ଫୁଲବାଣୀ ଜିରୀଙ୍ଗିପଡା ନୃସିଂହ ମନ୍ଦିର ଚନ୍ଦନ ଯାତ୍ରା ରେ ଭକ୍ତ ପ୍ରହଲ୍ଲାଦ ନାଟକ ପରିବେଷଣ ନୃସିଂହ ମନ୍ଦିର କୁ ନାରାୟଣୀ ଠାକୁରାଣୀ ଙ୍କ ଆଗମନ

ଫୁଲବାଣୀ : ଫୁଲବାଣୀ ସଦର ମହକୁମା ମଧ୍ୟ ସ୍ଥିତ ଜିରିଙ୍ଗିପଡ଼ା ଶ୍ରୀ ଶ୍ରୀ ଲକ୍ଷ୍ମୀ ନୃସିଂହ ନାଥ ଠାକୁର ଙ୍କର ଜନ୍ମତ୍ସବ ଅବସରରେ ଅନୁଷ୍ଠିତ ହେଉଥିବା ଚନ୍ଦନ ଯାତ୍ରା ନିମନ୍ତେ ତୋରଣ ବିଭିନ୍ନ ରଙ୍ଗ ବେରଙ୍ଗ ଆଲୋକ ମାଳା , ରେ ସଜ୍ଜିତ ଠାକୁର ଙ୍କ ମନ୍ଦିର ଯାତ୍ରା ପଡ଼ିଆ ଝଲସି ଉଠୁଛି । ଯାତ୍ରା ର ଦ୍ୱିତୀୟ ଦିବସରେ ମାଁ ନାରାୟଣୀ ଠାକୁରାଣୀ ନଗର ପରିଭ୍ରମଣ କରି ପ୍ରଭୁ ଲକ୍ଷ୍ମୀ ନୃସିଂହ ଠାକୁର ଙ୍କର ମନ୍ଦିର କୁ ଆଗମନ କରିଥିଲେ । ତାଙ୍କ ସହ ଚାରି ଭଉଣୀ ବ୍ରାହ୍ମଣୀ ଦେବୀ,ବରାଳ ଦେବୀ,ବ୍ୟାଘ୍ର ଦେବୀ,ଗ୍ରାମ ଦେବୀ ପଞ୍ଚ ଦେବୀ ପଞ୍ଚ ଠାକୁରାଣୀ ସହ ମାଁ ଦକ୍ଷିଣ କାଳୀ ଯାତ୍ରା କରିଥିଲେ। ନୃସିଂହ ନାଥ କମିଟି ପକ୍ଷରୁ ଧୂପ ଦୀପ ନୈବେଦ୍ୟ, ରେ ପୂଜା ଅର୍ଚ୍ଚନା କରା ଯାଇଥିଲା ।ସେହି ଦ୍ୱିତୀୟ ଦିବସ ସନ୍ଧ୍ୟା ରେ ମନ୍ଦିର ସମ୍ମୁଖରେ ଥିବା ଯାତ୍ରା ପଡ଼ିଆ ଠାରେ କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଲକ ଅନ୍ତର୍ଗତ ବଲସ କୁମ୍ପା ଗ୍ରାମ ପଞ୍ଚାୟତର ବଡଭୁଇଁ ଡେଙ୍ଗି ସାହି ପୁରୁଣା ପାର୍ଟି ଭକ୍ତ ପ୍ରହଲ୍ଲାଦ ନାଟ୍ୟ ସଂସଦ ପକ୍ଷରୁ ଭକ୍ତ ପ୍ରହଲ୍ଲାଦ ନାଟକ ପରିବେଷଣ ହୋଇଥିଲା। ଉକ୍ତ ନାଟକ କୁ ଅଧିକ ଭାବେ ଦର୍ଶକ ଙ୍କୁ ଆକୃଷ୍ଟ କରିବା ପାଇଁ ନାଟ୍ୟ ସଂସଦ ପକ୍ଷରୁ ସୁନାମ ଧନ୍ୟ ସଙ୍ଗୀତଜ୍ଞ ଗୋଲକ ବିହାରୀ ସାହାଣୀ ଅତି ସୁନ୍ଦର ଭାବେ ଗୀତ ଓ ସଙ୍ଗୀତ ପରିବେଷଣ କରିଥିଲେ। ସଙ୍ଗୀତ ପରିଚାଳନା ରେ ତାଙ୍କୁ ଶିଶୁ ସଙ୍ଗୀତଜ୍ଞ କୃପାଶ୍ରିତ୍ ସାହାଣୀ ସହଯୋଗ କରିଥିଲେ। ।ନାଟକରେ ରାଜା ହିରଣ୍ୟ କସିପୁ ଭୂମିକାରେ ଅଭିନାଶ ସାହାଣୀ ( ବାବୁ ) ଏବଂ ପ୍ରହଲ୍ଲାଦ ଭୂମିକାରେ ଶିଶୁ କଳାକାର ଆହିଲ୍ ସାହାଣୀ ଅତି ସୁନ୍ଦର, ନିଖୁଣ, ମନ ଲୋଭା ଅଭିନୟ କରି ଦର୍ଶକଙ୍କ ମନ ମୋହିଥିଲେ ।

