କଲିକତା: ଗୁରୁବାର ଦିନ କଲିକତା ହାଇକୋର୍ଟ ପୁନର୍ବାର ନିର୍ଦ୍ଦେଶ ଦେଇଛନ୍ତି ଯେ ଗିରଫ ହୋଇଥିବା କଂଗ୍ରେସ ପ୍ରାର୍ଥୀ ମିଳନ ପ୍ରଧାନଙ୍କୁ ନନ୍ଦିଗ୍ରାମ ଉପ-ନିର୍ବାଚନରେ ଠିକ୍ ଭାବେ ପ୍ରତିଦ୍ୱନ୍ଦ୍ୱିତା କରିବାକୁ ଅନୁମତି ଦିଆଯାଉ। କୋର୍ଟ ସ୍ପଷ୍ଟ କରିଛନ୍ତି ଯେ, ଯେଉଁ ମାମଲାରେ ତାଙ୍କୁ ନିମ୍ନ ଅଦାଲତ ଦ୍ୱାରା ଅକ୍ଟୋବର ୭ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠାଯାଇଛି, ସେହି ମାମଲା ପାଇଁ ତାଙ୍କୁ ଗିରଫ ବୋଲି ବିବେଚନା କରାଯିବ ନାହିଁ। ନନ୍ଦିଗ୍ରାମରେ ଉପ-ନିର୍ବାଚନ ଅକ୍ଟୋବର ୬ ତାରିଖରେ ହେବାକୁ ଥିବାବେଳେ ଅକ୍ଟୋବର ୪ ତାରିଖରେ ପ୍ରଚାର ଶେଷ ହେବ। ସେପ୍ଟେମ୍ବର ୨୨ ତାରିଖରେ ହାଇକୋର୍ଟରେ ଉଲ୍ଲେଖ କରାଯାଇଥିବା ୧୧ଟି ମାମଲା ବ୍ୟତୀତ ୨୦୦୭ ମସିହାର ଏକ ଅପରାଧିକ ମାମଲାରେ ତାଙ୍କୁ ଗିରଫ ଦର୍ଶାଯାଇ ଅକ୍ଟୋବର ୭ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠାଯାଇଥିବା ନେଇ ପ୍ରଧାନଙ୍କ ଓକିଲଙ୍କ ଆବେଦନ ଉପରେ ଶୁଣାଣି କରି ବିଚାରପତି ସୌଗତ ଭଟ୍ଟାଚାର୍ଯ୍ୟ ଲକ୍ଷ୍ୟ କରିଥିଲେ ଯେ ପ୍ରଧାନଙ୍କ ନିକଟରେ କୌଣସି ହାଜର ପରୱାନା ଜାରି କରାଯାଇଥିବାର କୌଣସି ଦସ୍ତାବିଜ ରାଜ୍ୟ ସରକାରଙ୍କ ପକ୍ଷରୁ ଉପସ୍ଥାପନ କରାଯାଇନାହିଁ। ବିଚାରପତି ଭଟ୍ଟାଚାର୍ଯ୍ୟ ସମ୍ପୃକ୍ତ ପୋଲିସ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ ଯେ ପୂର୍ବ ମେଦିନୀପୁର ଜିଲ୍ଲାର ଖେଜୁରୀ ଥାନାରେ ୨୦୦୭ ମସିହାର ୪୫ ନମ୍ବର ମାମଲା ସମ୍ବନ୍ଧରେ ଅକ୍ଟୋବର ୧୨ ପର୍ଯ୍ୟନ୍ତ ପ୍ରଧାନଙ୍କ ବିରୁଦ୍ଧରେ କୌଣସି ପଦକ୍ଷେପ ନିଆଯିବ ନାହିଁ ଏବଂ ଉକ୍ତ ଅପରାଧିକ ମାମଲାରେ ତାଙ୍କୁ ଗିରଫ ବୋଲି ବିବେଚନା କରାଯିବ ନାହିଁ। କୋର୍ଟ ମତ ଦେଇଥିଲେ ଯେ, “ଏହା ଆଶ୍ଚର୍ଯ୍ୟଜନକ ଯେ ଉକ୍ତ ଅପରାଧିକ ମାମଲାଟି ୨୦୦୭ ମସିହାର ଏବଂ ତଦନ୍ତକାରୀ ଅଧିକାରୀ ସେପେ୍୍ଟମ୍ବର ୧୯ ତାରିଖରେ ଆବେଦନକାରୀଙ୍କୁ ଗିରଫ ଦର୍ଶାଇବା ପାଇଁ ଅନୁରୋଧ କରିଥିଲେ।’ ବିଚାରପତି ଭଟ୍ଟାଚାର୍ଯ୍ୟ ମୌଖିକ ଭାବେ ଅତିରିକ୍ତ ଆଡଭୋକେଟ୍ ଜେନେରାଲ ନିଜ ବିରୁଦ୍ଧରେ ରୁଜୁ ହୋଇଥିବା ଅନ୍ୟ ଛଅଟି ମାମଲାରେ କଠୋର କାର୍ଯ୍ୟାନୁଷ୍ଠାନରୁ ସୁରକ୍ଷା ଲୋଡ଼ି ପ୍ରଧାନଙ୍କ ଦ୍ୱାରା ଦାଖଲ ହୋଇଥିବା ଏକ ଆବେଦନର ଶୁଣାଣି ସମୟରେ, ସେପ୍ଟେମ୍ବର ୨୨ ତାରିଖରେ କଲିକତା ହାଇକୋର୍ଟଙ୍କୁ ରାଜ୍ୟ ସରକାର ଜଣାଇଲେ ଯେ ସେଥିମଧ୍ୟରୁ ପାଞ୍ଚଟି ମାମଲା ପୂର୍ବ ସରକାରଙ୍କ ଦ୍ୱାରା ପ୍ରତ୍ୟାହାର କରାଯାଇଥିଲା ଏବଂ ଷଷ୍ଠ ମାମଲାରେ ତାଙ୍କର ଆବଶ୍ୟକତା ନଥିଲା। ହାଇକୋର୍ଟଙ୍କୁ ଏହା ମଧ୍ୟ ଜଣାଯାଇଥିଲା ଯେ ଅନ୍ୟ ପାଞ୍ଚଟି ଅପରାଧିକ ମାମଲାରେ ପ୍ରଧାନଙ୍କୁ ଗିରଫ କରାଯାଇ ବିଚାର ବିଭାଗୀୟ ହାଜତକୁ ପଠାଯାଇଥିଲା। ବିଚାରପତି ଭଟ୍ଟାଚାର୍ଯ୍ୟ କହିଥିଲେ ଯେ ଯେହେତୁ ରାଜ୍ୟ ପକ୍ଷରୁ କୁହାଯାଇଛି ଯେ ଅନ୍ୟ କୌଣସି ମାମଲାରେ ତାଙ୍କର ଆବଶ୍ୟକତା ନାହିଁ, ତେଣୁ ତାଙ୍କୁ ଅନ୍ୟ କୌଣସି ମାମଲାରେ ଜଡ଼ିତ କରାଯିବା ଉଚିତ ନୁହେଁ। ପ୍ରଧାନଙ୍କ ଓକିଲ ଅୟନ ଭଟ୍ଟାଚାର୍ଯ୍ୟ କହିଛନ୍ତି ଯେ ଖେଜୁରୀ ଥାନାରେ ୨୦୦୭ ମସିହାର ୪୫ ନମ୍ବର ମାମଲା ବିଷୟରେ ସେ ଅବଗତ ନଥିଲେ ଏବଂ ସେଥିପାଇଁ ସେପେ୍୍ଟମ୍ବର ୨୨ ତାରିଖରେ ଏହା କୋର୍ଟଙ୍କ ଦୃଷ୍ଟିକୁ ଅଣାଯାଇ ନଥିଲା। ଅତିରିକ୍ତ ଆଡଭୋକେଟ୍ ଜେନେରାଲ୍ (ଇଏ) କହିଛନ୍ତି ଯେ ସେପ୍ଟେମ୍ବର ୧୯ ତାରିଖରେ କଣ୍ଟାଇ କୋର୍ଟ ଖେଜୁରୀ ଥାନା ମାମଲାରେ ପ୍ରଧାନଙ୍କ ବିରୁଦ୍ଧରେ ଏକ “ପ୍ରଡକ୍ସନ୍ ୱାରେଣ୍ଟ’ (କୋର୍ଟରେ ହାଜର କରାଇବା ପାଇଁ ୱାରେଣ୍ଟ) ଜାରି