ପୁରୀ: ଓଡ଼ିଶା ବିଦ୍ୟୁତ୍ ନିୟାମକ କମିଶନଙ୍କ ବେଆଇନ ନିର୍ଦ୍ଦେଶକୁ ଭିତ୍ତିକରି ରାଜ୍ୟ ସରକାରଙ୍କ ଭ୍ରଷ୍ଟାଚାରୀ କର୍ତ୍ତୃପକ୍ଷମାନେ ଅସଦ୍ ଉଦ୍ଦେଶ୍ୟ ରଖି ଟାଟା ବିଦ୍ୟୁତ୍ କମ୍ପାନୀ ସହିତ କରିଥିବା ପ୍ରବଞ୍ଚନାପୂର୍ଣ୍ଣ ଅସାମ୍ବିଧାନିକ ଚୁକ୍ତି ଦ୍ୱାରା ଓଡ଼ିଶାରେ ବିଦ୍ୟୁତ୍ ବିତରଣ ସେବା ବିପର୍ଯ୍ୟସ୍ତ ଅବସ୍ଥାରେ ପହଞ୍ଚୁସାରିଲାଣି ।ସରକାର ନିରବଦ୍ରଷ୍ଟା ତଥା ସ୍ଥାଣୁ ପାଲଟି ଯାଇଛନ୍ତି । ବିଦ୍ୟୁତ ଉପଭୋକ୍ତା ତଥା ଜନସାଧାରଣଙ୍କ ପ୍ରଭୂତ କ୍ଷତି ଘଟୁଛି ବୋଲି କହିଛନ୍ତି ଅଟଳ ବିଚାର ମଞ୍ଚର ସଭାପତି ବିନୟ ନୃସିଂହ ମହାପାତ୍ର । ଶରଧାବାଲି ସ୍ଥିତ ରାଣୀ ସତୀଭବନ ପରିସରରେ ମଞ୍ଚ ପକ୍ଷରୁ ରବିବାର ଅପରାହ୍ନରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଓଡ଼ିଶାରେ ବିଦ୍ୟୁତ୍ ବିତରଣ ସେବା ବିପର୍ଯ୍ୟସ୍ତ ହୋଇପଡିଛି ,ନିର୍ଦ୍ଦିଷ୍ଟ ପ୍ରକଳ୍ପ ନିମିତ୍ତ ସରକାରୀ ଏବଂ ବେସରକାରୀ ସ୍ତରରେ କର୍ତ୍ତୃପକ୍ଷମାନଙ୍କ ଇଛାକୃତ ଏବଂ ପ୍ରବଞ୍ଚନାପୂର୍ଣ୍ଣ ନିଷ୍ପଭି ଦ୍ୱାରା ଉଦ୍ଦେଶ୍ୟମୂଳକ ସଂସ୍ଥା (ଏସ୍ପିଭି) ଟିପିସିଓଡ଼ିଏଲ୍ର ବେଆଇନ କାର୍ଯ୍ୟା କରିଆସୁଛନ୍ତି ବୋଲି ଶ୍ରୀ ମହାପାତ୍ର କହିଛନ୍ତି ।ରାଜ୍ୟ ସରକାରଙ୍କ ତରଫରୁ ଗ୍ରୀଡ଼କୋ ୪୯% ଏବଂ ବେସରକାରୀ ସଂସ୍ଥା ପକ୍ଷରୁ ଟାଟା ବିଦ୍ୟୁତ୍ କମ୍ପାନୀର ୫୧% ଅଂଶଧନରେ ଓଡ଼ିଶା ବିଦ୍ୟୁତ୍ ସଂସ୍କାର ଅଧ୍ୱନିୟମ ୧୯୯୫ ଅନ୍ତର୍ଗତ ରୁଲ୍ ୪୭ ଅନୁସାରେ ଚୁକ୍ତି ନିରୂପିତ କରାଯିବା ସମ୍ପୂର୍ଣ ବେଆଇନ ଓ ଅବାଞ୍ଛିତ ଅଟେ । ଉକ୍ତ ଚୁକ୍ତି ଏବଂ ତାହାର କାର୍ଯ୍ୟାନ୍ୱୟରେ କେନ୍ଦ୍ର ସରକାରଙ୍କ ଇଲେକ୍ଟ୍ରିସିଟି ଆକ୍ଟ ୨୦୦୩ ର ବ୍ୟବସ୍ଥାକୁ ସମ୍ପୂର୍ଣ ଉଲଙ୍ଘନ କରିବା ସହିତ ସମ୍ବିଧାନର ଧାରା ୨୫୪ (୨) ଏବଂ ୨୯୮ (ବି) ତଥା ୨୪୬(୨) ଏବଂ ୨୯୯ ର