍ରଦର୍ଶନ କରି ପୁରୀର ନାମ ରଖିବା ପାଇଁ ପରାମର୍ଶ ଦେଇଥିଲେ । ଥ୍ରୋ ବଲ ଖେଳ ପାଇଁ ଯାହା ସବୁ ନିତାନ୍ତ ଆବଶ୍ୟକ ନିଶ୍ଚିତ ପୂରଣ କରାଯିବ ବୋଲି ମୁଖ୍ଯ ଅତିଥି ଶ୍ରୀ ମିଶ୍ର ପ୍ରତିଶୃତି ଦେଇଥିଲେ । ପୁରୀ ଜିଲ୍ଲା ଥ୍ରୋ ବଲ୍ ସମ୍ପାଦକ ଦିପ୍ତିରଞ୍ଜନ ସାମନ୍ତରାୟ, କୋଚ୍ ସୁଧା ସିନ୍ଧୁ ସାହୁ ପ୍ରମୁଖ ଉପସ୍ଥିତ ରହି ଖେଳାଳୀମାନଙ୍କୁ ଖେଳ ପ୍ରଦର୍ଶନର ନୀତି ନିୟମ ପାଳନ କରିବା ସହ ଖେଳ ମନୋବୃତ୍ତିର ମନୋଭାବକୁ ବଢାଇଥିଲେ । ବାଳକ ଓ ବାଳିକାଙ୍କୁ ମିଶାଇ ସର୍ବମୋଟ ୭୫ ଜଣ ଖେଳାଳି ଏଥିରେ ଯୋଗ ଦେଇଥିଲେ । ସେମାନଙ୍କ ମଧ୍ୟରୁ ୫୬ ଜଣ ଖେଳାଳି ଆଗାମୀ ଦିନରେ ଭୋପାଳ ଠାରେ ଜାତୀୟ ସ୍ତରୀୟ ପ୍ରତିଯୋଗିତା ରେ ଯୋଗ ଦେବେ ବୋଲି ଆସୋସିଏସନର ସମ୍ପାଦକ ଜିତେନ୍ଦ୍ର ନାଥ ଦାସ ସୂଚନା ପ୍ରଦାନ କରିଛନ୍ତି ।
About the Author