କରିଥିଲେ; ଏହି ମାମଲାରେ ତାଙ୍କ ଉପରେ ହତ୍ୟା, ହତ୍ୟା ଉଦ୍ୟମ ଏବଂ ଓଚଉର ଅନ୍ୟାନ୍ୟ ଧାରା ଅନୁଯାୟୀ ଅଭିଯୋଗ ରହିଛି। ମଜୁମଦାର କହିଛନ୍ତି ଯେ ପୂର୍ବ ସରକାର ୨୦୨୦ ମସିହାରେ ସେହି ଛଅଟି ମାମଲା ପ୍ରତ୍ୟାହାର କରିନେଇଥିଲେ ଯେଉଁଥିରେ ପ୍ରଧାନଙ୍କୁ ଗିରଫ କରାଯାଇଥିଲା, କିନ୍ତୁ ଏକ ଜନସ୍ୱାର୍ଥ ମାମଲା ଉପରେ ଶୁଣାଣି କରି ହାଇକୋର୍ଟ ୨୦୨୧ ମସିହାରେ ଏହି ମାମଲାଗୁଡ଼ିକୁ ପୁନଃସ୍ଥାପନ କରିବାକୁ ନିର୍ଦ୍ଦେଶ ଦେଇଥିଲେ, କାରଣ ଏଗୁଡ଼ିକ ହତ୍ୟା ଅଭିଯୋଗ ସହ ଜଡ଼ିତ ଥିଲା। ବିଚାରପତି ଭଟ୍ଟାଚାର୍ଯ୍ୟ ଅତିରିକ୍ତ ଇଏଙ୍କୁ ପଚାରିଥିଲେ ଯେ ଯଦି ଗିରଫ ୱାରେଣ୍ଟ ବାକି ଥିଲା, ତେବେ ତଦନ୍ତକାରୀ ଅଧିକାରୀ ଏପର୍ଯ୍ୟନ୍ତ କ’ଣ କରୁଥିଲେ। ଅତିରିକ୍ତ ଇଏ କହିଥିଲେ ଯେ ପୂର୍ବ ସରକାର ଏହି ମାମ ୨୦୦୭ ମସିହାରେ ନନ୍ଦିଗ୍ରାମ ଓ ଖେଜୁରୀରେ ତତ୍କାଳୀନ ବାମପନ୍ଥୀ ମେଣ୍ଟ ସରକାରଙ୍କ ଦ୍ୱାରା ଜମି ଅଧିଗ୍ରହଣ ବିରୋଧରେ ହୋଇଥିବା ହିଂସାତ୍ମକ ଆନ୍ଦୋଳନରୁ ପ୍ରଧାନଙ୍କ ବିରୋଧରେ ଥିବା ମାମଲାଗୁଡ଼ିକର ଉତ୍ପତ୍ତି ହୋଇଛି। ପୋଲିସ କହିଛି ଯେ ବିଚାରାଧୀନ ମାମଲାଗୁଡ଼ିକ ମଧ୍ୟରେ ହତ୍ୟା, ହତ୍ୟା ଉଦ୍ୟମ, ହତ୍ୟା ଉଦ୍ଦେଶ୍ୟରେ ଅପହରଣ, ପ୍ରମାଣ ନଷ୍ଟ କରିବା, ଘରେ ବେଆଇନ ପ୍ରବେଶ, ଅସ୍ତ୍ରଶସ୍ତ୍ର ସହ ଦଙ୍ଗା ଏବଂ “ଆର୍ମସ୍ ଆକ୍ଟ’ ଅଧୀନରେ ଥିବା ଅପରାଧ ଅନ୍ତର୍ଭୁକ୍ତ। ତୃଣମୂଳ କଂଗ୍ରେସର ପ୍ରାର୍ଥୀ ସଞ୍ଚିତା ପ୍ରଧାନ ଦେ ନିର୍ବାଚନ ପ୍ରତିଯୋଗିତାରୁ ଓହରିଯିବା ପରେ, ଦଳର ମମତା ବାନାର୍ଜୀ ଗୋଷ୍ଠୀ ନନ୍ଦିଗ୍ରାମରେ କଂଗ୍ରେସ ପ୍ରାର୍ଥୀଙ୍କୁ ସମର୍ଥନ କରିବ ବୋଲି ଘୋଷଣା କରିବାର କିଛି ଘଣ୍ଟା ପରେ ହିଁ ସେପ୍ଟେମ୍ବର ୧୮ ତାରିଖରେ ପ୍ରଧାନଙ୍କୁ ଗିରଫ କରାଯାଇଥିଲା।
About the Author
