ନୂଆଦିଲ୍ଲୀ: କଂଗ୍ରେସ ସଂସଦୀୟ ଦଳର ଅଧ୍ୟକ୍ଷା ସୋନିଆ ଗାନ୍ଧୀ ଶନିବାର ଦିନ “ଏକ୍ସ’ (ପୂର୍ବରୁ ଟ୍ୱିଟର) ରେ ପଦାର୍ପଣ କରିଛନ୍ତି। ନଭେମ୍ବର ୧୦ ତାରିଖରେ ତାଙ୍କର ଆଗାମୀ ପୁସ୍ତକ “ବିଲଙ୍ଗିଙ୍ଗ: ଏ ଜର୍ଣ୍ଣି ଅଫ୍ ଲଭ୍’ ଉନ୍ମୋଚିତ ହେବାକୁ ଯାଉଛି। ଏହି ଅବସରରେ ସେ ଏକ ଭିଡିଓ ସେୟାର କରି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ସହ ନିଜର ପ୍ରଥମ ସାକ୍ଷାତ ବିଷୟରେ ସ୍ମୃତିଚାରଣ କରିଛନ୍ତି। ପ୍ରାୟ ଦୁଇ ମିନିଟର ଏହି ଭିଡିଓରେ, ସୋନିଆ ଗାନ୍ଧୀ ଇଂଲଣ୍ଡର କେମ୍ବ୍ରିଜ୍ରେ ବିତାଇଥିବା ନିଜର ପ୍ରାରମ୍ଭିକ ଦିନଗୁଡ଼ିକ ବିଷୟରେ କହିଛନ୍ତି। ସେଠାରେ ଏକ ଗ୍ରୀକ୍ ରେସ୍ତୋରାଁରେ ଜଣେ ପରିଚିତ ବନ୍ଧୁ ତାଙ୍କୁ ରାଜୀବ ଗାନ୍ଧୀଙ୍କ ସହ ପରିଚିତ କରାଇଥିଲେ। ତାଙ୍କର ଏହି ପ୍ରଥମ ପୁସ୍ତକରେ ସେ ରାଜୀବ ଗାନ୍ଧୀଙ୍କ ସହ ଜଡ଼ିତ ସ୍ମୃତିଗୁଡ଼ିକୁ ବର୍ଣ୍ଣନା କରିବା ସହ ପିଲାଦିନରୁ ଆଜି ପର୍ଯ୍ୟନ୍ତ ନିଜ ଜୀବନ ଯାତ୍ରାକୁ ଉପସ୍ଥାପନ କରିଛନ୍ତି। କେମ୍ବ୍ରିଜ୍ର ଏକ ଛୋଟ ଗ୍ରୀକ୍ ରେସ୍ତୋରାଁରୁ ମୋର ପ୍ରେମ ଯାତ୍ରା ଆରମ୍ଭ ହୋଇଥିଲା। ରାଜୀବ ଏବଂ ମୁଁ ପ୍ରେମ, ହସଖୁସି ଏବଂ ସ୍ମୃତିରେ ଭରା ଏକ ଦୁନିଆ ଗଢ଼ିଥିଲୁ। ଆସନ୍ତା ନଭେମ୍ବର ୧୦ ତାରିଖରେ, ମୁଁ ସେହି ଦୁନିଆକୁ ଆପଣମାନଙ୍କ ସହ ବାଣ୍ଟିବାକୁ ଯାଉଛି,’ ବୋଲି ସେ ଏକ୍ସରେ ନିଜର ପ୍ରଥମ ପୋଷ୍ଟରେ ଲେଖିଛନ୍ତି। ପ୍ରଥମ ସାକ୍ଷାତ ବିଷୟରେ କହିବାକୁ ଯାଇ ସୋନିଆ ଗାନ୍ଧୀ ଜଣାଇଲେ ଯେ, ସେ ଏପରି ଏକ ରେସ୍ତୋରାଁ ଖୋଜୁଥିଲେ ଯେଉଁଠାରେ ତାଙ୍କ ପସନ୍ଦର ଖାଦ୍ୟ, ବିଶେଷକରି ଇଟାଲୀୟ ଖାଦ୍ୟ ମିଳିପାରିବ। ଠିକ୍ ସେହି ସମୟରେ ସେ ସେହି