ବାଲିଗୁଡା: ବାଲିଗୁଡା ରେ ତାଣ୍ଡବ ରଚିଲା କାଳ ବୈଶାଖୀ ।କାଳ ବୈଶାଖୀ ର ପ୍ରଭାବ ରେ ବାଲିଗୁଡା ସହର ତଥା ଆଖପାଖ ଅଂଚଳ ରେ ବିଭିନ୍ନ ସ୍ଥାନ ରେ ବଡ଼ ବଡ଼ ଗଛ ଉପୁଡି ଘରଦ୍ୱାର ଭାଙ୍ଗିଥିବା ବେଳେ ବିଦ୍ୟୁତ ତାର ଓ ଖୁଣ୍ଟ ମଧ୍ୟ ଭାଙ୍ଗି ତଳେ ପଡ଼ିଥିବା ଦେଖିବାକୁ ମିଳିଛି।ବିଳମ୍ବିତ ରାତ୍ରି ରେ ପ୍ରବଳ ପବନ ଘଡଘଡି ସହ ବର୍ଷା ହୋଇଥିବା ବେଳେ କରାଳ ରୂପ ଧାରଣ କରିଥିଲା କାଳ ବୈଶାଖୀ । ବାଲିଗୁଡା ର ଅଧିଷ୍ଠାତ୍ରୀ ଦେବୀ ମା ବରାଳ ଦେବୀ ଙ୍କ ରୋଷେଇ ଘର ଉପରେ ବିରାଟକାୟ ଗଛ ପବନ ରେ ମୂଳ ରୁ ଉପୁଡି ସମ୍ପୂର୍ଣ୍ଣ ଭାବେ ଭାଙ୍ଗି ଯାଇଛି । ତେବେ ସୌଭାଗ୍ୟ ବଶତଃ ମନ୍ଦିର ର ପୂଜକ ଓ ସ୍ତ୍ରୀ ରୋଷେଇ ଘର ପାଖରେ ଥିବା ଅନ୍ୟ ଏକ ଘରେ ଶୋଇଥିବା ବେଳେ ଅଳ୍ପକେ ମୃତ୍ୟୁ ମୁଖ ରୁ ବର୍ତି ଥିବା କହିଛନ୍ତି । ରାତି ପ୍ରାୟ ଏକ ଘଣ୍ଟା ସମୟରେ ପ୍ରବଳ ର ମାତ୍ରା ଅତ୍ୟଧିକ ହୋଇ ବିରାଟ କାୟ ଗଛ ଘର ଉପରେ ପଡିଥିଲା ବେଳେ ପୂଜକ ଓ ତାଙ୍କ ସ୍ତ୍ରୀ ଜୀବନ ବଞ୍ଚାଇ ବାହାର କୁ ପଳେଇ ଆସିଥିଲେ । ସେହିପରି ବାଲିଗୁଡା ବନ ବିଭାଗ ର ବନାଞ୍ଚଳ ଅଧିକାରୀ ଙ୍କ ସରକାରୀ କ୍ୱାଟର ଉପରେ ମଧ୍ୟ ଗଛ ପଡି ଛାତ ଭାଙ୍ଗି ଯାଇଛି । ତେବେ ବିଭିନ୍ନ ସ୍ଥାନ ରେ ବଡ଼ ବଡ଼ ଗଛ ଭାଙ୍ଗି ଥିବାରୁ ବିଦ୍ୟୁତ ଓ ମୋବାଇଲ ନେଟୱର୍କ ସେବା ବାଧାପ୍ରାପ୍ତ ହୋଇଛି ।ତେବେ କାଳ ବୈଶାଖୀ ର ତାଣ୍ଡବ ରେ କେହି ଆହତ ହୋଇନଥିବା ସୂଚନା ମିଳିଛି । ପ୍ରଶାସନ ପକ୍ଷରୁ ଗଛ କଟାଯାଇ ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରାଯାଉଛି ।
About the Author
