କୋଟା: ଶନିବାର ସକାଳେ ରାଜସ୍ଥାନର କୋଟା ସ୍ଥିତ ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେରେ ଏକ ଯାତ୍ରୀବାହୀ ବସ୍ ଓଲଟି ଖାଲକୁ ଖସିପଡ଼ିବା ଫଳରେ ଅନ୍ତତଃ ୮ ଜଣଙ୍କ ମୃତ୍ୟୁ ଘଟିଛି ଏବଂ ୧୭ ଜଣ ଆହତ ହୋଇଛନ୍ତି। ବସ୍ଟି ଭୋପାଳରୁ ଖାଟୁ ଶ୍ୟାମ ଅଭିମୁଖେ ଯାତ୍ରୀମାନଙ୍କୁ ନେଇ ଯାଉଥିଲା। ଆହତମାନଙ୍କୁ ଏମ୍ବିଏସ୍ ହସ୍ପିଟାଲ ଏବଂ ନ୍ୟୁ ମେଡିକାଲ କଲେଜକୁ ନିଆଯାଇଛି। ଜିଲ୍ଲାପାଳ ପୀୟୂଷ ସାମରିୟା ଏବଂ ଆଇଜି ହରେନ୍ଦ୍ର ମହାୱାର ମଧ୍ୟ ଏମ୍ବିଏସ୍ ହସ୍ପିଟାଲରେ ପହଞ୍ଚିଛନ୍ତି। ମୃତକଙ୍କ ମଧ୍ୟରେ ୫ ଜଣ ମହିଳା ଅଛନ୍ତି। ମୃତକମାନଙ୍କ ପରିଚୟ ଅରୁଣା, ବୈଷ୍ଣବୀ, ତ୍ରିଷା, କୃଷ୍ଣା, ଅନିତା, ଓମ୍, ସୂର୍ଯ୍ୟବଂଶୀ ଏବଂ ରାଜୁ ଭାବରେ ମିଳିଛି। ଜଣେ ଅଧିକାରୀ ସୂଚନା ଦେଇଛନ୍ତି ଯେ ସକାଳ ପ୍ରାୟ ୮ଟା ସମୟରେ ସେମାନଙ୍କୁ ଏହି ଘଟଣା ବିଷୟରେ ସୂଚନା ମିଳିଥିଲା। ସେ କହିଛନ୍ତି ଯେ ୭ ଜଣଙ୍କୁ ମୃତ ଅବସ୍ଥାରେ ଅଣାଯାଇଥିଲା। ଆହତମାନଙ୍କର ଚିକିତ୍ସା ଚାଲିଛି ଏବଂ ବର୍ତ୍ତମାନ କାହାରି ଅବସ୍ଥା ମଧ୍ୟ ଗୁରୁତର ନାହିଁ।
ପ୍ରାଥମିକ ସୂଚନା ଅନୁଯାୟୀ, ଡ୍ରାଇଭରଙ୍କୁ ନିଦ ଲାଗିଯିବାରୁ ବସ୍ଟି ନିୟନ୍ତ୍ରଣ ହରାଇଥିଲା ଏବଂ ରାସ୍ତା କଡ଼ର ରେଲିଂ ଭାଙ୍ଗି ଖାଲକୁ ଖସିପଡ଼ିଥିଲା। ଘଟଣାସ୍ଥଳରେ ହାହାକାର ସୃଷ୍ଟି ହୋଇଥିଲା, ଯାହା ପରେ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ଆହତମାନଙ୍କୁ ତୁରନ୍ତ ହସ୍ପିଟାଲ ନେବା ପାଇଁ ଉପଲବ୍ଧ ଥିବା ସମସ୍ତ ୪ଟି ଆମ୍ବୁଲାନ୍ସକୁ ଘଟଣାସ୍ଥଳକୁ ପଠାଯାଇଥିଲା। ଆହତମାନେ ବର୍ତ୍ତମାନ ଚିକିତ୍ସିତ ହେଉଛନ୍ତି। ପୋଲିସ କହିଛି ଯେ ବସ୍ଟିରେ ୨୭ ଜଣ ଯାତ୍ରୀ ଥିଲେ ଏବଂ ଏହା ଭୋପାଳରୁ ଖାଟୁ ଶ୍ୟାମ ଯାଉଥିଲା। ଘଟଣା ସମ୍ପର୍କରେ ଏଏସ୍ପି ରାମ କଲ୍ୟାଣ ମୀନା କହିଛନ୍ତି, କିଛି ଯାତ୍ରୀ ଏକ ମିନି ବସ୍ରେ ଭୋପାଳରୁ ଖାଟୁ ଶ୍ୟାମ ଜୀ ଯାଉଥିଲେ। କୋଟାର ସିମଲିୟା ଥାନା ଅଞ୍ଚଳରେ, ଆଠ-ଲେନ୍ ବିଶିଷ୍ଟ ଏକ୍ସପ୍ରେସୱେରେ ଗାଡ଼ି ଚଳାଇବା ସମୟରେ ଡ୍ରାଇଭରଙ୍କୁ ନିଦ ଲୋକସଭା ବାଚସ୍ପତି ତଥା କୋଟାର ସାଂସଦ ଓମ୍ ବିର୍ଲା ମଧ୍ୟ ଆହତମାନଙ୍କୁ ଭେଟିବା ଏବଂ ସେମାନଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ଜାଣିବା ପାଇଁ ନୂତନ ମେଡିକାଲ୍ କଲେଜ ହସ୍ପିଟାଲରେ ପହଞ୍ଚିଥିଲେ। ଆହତମାନଙ୍କୁ ଭେଟିବା ପରେ, ସେ ସେମାନଙ୍କ ଚିକିତ୍ସା ସମ୍ବନ୍ଧରେ ପଚାରି ବୁଝିଥିଲେ। ସେ ସର୍ବୋତ୍ତମ ଚିକିତ୍ସା ସୁବିଧା ଯୋଗାଇବା ପାଇଁ ନିର୍ଦ୍ଦେଶ ଦେବା ସହ ଏହି ଘଟଣାର ତଦନ୍ତ କରିବାକୁ ଅଧିକାରୀମାନଙ୍କୁ କହିଛନ୍ତି। ଏହା ସହିତ, ସେ “ବ୍ଲାକ୍ ସ୍ପଟ୍’ ୁଡ଼ିକୁ ଚିହ୍ନଟ କରି ତୁରନ୍ତ ସେଗୁଡ଼ିକର ସୁଧାର ଆଣିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି।
About the Author
