କନ୍ଧମାଳ: ନିଶା ମୁକ୍ତ କନ୍ଧମାଳ ଅଭିଯାନ ରେ କନ୍ଧମାଳ ପୋଲିସ ଦ୍ୱାରା ଗତ ୪ ମାସ ରେ ବିଭିନ୍ନ ଥାନା ଅଂଚଳ ରୁ ଐତିହାସିକ ପରିମାଣରେ ଗଂଜେଇ ଜବତ ହୋଇଛି । କନ୍ଧମାଳ ରେ ସମୁଦାୟ ଗଂଜେଇ ଜବତ ର ବିବରଣୀ ନେଇ ବାଲିଗୁଡା ଏସଡ଼ିପିଓ ଙ୍କ କାର୍ଯ୍ୟାଳୟ ରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି ବାଲିଗୁଡା ଏସଡ଼ିପିଓ ଶୁଭମ ଭୋସଲେ । ଗତ ଚାରି ମାସ ମଧ୍ୟରେ ମୋଟ ୬୮ ଟନ ୭୨୩ କେଜି ରୁ ଉର୍ଦ୍ଧ ବେଆଇନ ଗଂଜେଇ ଜବତ ହୋଇଛି । ଜବତ ଗଂଜେଇ ର ଆନୁମାନିକ ମୂଲ୍ୟ ୭୦ କୋଟି ରୁ ଉର୍ଦ୍ଧ ହେବ ବୋଲି ସାମ୍ବାଦିକ ସମ୍ମିଳନୀ ରେ ସୂଚନା ଦିଆଯାଇଛି । ଗତ ଚାରି ମାସ ମଧ୍ୟରେ କନ୍ଧମାଳ ରେ ସମୁଦାୟ ୯୦ ଟି ମାମଲା ଗଂଜେଇ ଜବତ ନେଇ ରୁଜୁ ହୋଇଛି ।ଏଥିରେ ମୋଟ ୧୦୪ ଜଣ ଗଂଜେଇ ଚାଲାଣକାରୀ କୁ ଗିରଫ କରାଯାଇଥିବା ବେଳେ ଗିରଫ ମଧ୍ୟରେ ୧୧ ଜଣ ମହିଳା ରହିଛନ୍ତି । ଗଂଜେଇ ଚାଲାଣ ରେ ବ୍ୟବହୃତ ମୋଟ ୩୮ ଟି ଗାଡି ଜବତ କରାଯାଇଛି । ଏଥି ସହ ନିଶାମୁକ୍ତ କନ୍ଧମାଳ ଅଭିଯାନ ନିମନ୍ତେ କୁଖ୍ୟାତ ଗଂଜେଇ ମାଫିଆ ଙ୍କ ସମ୍ପତ୍ତି କୁ ଫ୍ରିଜ କରାଯିବା ଭଳି ପଦକ୍ଷେପ ନିଆଯାଇଥିବା ପ୍ରେସ ମିଟ ରେ ସୂଚନା ଦିଆ ଯାଇଛି ।
About the Author
