ରଣପୁର: ନୟାଗଡ ଜିଲ୍ଲା ରଣପୁର ବ୍ଲକ ଅନ୍ତର୍ଗତ ଚାନ୍ଦପୁର ଥାନା ଅଞ୍ଚଳରୁ ଜଣେ ଆନ୍ତଃରାଜ୍ୟ ଠକକୁ ଗିରଫ କରାଯାଇଛି କ୍ଷ ଅଭିଯୋଗ ମୁତାବକ ଚାନ୍ଦପୁର ଥାନା ଅଧୀନସ୍ଥ କନ୍ଧନୟାଗଡ଼ ଗ୍ରାମର ସ୍ୱର୍ଗତ ଭିକାରି ନାୟକଙ୍କ ପୁତ୍ର ବିପିନ ବିହାରୀ ନାୟକ ଚିଙ୍ଗୁଡ଼ି ବ୍ୟବସାୟ କରିବାପାଇଁ ମନୋନିବେଶ କରିଥିଲେ । ଏହି ବ୍ୟବସାୟ କରିବା ପାଇଁ ସେ ଆନ୍ଧ୍ର ପ୍ରଦେଶ ବିଶାଖାପାଟନମ ଥାନା ଅଧୀନ ସୀମାଦ୍ରୀ ନଗର ପ୍ରହଲ୍ଲାଦପୁରମ ଅଞ୍ଚଳର ଡି.ପ୍ରସାଦ ରାଓଙ୍କ ପୁଅ ଡି.ସତୀଶଙ୍କ ସହ ମିଶି ଚିଙ୍ଗୁଡ଼ି ବ୍ୟବସାୟ ଆରମ୍ଭ କରିଥିଲେ । ଏ ନେଇ ୨୦୨୧ -ଜୁନ୍ ୨୦ରେ ବିପିନ ସତୀଶଙ୍କୁ ଦୁଇଟି କିସ୍ତିରେ ବ୍ୟାଙ୍କ ଆକାଉଣ୍ଟ ମାଧ୍ଯମରେ ୩୫ଲକ୍ଷ ଟଙ୍କା ଦେଇଥିଲେ ।ପ୍ରତିବଦଳରେ ସତୀଶ ୩ଟ୍ରିପ୍ ଚିଙ୍ଗୁଡ଼ି ପଠାଇଥିଲେ ।ଯାହାକୁ ଚମ୍ପାଗଡ଼ ସ୍ଥିତ ଶ୍ରୀରାଗମ ଚିଙ୍ଗୁଡ଼ି ଫ୍ୟାକ୍ସିରେ ବିକ୍ରି କରାଯାଇଥିଲା । ଏପରିକି ଏହାର ଲାଭ ବାବଦକୁ ସତୀଶ ବିପିନଙ୍କୁ ୬୦ହଜାର ଓ ମୂଳ ଧନ ୩୫ଲକ୍ଷ ଟଙ୍କା ମିଶାଇ ଦେଇଥିଲେ । କିନ୍ତୁ ପରବର୍ତୀ ସମୟରେ ଚିଙ୍ଗୁଡ଼ି କିଣା ହୋଇଯାଇଥିବା ବାହାନା ଦେଖାଇ ସତୀଶ, ବିପିନଙ୍କ ଠାରୁ ୨୦୨୧ ମସିହା ଅକ୍ଟୋବର ୧୬ ତାରିଖରେ ପୁନଶ୍ଚ ୨୦ଲକ୍ଷ ଟଙ୍କା ନେଇଥିଲେ । ହେଲେ ଆଉ ବେପାର ନକରି ଠକିବା ଉଦ୍ଦେଶ୍ୟ ରଖି ବାର୍ତ୍ତାଳାପ ବନ୍ଦ କରି ଦେଇଥିଲେ । ବହୁତ ପ୍ରଚେଷ୍ଟା ସତ୍ତ୍ୱେ ବିପିନ ତାଙ୍କ ଟଙ୍କା ଫେରିପାଇବା ପାଇଁ ଯୋଗାଯୋଗ କରି ବିଫଳ ହେବାରୁ ପ୍ରଥମେ ଚାନ୍ଦପୁର ଥାନା, ଜିଲ୍ଲା ଆରକ୍ଷୀ ଅଧୀକ୍ଷକ ଓ ପରେ ଉଚ୍ଚ ନ୍ୟାୟାଳୟର ଦ୍ୱାରସ୍ଥ ହେବା ପରେ ଦୀର୍ଘ ୫ବର୍ଷ ଲଢ଼େଇ କରି ଶେଷରେ ଚାନ୍ଦପୁର ପୁଲିସ ସତୀଶକୁ ବିଶାଖାପାଟଣା ଅଞ୍ଚଳରୁ ଗିରଫ କରିଥିବା ଆଇଆଇସି ଅଭୟ କୁମାର ବେହେରା ସୂଚନା ଦେଇଛନ୍ତି
About the Author
