କୋଲକାତା: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୬ର ପଞ୍ଚଦଶ ମ୍ୟାଚ୍କୁ ଲକ୍ଷ୍ନୌ ସୁପର ଜଏଣ୍ଟ୍ସ୩ୱିକେଟ୍ରେ ଜିତିଛି। ଶେଷ ବଲରୁ ଗୋଟିଏ ରନ୍ କାଢ଼ି ଦଳକୁ ବିଜୟ ଦେଇଛନ୍ତି ମୁକୁଳ ଚୌଧୁରୀ। ଦଳକୁ ଜିତାଇବା ପାଇଁ ମୁକୁଳ ଲଢ଼େଇ ଜାରି ରଖିବା ସହିତ ଅର୍ଦ୍ଧଶତକ ହାସଲ କରିଛନ୍ତି। ମୁକୁଳ ୨୭ଟି ବଲ୍ ଖେଳି ଅପରଜିତ ଅର୍ଦ୍ଧଶତକ (୫୪ ରନ୍) କରିଛନ୍ତି। ଏଥିରେ ସେ ୨ଟି ଚୌକା ଏବଂ ୭ଟି ଛକା ମାରିଛନ୍ତି। ୧୮୨ ରନ୍ର ବିଜୟ ଲକ୍ଷ୍ୟ ନେଇ ଲକ୍ଷ୍ନୌ ବ୍ୟାଟିଂ ଆରମ୍ଭ କରିଥିଲା। ଦଳର ପ୍ରାରମ୍ଭିକ ବ୍ୟାଟିଂ ଭଲ ଥିଲା। କିନ୍ତୁ ଦଳ ୪୧ ରନ୍ରେ ଆଇଦେନ ମାର୍କରାମ, ୪୨ ରନ୍ରେ ମିଚେଲ ମାର୍ସ ଏବଂ ୭୩ ରନ୍ରେ ରିଷଭ ପନ୍ତ ଆଉଟ୍ ହୋଇଥିଲେ। ମାର୍ସ ୧୧ଟି ବଲଖେଳି ଗୋଟିଏ ଚୌକା ଏବଂ ଗୋଟିଏ ଛକା ସହିତ ୧୫ ରନ୍ ସଂଗ୍ରହ କରିଥିଲେ। ମାର୍କରାମ ୧୫ଟି ବଲ୍ ଖେଳି ୨୨ ରନ୍ ସଂଗ୍ରହ କରିଥିଲେ। ଏଥିରେ ସେ ୨ଟି ଚୌକା ଏବଂ ଗୋଟିଏ ଛକା ସାମିଲ କରିଥିଲେ। ରିଷଭ ପନ୍ତ ୯ଟି ବଲ୍ ଖେଳି ଗୋଟିଏ ଚୌକା ସହିତ ୧୦ ରନ୍ ସଂଗ୍ରହ କରିଥିଲେ। ଇଡେନ୍ ଗାର୍ଡେନ୍ସରେ ଗୁରୁବାର ଟସ୍ ଜିଣି ଲକ୍ଷ୍ନୌ ଟିମ୍ ଟସ୍ ଜଣି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ଫଳରେ ଆୟୋଜକ ଘରୋଇ ଦଳ ବ୍ୟାଟିଂ କରିବାକୁ ପଡ଼ିଆକୁ ଓହ୍ଲାଇଥିଲା। ଆଜିଙ୍କ୍ୟ ରହାଣେଙ୍କ ନେତୃତ୍ୱରେ କୋଲକାତା ଟିମ୍ ନିର୍ଦ୍ଧାରିତ ୨୦ ଓଭରରେ ୪ଟି ୱିକେଟ୍ ହରାଇ ୧୮୧ ରନ୍ ସଂଗ୍ରହ କରିଥିଲା। କୋଲକାତା ପାଇଁ ଅଗ୍ନିକ୍ରିଶ ରଘୁବଂଶୀ ଏବଂ ଆଜିଙ୍କ୍ୟ ରହାଣେ ସର୍ବାଧିକବ୍ୟକ୍ତିଗତ ସ୍କୋର କରିଥିଲେ। ରଘୁବଂଶୀ ୩୩ଟି ବଲ୍ର ସାମ୍ନା କରିଥିଲେ ଏବଂ ସେ ୫ଟି ଚୌକା ଓ ୨ଟି ଛକା ବଳରେ ୪୫ ରନ୍ କରିଥିଲେ। ରହାଣେ ୨୪ଟି ବଲ୍ ଖେଳି ୪ଟି ଚୌକା ଏବଂ ୨ଟି ଛକା ସହିତ ୪୧ ରନ୍ କରିଥିଲେ। କୋଲକାତା ପକ୍ଷରୁ ରୋଭମ୍ୟାନ ପାୱୋଲ ଅପରାଜିତ ୩୯ ରନ୍ ସଂଗ୍ରହ କରିଥିଲେ। ସେ ୨୪ଟି ବଲ୍ ଖେଳି ୪ଟି ଚୌକା ଏବଂ ୨ଟି ଛକା ମାରିଥିଲେ। କ୍ୟାମରନ ଗ୍ରିନଙ୍କ ବ୍ୟାଟରୁ ୩୨ ରନ୍ ଅମଳ ହୋଇଥିଲା। ସେ ୨୪ଟି ବଲ୍ ଖେଳି ୩ଟି ଚୌକା ଏବଂ ଗୋଟିଏ ଛକା ମାରିଥିଲେ। ସେହିପରି ଫିନ୍ ଆଲେନ୍ ୯ ରନ୍, ରିଙ୍କୁ ସିଂହ ୪ ରନ୍ କରିଥିଲେ। ପ୍ରୀନ୍ସ ଯାଦବ, ମଣିମାରନ ସିଦ୍ଧାର୍ଥ, ଦିଗବେସ ସିଂହ ରାଠୀ ଏବଂ ଆଭେସ ଖାନଙ୍କୁ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
About the Author
