ବାରିପଦା : ତିରିଂ ଥାନା ଅନ୍ତର୍ଗତ କୁଲୁଘୁଟୁ ଗ୍ରାମରେ ଏକ ଦୁଃଖଦ ଅଭାବନୀୟ ବିଭତ୍ସ ହତ୍ଯାକାଣ୍ଡ ଘଟଣା ଆଜି ପୂର୍ବାହ୍ନ ୮.୩୦ ରେ ଘଟିଯାଇଛି ।ସୂଚନାଯୋଗ୍ୟ କୁଲୁଘୁଟୁ ଗ୍ରାମର ଗୋପୀନାଥ ସର୍ଦାର ଏବଂ ବୁଦ୍ଧେଶ୍ୱର ରଣା ଗାଁରେ ସାଇକେଲରେ ଯାଉଥିଲେ ।ସେହି ଗ୍ରାମର ମାନସିକ ବିକାର ଗ୍ରସ୍ତ ଯୁବକ ମୋଚକା ଆଳଦା ଏକ ଶାବଳରେ ସେହି ଦୁଇ ଜଣଙ୍କୁ ପଛଆଡୁ ମୁଣ୍ଡକୁ ମାଡ଼ ଦେବାରୁ ଦୁଇ ଜଣ ରାସ୍ତାରେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ି ରହିଥିଲେ ।ଗାଁ ଲୋକେ ଏଭଳି ଲୋମଟାଙ୍କୁରା ଘଟଣା ଦେଖି ଯୁବକକୁ କାବୁ କରି ଉତ୍ତମ ମଧ୍ଯମ ଦେଇଥିଲେ ।ତିରିଂ ପୋଲିସ ଘଟଣାସ୍ଥଳରେ ପହଞ୍ଚି ଆହତ ଯୁବକକୁ ଉଦ୍ଧାର କରି ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ ।ଖବର ପାଇ ରାଇରଙ୍ଗପୁର ଅତିରିକ୍ତ ହାଲ୍ଲା ଆରକ୍ଷୀ ଅଧୀକ୍ଷକ ଯଦୁନାଥ ଯେନା,ଏସଡିପିଓ ବୀରେନ୍ଦ୍ର ସେନାପତି ,ତିରିଂ ଥାନାଧିକାରୀ ପ୍ରଶାନ୍ତ ଯେନା ପ୍ରମୁଖ ପହଞ୍ଚି ଛାନଭିନ୍ କରିବା ସହ ତଦନ୍ତକୁ ଜୋରଦାର କରିଥିଲେ ।ଗାଁରେ ଦୁଇ ଜଣ ଲୋକଙ୍କର ମୃତ୍ୟୁ ଘଟଣାରେ ଶୋକାକୂଳ ପରିବେଶ ହେବା ସହିତ କାନ୍ଦ ବୋବାଳି ରେ ଗାଁ ଦାଣ୍ଡ କମ୍ପୁଥିବାବେଳେ ଗୁରୁତର ଆସାମୀ ମୋଚକା ଆଳଦାର ଚିକିତ୍ସାଧୀନ ଅବସ୍ଥାରେ ସଂନ୍ଧ୍ୟାରେ ମୃତ୍ୟୁ ହୋଇଛି । ଘଟଣାକୁ ନେଇ ପୋଲିସ ର ଚିନ୍ତା ବଢିଯାଇଥିବାର ପ୍ରକାଶ ।
About the Author
