ଲକ୍ଷ୍ନୌ: ଉତ୍ତର ପ୍ରଦେଶ ସରକାର ସୁପ୍ରିମକୋର୍ଟଙ୍କୁ ଜଣାଇଛନ୍ତି ଯେ ଅଯୋଧ୍ୟାସ୍ଥିତ ରାମଜନ୍ମଭୂମି ମନ୍ଦିରକୁ ଦିଆଯାଇଥିବା ଦାନ ଅର୍ଥର କଥିତ ହେରଫେର ମାମଲାରେ ସେପ୍ଟେମ୍ବର ୨୫ ସୁଦ୍ଧା ଚାର୍ଜସିଟ୍ ଦାଖଲ କରାଯିବ; ଉଲ୍ଲେଖଯୋଗ୍ୟ ଯେ ଏହି ଦିନ ୯୦ ଦିନିଆ ତଦନ୍ତ ଅବଧି ଶେଷ ହେଉଛି। ଭାରତର ବିଚାରପତି ସୂର୍ଯ୍ୟ କାନ୍ତଙ୍କ ନେତୃତ୍ୱରେ ଗଠିତ ଖଣ୍ଡପୀଠ – ଯେଉଁଥିରେ ବିଚାରପତି ଜୟମାଲ୍ୟା ବାଗଚୀ ଏବଂ ଭି. ମୋହନା ମଧ୍ୟ ସାମିଲ ଥିଲେ – ଏହି ଅଭିଯୋଗର ତଦନ୍ତ କରୁଥିବା ସ୍ୱତନ୍ତ୍ର ତଦନ୍ତକାରୀ ଦଳ ଦ୍ୱାରା ଦାଖଲ କରାଯାଇଥିବା ସ୍ଥିତି ରିପୋର୍ଟ ଉପରେ ବିଚାର କରିଥିଲେ। ଉତ୍ତର ପ୍ରଦେଶ ସରକାରଙ୍କ ପକ୍ଷରୁ ଉପସ୍ଥିତ ଥିବା ସଲିସିଟର ଜେନେରାଲ ତୁଷାର ମେହେଟା ଖଣ୍ଡପୀଠକୁ ଜଣାଇଥିଲେ ଯେ ଅଭିଯୁକ୍ତଙ୍କୁ ଚିହ୍ନଟ କରିବା ପ୍ରକ୍ରିୟାରେ ତଦନ୍ତକାରୀ ଅଧିକାରୀମାନେ ସିସିଟିଭି ଫୁଟେଜ୍ ଏବଂ ଅନ୍ୟାନ୍ୟ ସାମଗ୍ରୀର ଯାଞ୍ଚ କରିଛନ୍ତି। କୋର୍ଟଙ୍କୁ ଏହା ମଧ୍ୟ କୁହାଯାଇଥିଲା ଯେ ତଦନ୍ତ ପ୍ରାୟତଃ ଶେଷ ହୋଇଯାଇଛି। ସୁପ୍ରିମକୋର୍ଟ ଉତ୍ତର ପ୍ରଦେଶର ସମ୍ପୃକ୍ତ ସେସନ୍ସ କୋର୍ଟଙ୍କୁ ଏହି ମାମଲାରେ ଉପଯୁକ୍ତ ନିର୍ଦ୍ଦେଶ ଜାରି କରିବାକୁ ଅନୁମତି ଦେଇଛନ୍ତି। ପ୍ରଧାନ ବିଚାରପତି କହିଛନ୍ତି ଯେ ସର୍ବୋଚ୍ଚ ଅଦାଲତ ବର୍ତ୍ତମାନ ପର୍ଯ୍ୟାୟରେ ସେସନ୍ସ ଜଜ୍?ଙ୍କ ନିକଟରୁ ଏହି ମାମଲାକୁ ହଟାଇବାକୁ ଚାହୁଁନାହାନ୍ତି; ସେ ଆହୁରି ମଧ୍ୟ କହିଛନ୍ତି ଯେ ଯଦି କୋର୍ଟ ଅନୁଭବ କରନ୍ତି ଯେ ଅତିରିକ୍ତ ତଦନ୍ତ ଆବଶ୍ୟକ, ତେବେ ପରବର୍ତ୍ତୀ ନିର୍ଦ୍ଦେଶ ଜାରି କରାଯିବ। ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟକୁ ମିଳିଥିବା ଦାନ ଅର୍ଥର କଥିତ ଆର୍ôଥକ ଅନିୟମିତତା ଏବଂ ଅର୍ଥର ଅନ୍ୟତ୍ର ବ୍ୟବହାର (ଡାଇଭର୍ସନ୍) ସମ୍ପର୍କିତ ଅଭିଯୋଗର ସ୍ୱାଧୀନ ତଦନ୍ତ ଦାବି କରୁଥିବା ଆବେଦନଗୁଡ଼ିକରୁ ଏହି ମାମଲାର ଉତ୍ପତ୍ତି ହୋଇଛି। ଜୁଲାଇ ୨୨ ତାରିଖରେ ସୁପ୍ରିମକୋର୍ଟ ଏହି ଅଭିଯୋଗଗୁଡ଼ିକର ଯାଞ୍ଚ ପାଇଁ ଏକ ସ୍ୱତନ୍ତ୍ର ଏସଆଇଟି ଗଠନ କରିବାକୁ ନିର୍ଦ୍ଦେଶ ଦେଇଥିଲେ।
About the Author
