ପୁରୀ: ଇଣ୍ଡିଆନ ଟ୍ରଷ୍ଟ ଫର ଆର୍ଟ ଆଣ୍ଡ କଲଚର ପକ୍ଷରୁ ଚକ୍ରତୀର୍ଥ ରୋଡ ସ୍ଥିତ ସଂସ୍କୃତି ଭବନରେ ଅଷ୍ଟମ କଳାଶ୍ରୀ ସମ୍ମାନ ୨୦୨୬ ତୃତୀୟ ଦିନ ଉଦଯାପନୀ ଉତ୍ସବର ପ୍ରଥମ ଅଧିବେଶନ ରବିବାର ପୂର୍ବାହ୍ନରେ ଓଡିଶୀ, କଥକ, ଭାରତନାଟ୍ୟମ ଓ କୁଚିପୁଡ଼ି ନୃତ୍ଯ ଦେଖି ଶତାଧିକ ଦର୍ଶକ ହେଲେ ବିମୋହିତ । ଏଥିରେ ମୁଖ୍ଯ ଅତିଥି ଭାବେ ଶ୍ରୀମନ୍ଦିର ପରିଚାଳନା କମିଟିର ପୂର୍ବତନ ସଦସ୍ଯ ତଥା ବରିଷ୍ଠ ସେବାୟତ ରାମକୃଷ୍ଣ ଦାସ ମହାପାତ୍ର ଯୋଗଦେଇ କହିଲେ ପ୍ରାଚୀନ କଳା ସଂସ୍କୃତିର ଝଲକ ଓ ନୃତ୍ଯଶିଳ୍ପୀଙ୍କ ନିଖୁଣ ନୃତ୍ୟପରିବେଷଣ ବେଶ ଚମତ୍କାର । ସେମାନଙ୍କ ଉଦ୍ୟମ ନିଶ୍ଚିତ ପୂରଣ ହେବ । ସମ୍ମାନିତ ଅତିଥି ଭାବେ ଭାରତ ଖୋ ଖୋ ଫେଡେରେସନର ଉପସଭାପତି ତଥା ପ୍ରୟାସ ଟେଲିଭିଜନର ପରିଚାଳନା ନିର୍ଦ୍ଦେଶକ ଓ ଦୈନିକ ଖବର କାଗଜ ଅମୃତ ଦୁନିଆ କାର୍ଯ୍ଯନିର୍ବାହୀ ସମ୍ପାଦକ ପ୍ରଦ୍ୟୁମ୍ନ ମିଶ୍ର ଯୋଗଦେଇ କହିଲେ ଓଡିଶାର ପାରମ୍ପରିକ ସଂସ୍କୃତି ଓ ଶାସ୍ତ୍ରୀୟ ନୃତ୍ଯଶିଳ୍ପୀଙ୍କ ନୃତ୍ୟକଳାକୃତି ଏହି ମଞ୍ଚରେ ପରିବେଷଣ ହୋଇ ଏକ ଯୁଗାନ୍ତକାରୀ ଉଦାହରଣ ସୃଷ୍ଟି ହୋଇପାରିଛି । ନୃତ୍ଯଶିଳ୍ପୀଙ୍କ ଲୟ ତାଳ ଭାବ ଭଙ୍ଗି କଳା ପ୍ରଦର୍ଶନୀ ଉଚ୍ଚକୋଟୀର ହୋଇପାରିଛି । ସେମାନଙ୍କ ଭବିଷ୍ୟତ ଉଜ୍ଜ୍ୱଳମୟ ହେବା ସହ ସେମାନେ ଆହୁରି ଆଗକୁ ଯାଇପାରିବେ ବୋଲି ଶ୍ରୀମିଶ୍ର ମତବ୍ୟକ୍ତ କରିଥିଲେ । ଦୂର ଦୂରାନ୍ତ ପ୍ରାନ୍ତରୁ ଆସିଥିବା ଚାରିଶହରୁ ଉର୍ଦ୍ଧ୍ୱ ବିଭିନ୍ନ ବର୍ଗର ନୃତ୍ୟଶିଳ୍ପୀ ଓ ତାଙ୍କର ଅଭିଭାବକ ମାନଙ୍କୁ ଅଭିନନ୍ଦନ ଓ କୃତଜ୍ଞତା ଜଣାଇଥିଲେ । ଶ୍ରୀଜଗନ୍ନାଥ ଚେତନା ଆନ୍ତର୍ଜାତୀୟ ଚାରଣ ଗୋଷ୍ଠୀର ଉପଦେଷ୍ଟା ଲିଙ୍ଗରାଜ ପତି, ନୃତ୍ଯଗୁରୁ ଗବେଷକ ଡ.