ନୂଆଦିଲ୍ଲୀ : ଆଇପିଏଲ ବେଶ ରୋମାଞ୍ଚକ ହେଉଛି । ସମସ୍ତ ଦଳ ଗୋଟିଏ ଲେଖାଏଁ ମ୍ୟାଚ୍ ଖେଳିସାରିଛନ୍ତି । ତେବେ ଆଇପିଏଲରେ ଧୋନୀଙ୍କ ଫ୍ୟାନ୍ସଙ୍କ ସଂଖ୍ୟା ଅଧିକ ରହିଛନ୍ତି । ଗୋଟିଏ ଝଲକ ପାଇବା ପାଇଁ ଷ୍ଟାଡିମୟ ହଳଦିଆ ପାଲଟିଯାଏ । ମାତ୍ର ଆହତ କାରଣରୁ ଚଳିତ ସିଜିନରେ ଧୋନୀ ୨ ସପ୍ତାହ ପାଇଁ ବିଶ୍ରାମ ନେବେ ଖେଳିବେ ନାହିଁ ପୂର୍ବରୁ ସିଏସକେ ପକ୍ଷରୁ ସୂଚନା ଦିଆଯାଇଛି । ମାତ୍ର ପରେ କୁହାଯାଉଥିଲା କି, ଆହୁରି ବିଳମ୍ବ ହୋଇପାରେ । ମାତ୍ର ଏବେ ସିଏସକେ ପକ୍ଷରୁ ସେୟାର କରାଯାଇଥିବା ଭିଡିଓକୁ ଯଦି ଦେଖିବେ ତାହେଲେ ଧୋନୀ ଖୁବଶୀଘ୍ର ମଇଦାନକୁ ଫେରିପାରନ୍ତି ବୋଲି ଆଶା କରାଯାଉଛି । ଭିଡିଓରେ ଦେଖାଯାଇଛି କି, ଧୋନି ଚାଲି ଚାଲି ଆସୁଛନ୍ତି । ତାଙ୍କ ସହ ଜଣେ ସପୋର୍ଟ ଷ୍ଟାଫ ରହିଛନ୍ତି । କ୍ୟାମେରାମ୍ୟାନଠାରୁ ଦୂରରେ ରୁହନ୍ତୁ ବୋଲି କୁହାଯାଉଛି । ତେବେ ଧୋନୀ ଅଭ୍ୟାସ ପାଇଁ ଆସୁଥିବାବେଳେ ସେ ଭଲରେ ଫେରୁଥିବା ଦେଖାଯାଉଛି । ସିଏସକେ ପକ୍ଷରୁ ସେୟାର କରାଯାଇଥିବା ଏହି ଭିଡିଓକୁ ୟୁଜର୍ସମାନେ ବହୁଳ ମାତ୍ରାରେ ସେୟାର କରୁଥିବାବେଳେ କମେଣ୍ଟ ଥାଲ୍ଲା ଶୀଘ୍ର ଫେରନ୍ତୁ ବୋଲି କହୁଛନ୍ତି । ଚେନ୍ନାଇ ନିଜର ପ୍ରଥମ ମ୍ୟାଚରେ ରାଜସ୍ଥାନ ରୟାଲ୍ସଠାରୁ ପରାଜୟ ବରଣ କରିଛି । ବଡ଼ ପରାଜୟ ପରେ ଫ୍ୟାନ୍ସମାନେ ଧୋନୀଙ୍କ ଅନୁପସ୍ଥିତିକୁ ନେଇ ମଧ୍ୟ ପ୍ରଶ୍ନ ଉଠାଇଥିଲେ । ଧୋନୀଙ୍କ ଉପସ୍ଥିତି ଦଳ ପାଇଁ ବହୁ ଲାଭଦାୟକ ହେବ ବୋଲି ମଧ୍ୟ କୁହାଯାଉଥିଲା । ଆଉ ଏବେ ଧୋନୀ ଅଭ୍ୟାସ କରୁଥିବାବେଳେ ପାଦ ଉପରେ ଅଧିକ ପ୍ରେସର ଦେଉନଥିବା ଦେଖିବାକୁ ମିଳିଛି । କୁହାଯାଉଛି କି, ସେ ଶୁକ୍ରବାର ଖେଳାଯିବାକୁ ଥିବା ମ୍ୟାଚରେ ଦଳରେ ରହିପାରନ୍ତି । କିନ୍ତୁ ଏଯାବତ ସିଏସକେ ପକ୍ଷରୁ ଧୋନୀଙ୍କୁ ନେଇ କୌଣସି ଅଫିସିଆଲ ସୂଚନା ମିଳିନାହିଁ ।
About the Author
