ମଦୁରାଇ (ତାମିଲନାଡୁ): ସୋମବାର ଦିନ ତାମିଲନାଡୁର ମୁଖ୍ୟମନ୍ତ୍ରୀ ସି. ଜୋସେଫ୍ ବିଜୟ ନବଜାତ ଶିଶୁଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ କଲ୍ୟାଣକାରୀ ଯୋଜନା (ସୁନା ମୁଦି ପ୍ରଦାନ)ର ଶୁଭାରମ୍ଭ କରିଛନ୍ତି। ଏହା ସହିତ ସେ ନବୀକରଣ କରାଯାଇଥିବା ଗାନ୍ଧୀ ସ୍ମାରକୀ ସଂଗ୍ରହାଳୟର ଉଦଘାଟନ କରିଛନ୍ତି ଏବଂ ପ୍ରାଚୀନ ଶ୍ରୀ ମୀନାକ୍ଷୀ ସୁନ୍ଦରେଶ୍ୱର ମନ୍ଦିରରେ ପୂଜାର୍ଚ୍ଚନା କରିଛନ୍ତି। ତାଙ୍କ ଯାତ୍ରା ପଥରେ ପ୍ରବଳ ଜନସମାଗମ ଦେଖିବାକୁ ମିଳିଥିଲା। ମନ୍ଦିର ସହରକୁ ନିଜର ପ୍ରଥମ ସରକାରୀ ଗସ୍ତ ଅବସରରେ, ମୁଖ୍ୟମନ୍ତ୍ରୀ ସ୍ଥାନୀୟ ସରକାରୀ ରାଜାଜୀ ହସ୍ପିଟାଲରେ “ଥାଇମାମାନ ଥାଙ୍ଗା ମୋଥିରମ ଥିଟ୍ଟାମ’ (ମାମୁଁଙ୍କ ତରଫରୁ ସୁନା ମୁଦି ପ୍ରଦାନ ଯୋଜନା) ଆରମ୍ଭ କରିଥିଲେ। ସେ ନିଜେ ନବଜାତ ଶିଶୁମାନଙ୍କୁ କୋଳକୁ ନେଇଥିଲେ ଏବଂ ମା’ମାନଙ୍କୁ ୨୨-କ୍ୟାରେଟ୍ ବିଶିଷ୍ଟ ଗୋଟିଏ ଗ୍ରାମ ଓଜନର ସୁନା ମୁଦି ପ୍ରଦାନ କରି ନିଜର ଏକ ପ୍ରମୁଖ ନିର୍ବାଚନୀ ପ୍ରତିଶ୍ରୁତି ପୂରଣ କରିଥିଲେ। ରାଜ୍ୟ ସରକାର ଏହି ପଦକ୍ଷେପ ପାଇଁ ୭୫୫.୮୩ କୋଟି ଟଙ୍କା ବ୍ୟୟବରାଦ କରିଛନ୍ତି। ଏହି କଲ୍ୟାଣକାରୀ ଯୋଜନାର ଲକ୍ଷ୍ୟ ହେଉଛି ମାତୃତ୍ୱକୁ ସମ୍ମାନ ଜଣାଇବା, ମାତୃ ସ୍ୱାସ୍ଥ୍ୟସେବାରେ ଉନ୍ନତି ଆଣିବା ଏବଂ ସରକାରୀ ଡାକ୍ତରଖାନାରେ ପ୍ରସବ କରାଇବାକୁ ଉତ୍ସାହିତ କରିବା। ସରକାର ପ୍ରାରମ୍ଭିକ ପର୍ଯ୍ୟାୟ ପାଇଁ ୧.