ଚେନ୍ନାଇ: ସୋମବାର ରାତିରେ ତାମିଲନାଡୁର ଥେନି ଜିଲ୍ଲା ଅନ୍ତର୍ଗତ ଆଣ୍ଡିପାଟ୍ଟି ନିକଟସ୍ଥ ଥେକ୍କାମ୍ପାଟ୍ଟି ଉପ-କାରାଗାରରୁ ୧୭ ଜଣ ବିଚାରାଧୀନ କଏଦୀ ଫେରାର ହୋଇଯାଇଛନ୍ତି। ସେମାନେ ଜେଲ୍ କର୍ମଚାରୀଙ୍କୁ ଠକିବା ପାଇଁ ଜଣେ କଏଦୀ ହଠାତ୍ ଅସୁସ୍ଥ ହୋଇପଡ଼ିଥିବାର ନାଟକ ରଚିଥିଲେ, ଯାହା ଫଳରେ କର୍ମଚାରୀମାନେ ସେଲ୍ର କବାଟ ଖୋଲି ଭିତରକୁ ଯାଇଥିଲେ। ପୋଲିସର ସୂଚନା ଅନୁଯାୟୀ, ଘଟଣାର ତୁରନ୍ତ ପରେ ୪ ଜଣଙ୍କୁ ପୁନର୍ବାର ଧରାଯାଇଥିବା ବେଳେ, ମଙ୍ଗଳବାର ସୁଦ୍ଧା ଅନ୍ୟ ୧୩ ଜଣ ଫେରାର ଅବସ୍ଥାରେ ଅଛନ୍ତି। ପୋଲିସ କହିବା ଅନୁଯାୟୀ, ସମସ୍ତ କଏଦୀ ଏକାଠି ଗୋଟିଏ କୋଠରୀରେ ରହୁଥିଲେ। ସେମାନଙ୍କ ମଧ୍ୟରୁ କିଛି ଜଣ ଜେଲ୍ କର୍ମଚାରୀଙ୍କୁ ଡାକି କହିଲେ ଯେ, ସେମାନଙ୍କ ସହ ଥିବା ଜଣେ କଏଦୀଙ୍କୁ ହଠାତ୍ ମୃଗୀ ରୋଗର ଝଟକା ଆସିଛି ଏବଂ ତାଙ୍କୁ ତୁରନ୍ତ ସାହାଯ୍ୟ ଦରକାର। ଯେତେବେଳେ କର୍ମଚାରୀମାନେ କବାଟ ଖୋଲି ଭିତରକୁ ଗଲେ, କଏଦୀମାନେ ସେମାନଙ୍କ ଉପରେ ଆକ୍ରମଣ କଲେ, ସେମାନଙ୍କୁ କାବୁ କରିନେଲେ ଏବଂ ଜେଲ୍ କୋଠାରୁ ବାହାରକୁ ଦୌଡ଼ି ପଳାଇଲେ। ଏହି ଘଟଣାରେ ତିନି ଜଣ ଜେଲ୍ ଅଧିକାରୀ ଆହତ ହୋଇଛନ୍ତି। ପୋଲିସ ତାମିଲନାଡୁର ବିଭିନ୍ନ ଜିଲ୍ଲାରେ ବ୍ୟାପକ ଖୋଜାଖୋଜି ଅଭିଯାନ ଆରମ୍ଭ କରିଛି ଏବଂ କେରଳ ପୋଲିସକୁ ମଧ୍ୟ ସତର୍କ ରହିବାକୁ କୁହାଯାଇଛି। ସନ୍ଧାନକାରୀ ଦଳଗୁଡ଼ିକ ପଶ୍ଚିମ ଘାଟର ଜଙ୍ଗଲ ଅଞ୍ଚଳ ଏବଂ ସୀମାନ୍ତବର୍ତ୍ତୀ ଇଡୁକ୍କି ଜିଲ୍ଲାର ବିଭିନ୍ନ ସ୍ଥାନରେ ତଲାସୀ ଚଳାଇଛନ୍ତି। ମଙ୍ଗଳବାର ସକାଳ ସୁଦ୍ଧା, ପୋଲିସ ୪ ଜଣ ଫେରାର କଏଦୀଙ୍କୁ ପୁନର୍ବାର ଗିରଫ କରିସାରିଛି। ସେମାନେ ହେଲେ – ପ୍ରବୀଣ କୁମାର, ସିଲାମ୍ବାରାସନ, ରାଜା ସିକନ୍ଦର ଏବଂ ରାଜକୁମାର। ଦକ୍ଷିଣ ଜୋନ୍ର ପୋଲିସ ମହାନିରୀକ୍ଷକ ବିଜୟେନ୍ଦ୍ର ବିଦାରୀ ଅନ୍ୟ କଏଦୀମାନଙ୍କୁ ଖୋଜି ବାହାର କରିବା ପାଇଁ ୧୭ଟି ସ୍ୱତନ୍ତ୍ର ଦଳ ଗଠ ସେ ପ୍ରଶ୍ନ କରିଛନ୍ତି ଯେ, ଯଦି କାରାଗାର ଭିତରେ ଜଗୁଆଳିମାନଙ୍କ ଉପରେ ଆକ୍ରମଣ ହୋଇପାରେ, ତେବେ ସାଧାରଣ ଲୋକମାନେ ରାସ୍ତାରେ କିପରି ନିଜକୁ ସୁରକ୍ଷିତ ମନେ କରିପାରିବେ। ବିଜେପିର ମୁଖ୍ୟ ମୁଖପାତ୍ର ନାରାୟଣନ ଥିରୁପତି “ଏକ୍ସ’ ରେ ଏହି ଘଟଣାକୁ ଟିଭିକେ ସରକାରଙ୍କ ପାଇଁ ଏକ ଲଜ୍ଜାଜନକ ବିଫଳତା ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି ଯେ, ଏହା କୌଣସି ଜଟିଳ ଉପାୟରେ କାରାଗାରରୁ ଖସିଯିବା ଘଟଣା ନୁହେଁ, ବରଂ ଏକ ସାଧାରଣ କୌଶଳ ଥିଲା ଯାହା କାରାଗାରର ଦୁର୍ବଳ ସୁରକ୍ଷା ବ୍ୟବସ୍ଥା ଯୋଗୁଁ ସଫଳ ହୋଇପାରିଲା। ପୋଲିସ ଏପର୍ଯ୍ୟନ୍ତ ଫେରାର ଥିବା ସେହି ୧୩ ଜଣ କଏଦୀଙ୍କ ନାମ ପ୍ରକାଶ କରିନାହିଁ।
About the Author