ରେସ୍ତୋରାଁଟିକୁ ପାଇଲେ, ଯେଉଁଠାରେ ତାଙ୍କର ରାଜୀବଙ୍କ ସହ ସାକ୍ଷାତ ହୋଇଥିଲା। ଏହିପରି ଭାବେ ଆମେ ସେହି ସ୍ଥାନଟି ଖୋଜି ପାଇଲୁ। ଏହା ଏକ ଗ୍ରୀକ୍ ରେସ୍ତୋରାଁ ଥିଲା, ଯେଉଁଠାକୁ ଅନେକ ୟୁରୋପୀୟ ଛାତ୍ରଛାତ୍ରୀଙ୍କ ସହ ଭାରତୀୟ ଛାତ୍ରଛାତ୍ରୀମାନେ ମଧ୍ୟ ଖାଇବାକୁ ଯାଉଥିଲେ। ଆଉ ସେହି ରେସ୍ତୋରା ‘ନିଶ୍ଚିତ ଭାବରେ, ସେ ଦେଖିବାକୁ ବହୁତ ସୁନ୍ଦର ଥିଲେ, କିନ୍ତୁ ତାଙ୍କ ବ୍ୟକ୍ତିତ୍ୱରେ ଏକ ପ୍ରକାର ସୌମ୍ୟତା ଓ ନମ୍ରତା ଫୁଟି ଉଠୁଥିଲା। ଏହି ଗୁଣଟି ମୋ ହୃଦୟକୁ ଛୁଇଁଗଲା ଏବଂ ମୋ ଉପରେ ଗଭୀର ପ୍ରଭାବ ପକାଇଲା। ତେଣୁ, ତାଙ୍କ ସହ ମୋର ପ୍ରଥମ ସାକ୍ଷାତର ସେହି ମୁହୂର୍ତ୍ତକୁ ମୁଁ କେବେବି ଭୁଲିପାରିବି ନାହିଁ ବୋଲି ସେ କହିଛନ୍ତି। ଭିଡିଓରେ ଥିବା ଫଟୋଗୁଡ଼ିକୁ ଦେଖିବା ସମୟରେ, ସୋନିଆ ଗାନ୍ଧୀ ରାଜୀବ ଗାନ୍ଧୀଙ୍କୁ ଜଣେ ସୁନ୍ଦର ଏବଂ ସୌମ୍ୟ ବ୍ୟକ୍ତିତ୍ୱର ମଣିଷ ବୋଲି ବର୍ଣ୍ଣନା କରିଛନ୍ତି।
ଏହି ଦମ୍ପତି ୧୯୬୮ ମସିହା ଫେବୃଆରୀ ୨୫ ତାରିଖରେ ବିବାହ କରିଥିଲେ। “ଏକ୍ସ’ ପ୍ଲାଟଫର୍ମରେ ସୋନିଆ ଗାନ୍ଧୀଙ୍କ ଆଗମନକୁ ସ୍ୱାଗତ କଲେ କଂଗ୍ରେସ ନେତାମାନେ କଂଗ୍ରେସ ଦଳ ଏହି ପ୍ଲାଟଫର୍ମରେ ସୋନିଆ ଗାନ୍ଧୀଙ୍କ ଯୋଗଦାନକୁ ସ୍ୱାଗତ କରି ଲେଖିଛି: “ଏକ ନୂତନ ସ୍ୱର ଏହି ଆଲୋଚନାରେ ସାମିଲ ହେଲା! ସିପିପି ଅଧ୍ୟକ୍ଷା ଶ୍ରୀମତୀ ସୋନିଆ ଗାନ୍ଧୀ ଜୀ ଟ୍ୱିଟର (ଏକ୍ସ) ରେ ପଦାର୍ପଣ କରିଛନ୍ତି।’ କଂଗ୍ରେସ ନେତା ପୱନ ଖେରା ତାଙ୍କ ଭିଡିଓକୁ ପୁନଃ-ସେୟାର କରି ଲେଖିଛନ୍ତି: “ସୋନିଆ ଜୀ ଏବଂ ରାଜୀବ ଜୀଙ୍କ କାହାଣୀ କୌଣସି ଏକ ସ୍ୱପ୍ନମୟ ରାତିର କଳ୍ପନା ପରି ମନେହୁଏ- ସୁନ୍ଦର, ମନୋରମ ଏବଂ ଏକଦମ୍ ନିଖୁଣ; କିନ୍ତୁ ଦୁଃଖଦ ଘଟଣାର ଏକ କଳା ବାଦଲ ଆସି ସେହି ସ୍ୱପ୍ନକୁ ଚୂର୍ଣ୍ଣ-ବିଚୂର୍ଣ୍ଣ କରିଦେଲା।’ “ତଥାପି, ଏଭଳି ଅକଳ୍ପନୀୟ କ୍ଷତି ସତ୍ତ୍ୱେ, ଦାୟିତ୍ୱବୋଧ, କର୍ତ୍ତବ୍ୟ, ନିଷ୍ଠା ଏବଂ ତ୍ୟାଗର ଭାବନା ଅକ୍ଷୁଣ୍ଣ ରହିଲା।’ ସୋନିଆ ଜୀ ବର୍ତ୍ତମାନ “ଏକ୍ସ’ରେ ଯୋଗ ଦେଇଛନ୍ତି ଏବଂ ନିଜ ସ୍ୱାମୀ ରାଜୀବ ଗାନ୍ଧୀ ଜୀଙ୍କ ସହ ହୋଇଥିବା ପ୍ରାରମ୍ଭିକ ସାକ୍ଷାତର କିଛି ସୁନ୍ଦର ସ୍ମୃତି ସେୟାର କରିଛନ୍ତି। “ଏବଂ ତାଙ୍କ ପୁସ୍ତକ ‘ବିଲଙ୍ଗିଙ୍ଗ: ଦ ଜର୍ଣ୍ଣି ଅଫ୍ ଲଭ୍”ରେ, ସେ ନିଜ ହୃଦୟର ଗଭୀରତାରୁ ପ୍ରେମ, ବିୟୋଗ ଏବଂ ଅଟଳ ସଂକଳ୍ପର କାହାଣୀ ବର୍ଣ୍ଣନା କରିଛନ୍ତି – ଏକ ଏଭଳି ହୃଦୟସ୍ପର୍ଶୀ କାହାଣୀ ଯାହାକୁ କେବେବି ଭୁଲି ହେବ ନାହିଁ।’ ସୋନିଆ ଗାନ୍ଧୀ ମଧ୍ୟ ଅକ୍ଟୋବର ୨୨ ତାରିଖରେ ଇନଷ୍ଟାଗ୍ରାମରେ ଯୋଗ ଦେଇଥିଲେ, ତାଙ୍କର ଆଗାମୀ ସ୍ମୃତିର ପ୍ରଥମ ଝଲକ ସେୟାର କରି ଏବଂ ତାଙ୍କ ସମର୍ଥକମାନଙ୍କୁ କୃତଜ୍ଞତା ପ୍ରକାଶ କରି। “ସମସ୍ତଙ୍କୁ ନମସ୍କାର, ମୁଁ ଆପଣମାନଙ୍କ ସହିତ ଏହି ମୁହୂର୍ତ୍ତକୁ ସେୟାର କରିବାକୁ ପ୍ରକୃତରେ କୃତଜ୍ଞ; ବିଲୋଙ୍ଗିଂ: ଏ ଜର୍ନି ଅଫ୍ ଲଭ୍”ର ପ୍ରଥମ ଝଲକ। ଏହା ପ୍ରେମ, କର୍ତ୍ତବ୍ୟ, କ୍ଷତି ଏବଂ ନିଜର ସ୍ଥାନ ଖୋଜିବାର ଏକ କାହାଣୀ। ମୁଁ ଏହାକୁ ଆପଣଙ୍କ ସହିତ ସେୟାର କରିବାକୁ ଅପେକ୍ଷା କରିଛି।’ ଏହି ସ୍ମୃତିକଥାରେ ଯୁଦ୍ଧ ପରବର୍ତ୍ତୀ ଇଟାଲୀରେ ତାଙ୍କ ପିଲାଦିନରୁ ରାଜୀବ ଗାନ୍ଧୀଙ୍କ ସହ ତାଙ୍କ ପ୍ରେମ ସମ୍ପର୍କ ଏବଂ ଭାରତକୁ ସ୍ଥାନାନ୍ତର ଏବଂ ତାଙ୍କ ଜୀବନ ଏବଂ ତାଙ୍କ ପାଳିତ ଦେଶ ସହିତ ସମ୍ପର୍କକୁ ଗଠନ କରିଥିବା ବ୍ୟକ୍ତିଗତ କ୍ଷତିର ବର୍ଣ୍ଣନା କରାଯାଇଛି।
About the Author