ମନୋଜ କୁମାର ବେହେରା ଓ ଗୁରୁ ପ୍ରଦୀପ କୁମାର ପାଣି ପ୍ରମୁଖ ସମ୍ମାନିତ ଅତିଥ ଭାବେ ମଞ୍ଚାସୀନ ଥିଲେ । ଅନୁଷ୍ଠାନର ମୁଖ୍ଯ ଡ.ମନମୋହନ ଶର୍ମା କାର୍ଯ୍ଯକ୍ରମରେ ଅଧ୍ୟକ୍ଷତା କରିଥିଲେ । ପ୍ରଥମ ଅଧିବେଶନରେ ଶହେରୁ ଉର୍ଦ୍ଧ୍ୱ ନୃତ୍ଯଶିଳ୍ପୀମାନଙ୍କୁ ପ୍ରମାଣପତ୍ର, ଉପଢୌକନ, ଟ୍ରଫି ଏବଂ କଳାଶ୍ରୀ ବିନ୍ଦୁ ସମ୍ମାନ ପ୍ରଦାନ କରାଯିବା ସହିତ ଗୁରୁମାନଙ୍କୁ ଭାରତୀୟ କଳାଶ୍ରୀ ରତ୍ନ ସମ୍ମାନ ଅତିଥିମାନଙ୍କ ଦ୍ୱାରା ପ୍ରଦାନ କରାଯାଇଥିଲା । ଶାସ୍ତ୍ରୀୟ ନୃତ୍ୟ ଦେଖି ଭାବବିହ୍ୱଳ ହୋଇଥିଲେ ଦର୍ଶକ । ଗୁରୁ ବସନ୍ତ କୁମାର ମହାରଣା ମଞ୍ଚ ପରିଚାଳନା କରିଥିବା ବେଳେ ଉପସ୍ଥାପନ ଦିବ୍ଯାଂଶା ଦିବ୍ଯାଂଶି କରିଥିଲେ । କାର୍ଯ୍ୟକ୍ରମକୁ ସଂଯୋଜନା କରିଥିଲେ ଶୁଭଲକ୍ଷ୍ମୀ ସାହୁ । ଗାୟତ୍ରୀ ନାୟକ, ସଂସ୍କୃତି ଶତପଥୀ, ସୁଷମା ସାହୁ ଓ ବିଜୟଲକ୍ଷ୍ମୀ ସାହୁଙ୍କ ସମେତ ଅନୁଷ୍ଠାନର ସମସ୍ତ ସଦସ୍ଯ ସଦସ୍ଯା ମାନେ ସହଯୋଗ କରିଥିଲେ । ଭାରତର କୋଣ ଅନୁକୋଣରୁ ଓଡିଶୀ, କଥକ, ଭାରତନାଟ୍ୟମ ଓ କୁଚିପୁଡ଼ି ନୃତ୍ଯ ମଞ୍ଚରେ ପରିବେଷଣ ହୋଇଥିଲା । ନୃତ୍ଯଶିଳ୍ପୀଙ୍କ ଲୟ,ତାଳ, ଭାବ ଭଙ୍ଗି ଓ ପାଦର ଘୁଂଙ୍ଗୁର ରୁନୁଝୁନ ଶଦ୍ଦର ନୃତ୍ଯଦେଖି ଶତାଧିକ ଦର୍ଶକ ଅଭିଭାବକ ମାନେ ମନ୍ତ୍ରମୁଗ୍ଧ ହୋଇଥିଲେ ।
About the Author
