ନୂଆଦିଲ୍ଲୀ : ବୋଷ୍ଟନ୍ ମାରାଥନ୍ର ୧୩୦ତମ ସଂସ୍କରଣରେ ପ୍ରାଧାନ୍ୟ ବିସ୍ତାର କରିଛନ୍ତି କେନିୟା ଆଥଲେଟ୍ । ଜନ୍ କୋରିର ଓ ସାରୋନ୍ ଲୋକେଡି ଯଥାକ୍ରମେ ପୁରୁଷ ଓ ମହିଳା ଟ୍ରଫି ବଜାୟ ରଖିଛନ୍ତି । ଥଣ୍ଡାଳିଆ ପାଗ ଓ ପଛୁଆ ପବନ ପ୍ରବାହ କାରଣରୁ ଅଧିକାଂଶ ଆଥ୍ଲେଟଙ୍କ ପ୍ରଦର୍ଶନରେ ବି ଉଲ୍ଲେଖନୀୟ ଉନ୍ନତି ପରିଲଖିତ ହୋଇଛି । ଏକାଧିକ ନୂଆ ରେକର୍ଡ ବି ଦେଖିବାକୁ ମିଳିଛି ।ପୁରୁଷ ବର୍ଗରେ ଜନ୍ କୋରିର କ୍ରମାଗତ ଭାବେ ଦ୍ୱିତୀୟ ବର୍ଷ କେବଳ ଟ୍ରଫି ବଜାୟ ରଖିନାହାନ୍ତି, ୧୫ ବର୍ଷ ତଳର କେରର୍ଡକୁ ବି ପଛରେ ପକାଇ ଦେଇଛନ୍ତି । ପୁରୁଷ ବର୍ଗର ଶୀର୍ଷ ୩ ଖେଳାଳି ମଧ୍ୟପୂର୍ବ ରେକର୍ଡ (୨:୦୩:୦୨, ଜିଓଫ୍ରେ ମୁତାଇ, ୨୦୧୧)କୁ ପଛରେ ପକାଇଛନ୍ତି । କୋରିର୨ ଘଣ୍ଟା୧ ମିନିଟ୍ ୫୨ ସେକେଣ୍ଡ୍ ସମୟ ନେଇ ବିଜେତା ହୋଇଥିବାବେଳେ ତାଙ୍କ ଦେଶର ସାରୋନ୍ ଲୋକେଡି ୨ ଘଣ୍ଟା୧୮ ମିନିଟ୍ ୫୧ ସେକେଣ୍ଡ୍ ନେଇ କ୍ରମାଗତ ଭାବେ ମହିଳା ଟ୍ରଫି ହାତେଇଛନ୍ତି । ‘ମୁଁ ଜାଣିଥିଲି ମୋ ଟାଇଟଲ୍ ଡିଫେଣ୍ଡ୍ କରିପାରିବି, କିନ୍ତୁ ଜାଣିନଥିଲି ଏତେ ଦ୍ରୁତ ବେଗରେ ଦୌଡ଼ିପାରିବି’ ବୋଲି କୋରିର ରେସ୍ ପରିବର୍ତୀ ସାମ୍ବାଦିକ ସମ୍ମିଳନୀରେ ପ୍ରକାଶ କରିଥିଲେ ।
About the Author