୨୮ ଲକ୍ଷ ସୁନା ମୁଦି ସଂଗ୍ରହ କରିସାରିଛନ୍ତି, ଯାହା ଦ୍ୱାରା ୨୨ ଜୁନ୍ ୨୦୨୬ କିମ୍ବା ତା’ପରେ ଜନ୍ମ ହୋଇଥିବା ଯୋଗ୍ୟ ଶିଶୁମାନେ ଉପକୃତ ହେବେ। ଏହି ଯୋଜନା ସରକାରୀ ଡାକ୍ତରଖାନାରେ ୨୨ ଜୁନ୍ ୨୦୨୬ କିମ୍ବା ତା’ପରେ ଜନ୍ମ ହୋଇଥିବା ଯୋଗ୍ୟ ଶିଶୁଙ୍କ କ୍ଷେତ୍ରରେ ଲାଗୁ ହେବ। ଆଜିର ଦିନରେ, ତିଆରି ଖର୍ଚ୍ଚ (ଜ୍ଞବଳସଦ୍ଭଶ ମଷବକ୍ସଶରଗ୍ଦ) ଏବଂ ଜିଏସ୍ଟି (ଏଝଞ) ବ୍ୟତୀତ ୨୨-କ୍ୟାରେଟ୍ ସୁନାର ମୂଲ୍ୟ ପ୍ରାୟ ୧୪,୦୦୦ ଟଙ୍କା ରହିଛି। ହସ୍ପିଟାଲ ଅଡିଟୋରିୟମରେ ୨୫ ଜଣ ଶିଶୁଙ୍କୁ ବ୍ୟକ୍ତିଗତ ଭାବେ ସୁନା ମୁଦି ପ୍ରଦାନ କରିବା ପରେ, ମୁଖ୍ୟମନ୍ତ୍ରୀ ବିଜୟ ହସ୍ପିଟାଲର ପ୍ରସୂତି ବିଭାଗକୁ ଯାଇ ଆଉ ୧ “ସରକାରୀ ଡାକ୍ତରଖାନା ବାଛିବା ଦ୍ୱାରା ପରିବାରଗୁଡ଼ିକ ହାରାହାରି ୬୮,୫୦୦ ଟଙ୍କା ସଞ୍ଚୟ କରିପାରୁଛନ୍ତି। ଯଦି ଆଉ ୧ ଲକ୍ଷ ମାଆ ସରକାରୀ ସୁବିଧା ବାଛନ୍ତି, ତେବେ ଏହା ଦ୍ୱାରା ପରିବାରଗୁଡ଼ିକର ବାର୍ଷିକ ପ୍ରାୟ ୬୮୫ କୋଟି ଟଙ୍କା ସଞ୍ଚୟ ହେବ,’ ବୋଲି ମନ୍ତ୍ରୀ କହିଥିଲେ। ମୁଖ୍ୟମନ୍ତ୍ରୀ ସିଧାସଳଖ ରାଣୀ ମଙ୍ଗମ୍ମାଲଙ୍କ ୧୭ଶ ଶତାବ୍ଦୀର ଐତିହାସିକ ତାମୁକ୍କମ୍ ପ୍ରାସାଦ (ଯାହା ୧୩ ଏକର ପରିସରରେ ବ୍ୟାପି ରହିଛି) ମଧ୍ୟରେ ଅବସ୍ଥିତ ଗାନ୍ଧୀ ସ୍ମାରକୀ ସଂଗ୍ରହାଳୟକୁ ଯାଇଥିଲେ ଏବଂ ୧୦.୨୫ କୋଟି ଟଙ୍କା ବ୍ୟୟରେ ସମ୍ପୂର୍ଣ୍ଣ ଭାବେ ପୁନରୁଦ୍ଧାର ଓ ନବୀକରଣ କରାଯାଇଥିବା ଏହି ସଂଗ୍ରହାଳୟକୁ ଔପଚାରିକ ଭାବେ ଉଦ୍ଘାଟନ କରିଥିଲେ। ଆଜି ଏହି ସଂଗ୍ରହାଳୟ ସର୍ବସାଧାରଣଙ୍କ ପାଇଁ ଖୋଲାଯାଇଛି। ରାଣୀ ମଙ୍ଗମ୍ମାଲଙ୍କ ଦ୍ୱାରା ନିର୍ମିତ ତାମୁକ୍କମ୍ ପ୍ରାସାଦର ପ୍ରାୟ ୩୦୦ ବର୍ଷ ପୁରୁଣା ଐତିହ୍ୟ ସମ୍ପନ୍ନ କୋଠାକୁ ସଂରକ୍ଷିତ କରିବା ପାଇଁ ଏହି ପୁନରୁଦ୍ଧାର କାର୍ଯ୍ୟ କରାଯାଇଥିଲା। ଏହି ସଂଗ୍ରହାଳୟରେ ଦୁର୍ଲଭ ଫଟୋଚିତ୍ର, ହସ୍ତଲିପି, ବ୍ୟକ୍ତିଗତ ଚିଠି ଏବଂ ମହାତ୍ମାଙ୍କ ହତ୍ୟା ସମୟରେ ସେ ପରିଧାନ କରିଥିବା ରକ୍ତରଞ୍ଜିତ ବସ୍ତ୍ରର ଏକ ଅଂଶ ସ୍ଥାନ ପାଇଛି। ସେଠାରେ ପହଞ୍ଚିବା ପରେ ବିଜୟ ଗାନ୍ଧୀଙ୍କୁ ପୁଷ୍ପାଞ୍ଜଳି ଅର୍ପଣ କରିଥିଲେ ଏବଂ ପରେ “ଜାତିର ପିତା’ଙ୍କ ଉପରେ ଆଧାରିତ ଏକ ଚଳଚ୍ଚିତ୍ର ଦେଖିଥିଲେ। ଦିନର ପରବର୍ତ୍ତୀ ଭାଗରେ, ମୁଖ୍ୟମନ୍ତ୍ରୀ ପ୍ରାଚୀନ ଶ୍ରୀ ମୀନାକ୍ଷୀ ସୁନ୍ଦରେଶ୍ୱର ମନ୍ଦିର ପରିଦର୍ଶନ କରିଥିଲେ; ସେଠାରେ ଦେବୀ ମୀନାକ୍ଷୀ ଆମ୍ମାନ ଏବଂ ଭଗବାନ ସୁନ୍ଦରେଶ୍ୱରଙ୍କୁ ପୂଜା କରିବା ପୂର୍ବରୁ ମନ୍ଦିରର ପୂଜକମାନେ ତାଙ୍କୁ ପାରମ୍ପାରିକ “ପୂର୍ଣ୍ଣ କୁମ୍ଭ’ ସମ୍ମାନ ପ୍ରଦାନ କରିଥିଲେ। ଏକ ସୂତ୍ର ଅନୁଯାୟୀ, ମୁଖ୍ୟମନ୍ତ୍ରୀ “ସାୟରକ୍ଷା ପୂଜା’ରେ ଅଂଶଗ୍ରହଣ କରିଥିଲେ – ଯାହା ଦେବୀ ମୀନାକ୍ଷୀ ଏବଂ ସୁନ୍ଦରେଶ୍ୱରଙ୍କ ସନ୍ନିଧିରେ ଦୈନିକ କରାଯାଉଥିବା ଏକ ଗୁରୁତ୍ୱପୂର୍ଣ୍ଣ ସନ୍ଧ୍ୟାକାଳୀନ ଅନୁଷ୍ଠାନ ଏବଂ ଏହା ଦୈବୀ ସୁରକ୍ଷା ପାଇଁ ଉଦ୍ଦିଷ୍ଟ। ମୁଖ୍ୟମନ୍ତ୍ରୀ ଏଠାରେ ଏକ ରୋଡ୍-ଶୋ’ ମଧ୍ୟ କରିଥିଲେ ଏବଂ ତାଙ୍କୁ ସ୍ୱାଗତ କରିବା ପାଇଁ ରାସ୍ତାର ଉଭୟ ପାର ମୁଖ୍ୟମନ୍ତ୍ରୀଙ୍କୁ ଟିକିଏ ଦେଖିବା ପାଇଁ ରାସ୍ତାରେ ଲୋକ ଏବଂ ଞଠକ ସମର୍ଥକଙ୍କ ପ୍ରବଳ ଭିଡ଼ ଜମିଥିଲା। ମନ୍ଦିର ପରିସରକୁ କଡ଼ା ନିୟନ୍ତ୍ରଣରେ ରଖାଯାଇଥିଲେ ମଧ୍ୟ ପୋଲିସ ପାଇଁ ଏହି ଭିଡ଼କୁ ନିୟନ୍ତ୍ରଣ କରିବା କଷ୍ଟକର ହୋଇପଡ଼ିଥିଲା। ମୁଖ୍ୟମନ୍ତ୍ରୀଙ୍କ ଆଗମନ ସମୟରେ ମୀନାକ୍ଷୀ ସୁନ୍ଦରେଶ୍ୱର ମନ୍ଦିର ଟ୍ରଷ୍ଟ ବୋର୍ଡର ଅଧ୍ୟକ୍ଷା ଏସ୍. ରୁକ୍ମିଣୀ ପଲାନିଭେଲ ରାଜନ ଏବଂ ଅନ୍ୟାନ୍ୟ ମନ୍ଦିର ଅଧିକାରୀମାନେ ତାଙ୍କୁ ସ୍ୱାଗତ କରିଥିଲେ। ମୁଖ୍ୟମନ୍ତ୍ରୀଙ୍କ ରୋଡ୍?-ଶୋ’ ଏବଂ ଜନସମ୍ପର୍କ କାର୍ଯ୍ୟକ୍ରମ ସମୟରେ ଦେଖିବାକୁ ମିଳୁଥିବା ଦୃଶ୍ୟର ପୁନରାବୃତ୍ତି ଏଠାରେ ଦେଖିବାକୁ ମିଳିଥିଲା। ପ୍ରଖର ଖରା ଏବଂ ପ୍ରବଳ ଭିଡ଼ ସତ୍ତ୍ୱେ, ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିବା କିମ୍ବା ତାଙ୍କୁ ନିକଟରୁ ଦେଖିବା ପାଇଁ ରାସ୍ତାର ଉଭୟ ପାର୍ଶ୍ୱରେ ବହୁ ସଂଖ୍ୟାରେ ଲୋକ, ବିଶେଷକରି ଯୁବକଯୁବତୀମାନେ ଏକାଠି ହୋଇଥିଲେ। ରୋଡ୍?-ଶୋ’ ଏବଂ ସ୍ଥାନୀୟ ଗସ୍ତ ସମୟରେ ଅନେକ ପୁରୁଷ ଓ ମହିଳା ବ୍ୟାରିକେଡ୍ ଭାଙ୍ଗି ମୁଖ୍ୟମନ୍ତ୍ରୀଙ୍କ ଗାଡ଼ି ନିକଟକୁ ଯିବାକୁ ଚେଷ୍ଟା କରିବା ସହ ଆନନ୍ଦରେ ସ୍ଲୋଗାନ ଦେଇଥିଲେ, ଯାହା ପୋଲିସ ପାଇଁ ଏକ ଆହ୍ୱାନ ସୃଷ୍ଟି କରିଥିଲା। ଜଣେ ଯୁବକ ମୁଖ୍ୟମନ୍ତ୍ରୀଙ୍କୁ ଲୋକପ୍ରିୟ ଅଭିନେତା ଅଜିତ୍ କୁମାରଙ୍କ ସହ ବିଜୟଙ୍କର ଏକ ଫ୍ରେମ୍ କରାଯାଇଥିବା ଫଟୋ ଉପହାର ଦେଇଥିଲେ ଏବଂ ମୁଖ୍ୟମନ୍ତ୍ରୀ ରୋଡ୍-ଶୋ’ ସମୟରେ ନିଜ ଗାଡ଼ି ଉପରୁ କିଛି ସମୟ ପାଇଁ ତାହାକୁ ପ୍ରଦର୍ଶିତ କରିଥିଲେ।
About the Author
