ନୂଆଦିଲ୍ଲୀ: ବୁଧବାର ଦିନ ଉତ୍ତର-ପୂର୍ବ ଦିଲ୍ଲୀର ସୀମାପୁରୀ ଅଞ୍ଚଳରେ ଏକ କୋଠା ଭୁଶୁଡ଼ି ପଡ଼ିବା ଫଳରେ ଜଣେ ଶିଶୁ ଓ ଜଣେ ୨୧ ବର୍ଷୀୟା ଗର୍ଭବତୀ ମହିଳାଙ୍କ ସମେତ ତିନି ଜଣଙ୍କର ମୃତ୍ୟୁ ଘଟିଛି ଏବଂ ଆଠ ଜଣ ଆହତ ହୋଇଛନ୍ତି ବୋଲି ଅଧିକାରୀମାନେ ସୂଚନା ଦେଇଛନ୍ତି। ସନ୍ଧ୍ୟା ସୁଦ୍ଧା ଭଗ୍ନାବଶେଷ ମଧ୍ୟରୁ ୧୧ ଜଣଙ୍କୁ ଉଦ୍ଧାର କରାଯାଇଥିଲା; ସେମାନଙ୍କ ମଧ୍ୟରୁ ଆହତ ୮ ଜଣଙ୍କୁ ଚିକିତ୍ସା ପାଇଁ ତାହିରପୁରସ୍ଥିତ ରାଜୀବ ଗାନ୍ଧୀ ସୁପର ସ୍ପେଶାଲିଟି ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ଆହତମାନଙ୍କ ପରିଚୟ ମୋମିନ୍ ମିର୍ଜା (୫୬), ଅବଦାନ (୩), ଅବଦୁଲ ରେହମାନ (୨୮), ଦେବରୁଦ୍ଦିନ୍ (୨୮), ସଲମା (୫୦), ଛୋଟେ (୩୪), ସକିନା (୩୫) ଏବଂ ସମାଦ (୩୦) ଭାବେ ଚିହ୍ନଟ କରାଯାଇଛି। ମୃତକଙ୍କ ମଧ୍ୟରେ ପ୍ରାୟ ୧୨ ବର୍ଷୀୟା ଜଣେ ବାଳିକା, ପ୍ରାୟ ଚାରି ମାସର ଗର୍ଭବତୀ ଥିବା ଗୁଲାଫସା (୨୧) ଏବଂ ପ୍ରାୟ ଦେଢ଼ ବର୍ଷ ବୟସର ଅନ୍ୟ ଏକ ଶିଶୁ ଅନ୍ତର୍ଭୁକ୍ତ। ମଙ୍ଗଳବାର ସନ୍ଧ୍ୟାରେ ଉତ୍ତରାଖଣ୍ଡରେ ହୋଇଥିବା ଭୂକମ୍ପ ଯୋଗୁଁ କୋଠାରେ ସୃଷ୍ଟି ହୋଇଥିବା ଫାଟ ଏହି ଦୁର୍ଘଟଣାର କାରଣ ହୋଇଥାଇପାରେ ବୋଲି କର୍ତ୍ତୃପକ୍ଷ ସନ୍ଦେହ କରୁଛନ୍ତି। ସ୍ଥାନୀୟ ଲୋକେ କହିଛନ୍ତି ଯେ ସେମାନେ ଭଗ୍ନାବଶେଷ ତଳେ ଫସି ରହିଥିବା ଲୋକଙ୍କ ସ୍ୱର ଶୁଣିପାରୁଥିଲେ। କୋଠା ଭୁଶୁଡ଼ିବାର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ। ମ୍ୟୁନିସିପାଲ୍ କର୍ପୋରେସନ୍ ଅଫ୍ ଦିଲ୍ଲୀ ଅନୁଯାୟୀ, ପଡ଼ୋଶୀମାନେ ଦାବି କରିଛନ୍ତି ଯେ ଭୂକମ୍ପ ପରେ କୋଠାରେ ଫାଟ ଦେଖାଦେଇଥିଲା ଏବଂ କୋଠା ମାଲିକ ଏହାକୁ ଖାଲି କରିବା ପ୍ରକ୍ରିୟାରେ ଥିଲେ। ଦିଲ୍ଲୀ ଅଗ୍ନିଶମ ସେବା ଅପରାହ୍ନ ପ୍ରାୟ ୩:୩୦ ସମୟରେ ଏହି ଘଟଣା ସମ୍ପର୍କରେ ସୂଚନା ପାଇବା ପରେ ଘଟଣାସ୍ଥଳକୁ ଅଗ୍ନିଶମ ଗାଡ଼ି ପଠାଇଥିଲା। ଦିଲ୍ଲୀ ପୋଲିସ, ଦିଲ୍ଲୀ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ, ଜାତୀୟ ବିପର୍ ତେବେ ଗଉଊ ଏହାକୁ ଇଦଗାହ ମାଛଲି ??ମଣ୍ଡି ନିକଟସ୍ଥ ଊଟଝଓଈ ଅଞ୍ଚଳରେ ପ୍ରାୟ ୨୨ ବର୍ଗ ଗଜ ସ୍ଥାନରେ ଥିବା ଏକ ତିନି ମହଲା ବିଶିଷ୍ଟ ଝୁଗି-ଝୋପଡ଼ି ଅଞ୍ଚଳର ଘର ବୋଲି ବର୍ଣ୍ଣନା କରିଛି। ଜଣେ ପୋଲିସ ଅଧିକାରୀ କହିଛନ୍ତି, “ଏପର୍ଯ୍ୟନ୍ତ ଭଗ୍ନାବଶେଷ ମଧ୍ୟରୁ ୧୧ ଜଣଙ୍କୁ ଉଦ୍ଧାର କରାଯାଇଛି, ଯେଉଁଥିରେ ଆହତ ହୋଇଥିବା ୮ ଜଣ ବ୍ୟକ୍ତି ଅନ୍ତର୍ଭୁକ୍ତ; ସେମାନଙ୍କୁ ତାହିରପୁରସ୍ଥିତ ରାଜୀବ ଗାନ୍ଧୀ ସୁପର ସ୍ପେଶାଲିଟି ହସ୍ପିଟାଲକୁ ସ୍ଥାନାନ୍ତର କରାଯାଇଛି। ଉଦ୍ଧାର କାର୍ଯ୍ୟ ଜାରି ରହିଛି ଏବଂ ଘଟଣା ସମ୍ପର୍କିତ ଅଧିକ ତଥ୍ୟ ସଂଗ୍ରହ କରାଯାଉଛି।’ ଗଉଊ କହିଛି ଯେ ଘରଟି ପ୍ରାୟ ୨୦-୨୫ ବର୍ଷ ପୁରୁଣା ଥିଲା ଏବଂ ଘଟଣା ସମୟରେ ସେଠାରେ ଲୋକମାନେ ରହୁଥିଲେ। ସ୍ଥାନୀୟ ପ୍ରଶାସନିକ ସଂସ୍ଥା କହିଛି ଯେ, “ଉକ୍ତ ଘର ବ୍ୟତୀତ ଏକ ସଂଲଗ୍ନ କୋଠାର କାନ୍ଥ ମଧ୍ୟ ଭୁଶୁଡ଼ି ପଡ଼ିଛି ଏବଂ ଘଟଣାର ପ୍ରଭାବ ଯୋଗୁଁ ନିକଟସ୍ଥ ଏକ ମସଜିଦର ସୀମା କାନ୍ଥ ମଧ୍ୟ ଭାଙ୍ଗି ପଡ଼ିଛି।’ ସ୍ଥାନୀୟ ତଦନ୍ତ ଅନୁଯାୟୀ, ସେହି ଅଞ୍ଚଳରେ ଆବର୍ଜନା ସଂଗ୍ରହ କରୁଥିବା ପରିବାରଗୁଡ଼ିକ ଉପସ୍ଥିତ ଥିଲେ ଏବଂ ସେମାନଙ୍କ ମଧ୍ୟରୁ କିଛି ଲୋକ ପ୍ଲାଷ୍ଟିକ ଓ ଅନ୍ୟାନ୍ୟ ସାମଗ୍ରୀ ସଂଗ୍ରହ କରୁଥିବା ବେଳେ ଘର ଭୁଶୁଡ଼ିବା ଫଳରେ ଭଗ୍ନାବଶେଷ ତଳେ ଫସି ଯାଇଥିଲେ। ସଂସ୍ଥା କହିଛି, ପଡ଼ୋଶୀମାନଙ୍କ ବୟାନ ଅନୁଯାୟୀ, ଗତ ରାତିର ଭୂକମ୍ପ ଯୋଗୁଁ ଘରଟିରେ ଫାଟ ସୃଷ୍ଟି ହୋଇଥିଲା ଏବଂ ଘର ମାଲିକ ଏହାକୁ ଖାଲି କରୁଥିଲେ। ଏଥିରେ କୁହାଯାଇଛି ଯେ ୧୧ ଜଣଙ୍କୁ ଉଦ୍ଧାର କରାଯାଇଥିଲା, ସେଥିମଧ୍ୟରୁ ୮ ଜଣ ଆହତ ହୋଇଥିଲେ ଏବଂ ସେମାନଙ୍କୁ ହସ୍ପିଟାଲ ପଠାଯାଇଥିଲା। ମିଳିତ ଦଳ ଭଗ୍ନାବଶେଷ ହଟାଇବା ଏବଂ ପ୍ରଭାବିତ ଅଞ୍ଚଳରେ ଖୋଜାଖୋଜି କରିବା କାର୍ଯ୍ୟରେ ନିୟୋଜିତ ଅଛନ୍ତି। ପୋଲିସ ଏବଂ ଗଉଊ ଦ୍ୱାରା ଜାରି କରାଯାଇଥିବା ପ୍ରାରମ୍ଭିକ ବିବର ଭଙ୍ଗା ଅଂଶର ବଡ଼ ରାଶିକୁ ହଟାଇବା ପାଇଁ ଏକ୍ସକାଭେଟର ସହିତ ଭାରୀ ଯନ୍ତ୍ରପାତି ବ୍ୟବହାର କରାଯାଇଥିଲା, ଯେତେବେଳେ କି ପାରାମେଡିକ୍ସ ଏବଂ ଜରୁରୀକାଳୀନ ସେବା କର୍ମଚାରୀମାନେ ଉଦ୍ଧାର ହୋଇଥିବା ଲୋକଙ୍କ ଯତ୍ନ ନେଇଥିଲେ ଏବଂ ଆହତମାନଙ୍କୁ ଡାକ୍ତରଖାନାକୁ ସ୍ଥାନାନ୍ତର କରିଥିଲେ। ଉଦ୍ଧାରକାରୀ ଦଳ ଭଙ୍ଗା ଅଂଶ ମଧ୍ୟରେ ଫସି ରହିଥିବା ସମ୍ଭାବ୍ୟ ଲୋକଙ୍କୁ ଖୋଜିବା ଜାରି ରଖିଥିଲେ। ସେହି ଅଞ୍ଚଳର ଜଣେ ବାସିନ୍ଦା କହିଛନ୍ତି ଯେ ସ୍ଥାନୀୟ ଲୋକଙ୍କ ଦ୍ୱାରା ଅନେକ ଲୋକଙ୍କୁ ଉଦ୍ଧାର କରାଯାଇ ଡାକ୍ତରଖାନା ନିଆଯାଇଥିଲା। ସେ କହିଲେ, “ଅଧ ଘଣ୍ଟା ପରେ ପୋଲିସ୍ ଆସିଥିଲା।
About the Author
