ଢେଙ୍କାନାଳ: ଢେଙ୍କାନାଳ ଜିଲ୍ଲା ହିନ୍ଦୋଳ ଉପଖଣ୍ଡ ରାସୋଳ ଥାନା ଅନ୍ତର୍ଗତ ସର୍ପା ଅଞ୍ଚଳରେ ଏକ ଲଜ୍ଜାଜନକ ଘଟଣା ଘଟିଯାଇଛି। ଜଣେ ଯୁବକ ମାଆ ବୟସର ମହିଳାଙ୍କୁ କରିଛି ଦୁଷ୍କର୍ମ। ସୂଚନା ମୁତାବକ ବଦାଳୁ ଗ୍ରାମର ଜଣେ ଅନୁସୂଚିତ ଜାତିର ୫୨ବର୍ଷୀୟା ମହିଳା ସର୍ପା ଅଞ୍ଚଳରେ ଏକ କ୍ରସର ନିକଟରେ ରହି ଭିକ୍ଷା ବୃତ୍ତି କରୁଥିଲେ। ମହିଳା ଜଣଙ୍କ ଭିକ୍ଷା ମାଗୁଥିବାବେଳେ ଆଠମଲ୍ଲିକ୍ ବ୍ଳକ୍ ପାଇକସାହି ପଞ୍ଚାୟତ ଅନ୍ତର୍ଗତ ତାଳବାହାଳି ଗ୍ରାମର ସଞ୍ଜୟ ବେହେରା (୨୫) ନାମକ ଏକ ଯୁବକ ସେହି କ୍ରସର ନିକଟରେ ରହି କାମ କରୁଥିଲେ। ମହିଳା ଜଣଙ୍କୁ ଏକାକୀପାଇ ଭିକ୍ଷାଦେବାକୁ କହି ନିଜ କୁଡିଆ ଭିତରକୁ ଡାକି ନେଇଥିଲେ। ସେଠାରେ ବଳପୂର୍ବକ ତାଙ୍କୁ ଦୁଷ୍କର୍ମ କରିଥିଲେ। ଏ ସଂପର୍କରେ ଆଜି ସନ୍ଧ୍ୟାରେ ରାସୋଳ ଥାନାରେ ଅଭିଯୋଗ କରିଥିଲେ। ପୁଲିସ୍ ଏସ୍ଆଇ ଝରଣା ସ୍ୱାଇଁ ସଦଳବଳେ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିବା ସହିତ ସଂପୃକ୍ତ ଯୁବକଙ୍କୁ କାବୁ କରିନେଇଥିଲେ। ତଦନ୍ତ ପରେ କେସ୍ ୮୬/୨୬ ରେ ଏକ ମାମଲା ରୁଜ୍ଜୁ କରି ଅଭିଯୁକ୍ତକୁ ଗିରଫ କରିଥିବାର ସୂଚନା ପୁଲିସ୍ ପକ୍ଷରୁ ମିଳିଛି।
About the Author
