ନୂଆଦିଲ୍ଲୀ: ଗୁରୁବାର ଦିନ ବିରୋଧୀ ଦଳର ନେତାମାନେ ରାଜଘାଟରେ ଏକ ଶାନ୍ତିପୂର୍ଣ୍ଣ ଧାରଣା ଦେଇଥିଲେ। କଂଗ୍ରେସ ସଭାପତି ତଥା ରାଜ୍ୟସଭାରେ ବିରୋଧୀ ଦଳର ନେତା ମଲ୍ଲିକାର୍ଜୁନ ଖାଡ଼ଗେ ଏବଂ ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ “ଇଣ୍ଡିଆ’ ମେଣ୍ଟର ସାଂସଦମାନଙ୍କ ସହ ମିଶି “ଭୋଟ୍ ଚୋରି’ ତଥା ଗଣତନ୍ତ୍ର ଓ ସମ୍ବିଧାନ ଉପରେ ଆକ୍ରମଣ ବିରୋଧରେ ବିକ୍ଷୋଭ ପ୍ରଦର୍ଶନ କରିଥିଲେ। ମୁଖ୍ୟ ନିର୍ବାଚନ କମିଶନର (ସିଇସି) ଜ୍ଞାନେଶ କୁମାର ଏବଂ କଥିତ “ଭୋଟ୍ ଚୋରି’ ବିରୋଧରେ ବିରୋଧୀ ନେତାଙ୍କ ଏହି ବିକ୍ଷୋଭର ଥିଲା ତୃତୀୟ ଦିନ; ସେମାନେ ଶପଥ ନେଇଥିଲେ ଯେ କୁମାର ଇସ୍ତଫା ନଦେବା ପର୍ଯ୍ୟନ୍ତ ସେମାନଙ୍କ ଆନ୍ଦୋଳନ ଜାରି ରହିବ। ଦୁଇ ଦିନ ଧରି ଚାଲିଥିବା ତୀବ୍ର ବିକ୍ଷୋଭ ପରେ ବିରୋଧୀ ନେତାମାନେ ରାଜଘାଟରେ ଏକାଠି ହୋଇ ପୁଷ୍ପାଞ୍ଜଳି ଅର୍ପଣ କରିଥିଲେ ଏବଂ “ବିଜେପି ସରକାର ଓ ମୁଖ୍ୟ ନିର୍ବାଚନ କମିଶନରଙ୍କୁ ସଦ୍ବୁଦ୍ଧି ମିଳୁ’ ବୋଲି ପ୍ରାର୍ଥନା କରିଥିଲେ। “ଇଣ୍ଡିଆ’ ମେଣ୍ଟର ଅଂଶୀଦାର ଦଳ ଶିବସେନା (ୟୁବିଟି) ଏବଂ ଏନସିପି (ଏସସିପି) ଏପର୍ଯ୍ୟନ୍ତ ଏହି ବିକ୍ଷୋଭରେ ଅଂଶଗ୍ରହଣ କରିନାହାନ୍ତି। ବିରୋଧୀ ନେତାମାନେ ବର୍ତ୍ତମାନ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିବା ପାଇଁ ସମୟ ଲୋଡ଼ୁଛନ୍ତି, ଯାହା ଦ୍ୱାରା ସେମାନେ ନିଜ ପକ୍ଷ ରଖିପାରିବେ ଏବଂ ଉଋଉଙ୍କୁ ବରଖାସ୍ତ କରିବାକୁ ଦାବି କରିପାରିବେ। ଗଣମାଧ୍ୟମକୁ ସମ୍ବୋଧିତ କରି ରାହୁଲ ଗାନ୍ଧୀ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ଆରଏସଏସ ମୁଖ୍ୟ ମୋହନ ଭାଗବତ ଏବଂ ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର ଦେଶକୁ କବ୍ଜା କରିବା, ସମ୍ବିଧାନକୁ ଧ୍ୱଂସ କରିବା ଏବଂ ଭୋଟ୍ ଚୋରି କରିବା ପାଇଁ ଅପରାଧିକ ଷଡ଼ଯନ୍ତ୍ର କରିଛନ୍ତି। ସେମାନଙ୍କୁ ନିଶ୍ଚିତ ବୁଧବାର ଦିନର ବୈଠକରେ ଅନୁପସ୍ଥିତ ଥିବା ସମାଜବାଦୀ ପାର୍ଟି, ଶିବସେନା-ୟୁବିଟି ଏବଂ ଏନସିପି-ଏସପି ଗୁରୁବାର ଦିନ ଆୟୋଜିତ ମଧ୍ୟାହ୍ନ ଭୋଜନ କାର୍ଯ୍ୟକ୍ରମରେ ଯୋଗ ଦେଇଥିଲେ। ମଧ୍ୟାହ୍ନ ଭୋଜନ ପରେ, ନେତାମାନେ ଶହ ଶହ ସମର୍ଥକଙ୍କ ସହ ତିନୋଟି ବସରେ ରାଜଘାଟ ଅଭିମୁଖେ ଯାତ୍ରା କରିଥିଲେ; ଏହି ସମୟରେ ସମର୍ଥକମାନେ ବିଭିନ୍ନ ସ୍ଲୋଗାନ ଦେବା ସହ ପତାକା ଉଡ଼ାଉଥିଲେ। ଢୋଲ-ନଗାରା ଶବ୍ଦ ମଧ୍ୟରେ, ବସ୍ ଶୋଭାଯାତ୍ରା ମିଣ୍ଟୋ ରୋଡ୍ ଏବଂ ଆସଫ୍ ଅଲି ରୋଡ୍ ଦେଇ ଧୀରେ ଧୀରେ ଆଗେଇଥିଲା ଏବଂ ଦିଲ୍ଲୀ ଗେଟ୍ ତଥା ଡିଲାଇଟ୍ ସିନେମା ନିକଟ ଦେଇ ଅତିକ୍ରମ କରିଥିଲା। ଏହି ସମୟରେ ୟୁଥ୍ କଂଗ୍ରେସ, ଏନଏସୟୁଆଇ ଏବଂ ବାମପନ୍ଥୀ ସଂଗଠନର ସଦସ୍ୟମାନେ ମୋଦୀ, ଶାହ ଏବଂ କୁମାରଙ୍କ ବିରୋଧରେ ସ୍ଲୋଗାନ ଦେଉଥିଲେ। କର୍ମୀମାନେ ନିଜ ଦଳ ଓ ସଂଗଠନର ପତାକା ସହିତ ତ୍ରିରଙ୍ଗା ମଧ୍ୟ ଧରି ଉଡ଼ାଉଥିଲେ। ପ୍ରାୟ ପାଞ୍ଚ କିଲୋମିଟରର ଏହି ଯାତ୍ରା ସମ୍ପନ୍ନ ହେବାକୁ ପ୍ରାୟ ଦୁଇ ଘଣ୍ଟା ସମୟ ଲାଗିଥିଲା।
ରାଜଘାଟରେ ପହଞ୍ଚିବା ପରେ, ନେତାମାନେ ସମାଧି ସ୍ଥଳକୁ ଯାଇଥିଲେ ଏବଂ ମହାତ୍ମା ଗାନ୍ଧୀଙ୍କୁ ପୁଷ୍ପାଞ୍ଜଳି ଅର୍ପଣ କରି ନୀରବ ପ୍ରାର୍ଥନା କରିଥିଲେ। ଖର୍ଗେ କହିଥିଲେ ଯେ “ଇଣ୍ଡିଆ’ ମେଣ୍ଟର ସାଂସଦମାନେ ଶାନ୍ତିପୂର୍ଣ୍ଣ ଭାବେ ପ୍ରତିବାଦ କରିବା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ “ସଦ୍ବୁଦ୍ଧି’ ମିଳୁ ବୋଲି ପ୍ରାର୍ଥନା କରିବା ପାଇଁ ରାଜଘାଟରେ ଏକତ୍ରିତ ହୋଇଥିଲେ। ସେ କହିଥିଲେ ଯେ ବିଜେପି ସରକାର ଲୋକଙ୍କ ଭୋଟ୍ ଦେବାର ଅଧିକାର ଛଡ଼ାଇ ନେଉଛନ୍ତି ବୋଲି ବିରୋଧୀ ଦଳ ଦେଶବାସୀଙ୍କୁ ଜଣାଇବାକୁ ଚାହୁଁଥିଲେ। ଖର୍ଗେ ଆହୁରି ମଧ୍ୟ କହିଥିଲେ ଯେ ଦେଶର ସ୍ୱାଧୀନତା ସଂଗ୍ରାମ ମାଧ୍ୟମରେ ହାସଲ ହୋଇଥିବା ଭୋଟ୍ ଦେବାର ଅଧିକାର ଏବଂ ଗଣତାନ୍ତ୍ରିକ ସ୍ୱାଧୀନତାକୁ ସୁରକ୍ଷିତ ରଖିବା ମଧ୍ୟ ଏହି ପ୍ରତିବାଦର ଲକ୍ଷ୍ୟ ଥିଲା। ସେ କହିଥିଲେ, “ମହାତ୍ମା ଗାନ୍ଧୀ, ଜବାହରଲାଲ ନେହେରୁ ଏବଂ ସର୍ଦ୍ଦାର ପଟେଲଙ୍କ ଭଳି ମହାନ ନେତାମାନେ ଆମ ପାଇଁ ଯେଉଁ ସ୍ୱାଧୀନତା ହାସଲ କରିଥିଲେ, ମୋଦୀ ଏ ଦେଶବ୍ୟାପୀ ବିକ୍ଷୋଭର ସଫଳତାକୁ ସ୍ୱାଗତ କରି କଂଗ୍ରେସର ସାଧାରଣ ସମ୍ପାଦକ କେ.ସି. ଭେନୁଗୋପାଳ କହିଛନ୍ତି ଯେ, ସିଇସି ଜ୍ଞାନେଶ କୁମାର ଇସ୍ତଫା ନ ଦେବା ପର୍ଯ୍ୟନ୍ତ, ନିର୍ବାଚନ ବ୍ୟବସ୍ଥା ସମ୍ବନ୍ଧୀୟ ସେମାନଙ୍କ ଚିନ୍ତାଧାରାର ସମାଧାନ ନ ହେବା ପର୍ଯ୍ୟନ୍ତ ଏବଂ ନିର୍ବାଚନ ପ୍ରକ୍ରିୟାର ସ୍ୱଚ୍ଛତା ଓ ବିଶ୍ୱସନୀୟତା ସମ୍ପୂର୍ଣ୍ଣ ଭାବେ ବଜାୟ ନ ରହିବା ପର୍ଯ୍ୟନ୍ତ ଦଳ ଏହି ଅଭିଯାନ ଜାରି ରଖିବ। କଂଗ୍ରେସର ସାଧାରଣ ସମ୍ପାଦକ (ଯୋଗାଯୋଗ) ଜୟରାମ ରମେଶ, ଭେନୁଗୋପାଳ ଏବଂ ଦଳର ଗଣମାଧ୍ୟମ ଓ ପ୍ରଚାର ବିଭାଗ ମୁଖ୍ୟ ପୱନ ଖେଡ଼ାଙ୍କ ସମେତ ସିପିଆଇ-ଏମ୍ , ସିପିଆଇ, ଟିଏମସି , ଆରଜେଡି ଓ ଏସପିର ନେତାମାନେ ଦୃଢ଼ତାର ସହ କହିଛନ୍ତି ଯେ ଶୁକ୍ରବାର ଦିନ ମଧ୍ୟ ଏହି ଆନ୍ଦୋଳନ ଜାରି ରହିବ।
About the Author
