ଚଣ୍ଡିଖୋଲ : ବଡ଼ଚଣା ଥାନା ଅନ୍ତର୍ଗତ ଦର୍ପଣ ପଂଚାୟତ କୋଲସାହି ଗ୍ରାମରେ ଗତ କାଲି ବଜ୍ରପାତରେ ଯୁବକର ମୃତ୍ୟୁ ଘଟିଥିବା ଜଣାଯାଇଛି ।ଗତକାଲି ରାତି ପ୍ରାୟ ୧୧ ଟାରେ ଉକ୍ତ ଗାଁର ସ୍ୱର୍ଗତ କୈଳାସ ଚନ୍ଦ୍ର ଲେଙ୍କା ଙ୍କ ପୁଅ ପ୍ରକାଶ(୩୮) ନିଜ ବାଡ଼ିକୁ ଆମ୍ବ ଗୋଟାଇବାକୁ ଯାଇଥିଲେ । ସେହି ସମୟରେ ବର୍ଷ ଓ ବଜ୍ରପାତ ହେବାରୁ ସେଠାରେ ସେ ପଡିଯାଇଥିଲେ । ଘରକୁ ଆସିବାରେ ବିଳମ୍ବ ହେବାରୁ ପରିବାର ଲୋକେ ବାଡ଼ିକୁ ଯାଇଦେଖିଲା ବେଳକୁ ସେ ପଡିଯାଇଛନ୍ତି । ସଙ୍ଗେ ସଙ୍ଗେ ପରିବାର ଲୋକେ ପ୍ରକାଶଙ୍କୁ ବଡ଼ଚଣା ଡାକ୍ତରଖାନା ନେଇଥିଲେ ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଆଜି ମୃତଦେହ ବ୍ୟବଚ୍ଛେଦ ହେବା ପରେ ପରିବାରଙ୍କୁ ହସ୍ତାନ୍ତର କରାଯାଇଛି । ତାଙ୍କର ମୃତ୍ୟୁରେ ବିଧାୟକ ଅମର କୁମାର ନାୟକ, ସରପଞ୍ଚ ରଞ୍ଜନ କୁମାର ଦାଶ, ଦିଲ୍ଲୀପ କୁମାର ସାମଲ, ହରିଶଙ୍କର ପଣ୍ଡା, ପ୍ରଦୀପ୍ତ ମହାନ୍ତି ପ୍ରମୁଖ ଗଭିର ଶୋକପ୍ରକାଶ କରି ସମବେଦନା ଜଣାଇଛନ୍ତି।
About the Author