ପରିପନ୍ତି ଏବଂ ମୂଳତଃ ଅସିଦ୍ଧ । ଓଡ଼ିଶା ବିଦ୍ୟୁତ୍ ସଂସ୍କାର ଆଇନ ୧୯୯୫ ଅନ୍ତର୍ଗତ ବୈଧାନିକ ବ୍ୟବସ୍ଥାର ପ୍ରକୃତ ଉଦ୍ଦେଶ୍ୟ ଏବଂ ମୂଳ ଲକ୍ଷ୍ୟ ହାସଲ ପୂର୍ବକ ଅତ୍ୟାବଶ୍ୟକ ବିଦ୍ୟୁତ୍ ସେବାର ଜରୁରୀକାଳୀନ ଆବଶ୍ୟକତା ଆବେଦନପତ୍ର, ମାନ୍ୟବର ଓଡ଼ିଶା ରାଜ୍ୟପାଳଙ୍କୁ ତା୧୯.୦୧.୨୦୨୬ରିଖ ଠାରୁ ପ୍ରେରଣ କରାଯାଇ ମାନ୍ୟବର ଓଡ଼ିଶା ମୁଖ୍ୟମନ୍ତ୍ରୀ, ମାନ୍ୟବର ଓଡ଼ିଶା ଶକ୍ତି ଉପମୁଖ୍ୟମନ୍ତ୍ରୀ ଏବଂ ସମ୍ମାନନୀୟା ରାଜ୍ୟ ମୁଖ୍ୟ ଶାସନ ସଚିବଙ୍କୁ ଜ୍ଞାପକ ପତ୍ର ମାଧ୍ୟମରେ, ଓଡ଼ିଶା ସରକାର ଏବଂ ବେସରକାରୀ ସେବା ପ୍ରଦାନକାରୀ କମ୍ପାନୀ ଟିପିସିଏଲ୍ ମାଧ୍ୟମରେ ତାଠ୧.୦୬.୨୦୨୦ରିଖରେ ବିଦ୍ୟୁତ୍ ଉତ୍ପାଦନ, ସଂଚାରଣ ଏବଂ ବିତରଣ ପାଇଁ ହୋଇଥୁବା ଚୁକ୍ତିନାମାକୁ ବାତିଲ୍ କରିବା ପାଇଁ ଉଚିତ ପଦକ୍ଷେପ ଗ୍ରହଣ ଏବଂ ତୁରନ୍ତ କାର୍ଯ୍ୟାନୁଷ୍ଠାନ ନେବା ନିମିତ୍ତ ଅନୁରୋଧ କରାଯାଇଥିଲା । ନ୍ୟାୟୋଚିତ ତଥା ଆଇନ୍ ଅନୁଯାୟୀ କାର୍ଯ୍ୟନୀତି ନିଷ୍ପରି ପୂର୍ବକ ସମସ୍ତ କାର୍ଯ୍ୟ ସମାପନ କରାଯାଏ, ତାହା ରାଜ୍ୟ ସରକାରଙ୍କ ଦ୍ୱାରା ସୁନିଶ୍ଚିତ କରାଯିବା ଦରକାର । ସମ୍ପୃକ୍ତ ଭ୍ରଷ୍ଟ ଏବଂ ଦୁର୍ନୀତିଗ୍ରସ୍ତ ଅଧୁକାରୀଙ୍କ ବିରୁଦ୍ଧରେ ଉଚିତ୍ ଦଣ୍ଡ ପ୍ରାବଧାନ କରାଇ ତତ୍ସହିତ ଟାଟା କମ୍ପାନୀର ସେବା ଲାଇସେନ୍ସ ରଦ୍ଦ କରାଯାଉ, ଯଦ୍ୱାରା ଏହା ବର୍ତ୍ତମାନର ସରକାରଙ୍କ ସୁଶାସନ ପ୍ରତିଷ୍ଠା ଦିଗରେ ଏକ ଉତ୍କୃଷ୍ଟ ତଥା ଦୃଷ୍ଟାନ୍ତମୂଳକ ପଦକ୍ଷେପ ରୂପେ ବିବେଚିତ ହୋଇ ରାଜ୍ୟବାସୀଙ୍କ ପ୍ରଭୂତ ହିତ ସାଧନର ମୁଖ୍ୟ ଭୂମିକା ଗ୍ରହଣ କରିବ । ଆୟୋଜିତ ସାମ୍ବାଦିକ ସମ୍ମିଳନୀରେ ସାଧାରଣ ସମ୍ପାଦକ ବିଶ୍ୱନାଥ ପଣ୍ଡା, ସମ୍ପାଦକ ପ୍ରଶାନ୍ତ କୁମାର ଭୂୟାଁ, ବିଚାରମଞ୍ଚ ଲଷ୍ମୀପ୍ରିୟା ସାହୁ ପ୍ରମୁଖ ଉପସ୍ଥିତ ଥିଲେ ।
About the Author