ଠାକୁର ଙ୍କର ଏହି ଆଧ୍ୟାତ୍ମିକ ନାଟକ ଦେଖିବା ପାଇଁ ହଜାର ହଜାର ଶ୍ରଦ୍ଧାଳୁ ଙ୍କର ଭିଡ ଜମିଥିଲା। ବିଶେଷ କରି ରାଜା ହିରଣ୍ୟ କଶିପୁ ମାତା ଲୀଳାବତୀ ଓ ହରିଭକ୍ତ ପ୍ରହଲ୍ଲାଦ ଙ୍କୁ ଯେଉଁ ବିଭିନ୍ନ ଅମାନୁଷିକ ଭାବେ ଦଣ୍ଡ ଓ ଶାସ୍ତି ଦେଉଥିବା ଦୃଶ୍ୟ ଏବଂ ପ୍ରହଲ୍ଲାଦ ଙ୍କର ପ୍ରତି ପିତା ହିରଣ୍ୟ କସିପୁ ଦେଉଥିବା ଅସହ୍ୟ ଦଣ୍ଡ ସହ୍ୟ କରି ନ ପାରି ଶ୍ରୀହରି ନୃସିଂହ ଠାକୁର ଙ୍କର ସ୍ଥମ୍ଭ ରୁ ଆବିର୍ଭାବ ଦୃଶ୍ୟ ଦେଖିବାକୁ ହଜାର ହଜାର ସଂଖ୍ୟାରେ ଦର୍ଶକ ଭକ୍ତ ମାନଙ୍କର ଭିଡ ଜମିଥିଲା। ନାଟକ ପରିବେଷଣ ସମୟରେ ଜିରୀଙ୍ଗିପଡା ନୃସିଂହ ମନ୍ଦିର ପୂଜକ ଶ୍ରୀ ଚିନ୍ତାମଣି ସାହାଣୀ ଓ ସହ ପୂଜକ ପ୍ରକାଶ କହଁର ନିଷ୍ଠାର ସହ ପୂଜା ଅର୍ଚ୍ଚନା କରିବା ପରେ ନୃସିଂହ ଠାକୁର ସ୍ଥମ୍ଭରୁ ଆବିର୍ଭାବ ହୋଇଥିଲେ। ଏହି ଯାତ୍ରା ଦୀର୍ଘ ୧୫ ଦିନ ଧରି ଠାକୁର ଙ୍କ ଯାତ୍ରା ପଡ଼ିଆ ଠାରେ ପ୍ରତ୍ୟେକ ଦିନ ସନ୍ଧ୍ୟାରେ ଦର୍ଶକ ଙ୍କର ମନ ଛୁଆଁ ଭିନ୍ନ ଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ନିମନ୍ତେ ଗ୍ରାମ କମିଟି ସଭାପତି ସୁଜିତ୍ ବେହେରା ଓ ମନ୍ଦିର ପରିଚାଳନା କମିଟି ସଭାପତି ତଥା ସଂଯୋଜକ କରମ୍ ବେହେରା ସୂଚନା ଦେଇଛନ୍ତି। ଯାତ୍ରାର ଶୁଭାରମ୍ଭ ଦିନ ଠାରୁ ଠାକୁର ଙ୍କ ଦର୍ଶନ ପାଇଁ ଏବଂ ସାଂସ୍କୃତିକ କାର୍ଯ୍ୟକ୍ରମ ଉପଭୋଗ କରିବା ନିମନ୍ତେ ହଜାର ହଜାର ଶ୍ରଦ୍ଧାଳୁ ଙ୍କର ସମାଗମ ହୋଇଥାଏ। ଅଧିକ ରୁଦ୍ର ତାପ କୁ ଦୃଷ୍ଟି ରଖି ଯାତ୍ରା ସମୟରେ ଭକ୍ତ ଙ୍କ ର ଅଧିକ ଭିଡ ଜମୁଥିବା ଯୋଗୁଁ ଅର୍ଣ୍ଣ ପ୍ରସାଦ ଏବଂ ଦହି, ଚଲା, ପଣା ପାଣି ର ବ୍ୟବସ୍ଥା କରାଯାଇଥାଏ। ଯାତ୍ରା ର ଶାନ୍ତି ଶୃଙ୍ଖଳା ରକ୍ଷା ନିମନ୍ତେ ପୋଲିସ୍ ପ୍ରଶାସନ ଓ ଜିଲ୍ଲା ପ୍ରଶାସନ ର ସମ୍ପୂର୍ଣ୍ଣ ସହଯୋଗ ରହିଛି। ଗ୍ରାମ କମିଟିର କର୍ମକର୍ତ୍ତା, ଉପଦେଷ୍ଠା ମହିଳା ବାହିନୀ ଯୁବ ଗୋଷ୍ଠୀ ଙ୍କର ସାହିଯୋଗ ରେ ଯାତ୍ରା ଅନୁଷ୍ଠିତ ହେଉଛି ବୋଲି କମିଟି ପକ୍ଷରୁ ସୂଚନା ମିଳିଛି।