ନୀଳଗିରି: ଦ୍ରୁତଗତିରେ ଗାଡି ଚାଳନାକୁ ବାରଣକରିବା ପଡିଲା ମହଙ୍ଗା।ଇଶ୍ୱରପୁର ଫାଣ୍ଡି ଅଧୀନ ସନ୍ତରାଗଡ଼ିଆ ପଞ୍ଚାୟତ କାଇଁଶିପାଳ ଗ୍ରାମର କରୁଣାକର ଦେହୁରୀ ଉକ୍ତଗ୍ରାମର ଦୁଇ ଜଣ ଯୁବକଙ୍କ ଦ୍ରୁତ ଗାଡିଚାଳଣାକୁ ବାରଣ କରିଥିଲେ ।ଫଳରେ ତାଙ୍କୁ ଏକବର୍ଷ ତଳେ ଉକ୍ତ ଯୁବକଦ୍ୱୟ ମରଣାତ୍ମକ ଆକ୍ରମଣ କରିଥିଲେ।ଫଳରେ କରୁଣାକର ଗାଁ ଛାଡି ବାହାରକୁ ପଳାଇଯାଇଥିଲେ। କରୁଣାକର ଦୁଇଦିନ ତଳେ ଘରକୁ ଫେରିଥିବା ବେଳେ ଗତକାଲି ଶନିବାର ନିଜ ପୁଅକୁ ଟ୍ୟୁସନରୁ ଆଣିବାକୁ ଯାଇଥିବା ସମୟରେ ପୁନଃ ଉକ୍ତ ଯୁବକମାନେ ତାଙ୍କୁ ତେଲେଙ୍ଗା କଟୁରୀରେ ମରଣାତ୍ମକ ଆକ୍ରମଣ କରିଥିଲେ।ସେ ଗୁରୁତର ଅବସ୍ଥାରେ ପଡିଥିବା ବେଳେ ସ୍ଥାନୀୟଲୋକ ଉଦ୍ଧାରକରି ନୀଳଗିରି ମେଡିକାଲରେ ଭର୍ତ୍ତି କରିଥିଲେ।ଏନେଇ କରୁଣାକର ନୀଳଗିରି ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭକରିଛି। ତେବେ ଉକ୍ତ ଯୁବକଦ୍ୱୟ ବାରମ୍ବାର ଆକ୍ରମଣ କରୁଥିବାରୁ ନ୍ୟାୟ ଦାବୀ କରିଛନ୍ତି କରୁଣାକର ।
About the Author
