ପୁରୀ: ଶ୍ରୀପାଦ ରାମଦାସ ବାବାଜୀ ମହାରାଜ ଥିଲେ ଆଧ୍ୟାତ୍ମିକ ଚେତନାର ଏକ ମହାନ ଉତ୍ସ। ଯାହାଙ୍କର ଜୀବନାଦର୍ଶ ପ୍ରଭାବିତ କରିଥିଲା ଯୁବ ସମାଜକୁ। କଠୋର ସାଧନା ଓ ନିଷ୍ଠା ଥିଲା ତାଙ୍କ ଜୀବନର ବ୍ରତ। ମାନବ ସେବାକୁ କେବଳ ଶାରୀରିକ ଭାଗରେ ନୁହେଁ ତାହାକୁ କିପରି ମାନସିକ ସ୍ତରରେ କରାଯାଇ ପାରିବ, ଏହାକୁ ନିଜ ଜୀବନରେ ସିଏ କରି ଦେଖାଇଥିଲେ। ତାଙ୍କର ଏହି ମହାନ୍ ଆଦର୍ଶ ଦ୍ୱାରା ପ୍ରଭାବିତ ହୋଇଥିଲେ ନେତାଜୀ ସୁବାଷ ଚନ୍ଦ୍ର ବୋଷ ଓ ଦେଶବନ୍ଧୁ ଚିତ୍ତରଞ୍ଜନ। ଅତି ମେଧାବୀ ଛାତ୍ର ଥିବା ଶ୍ରୀପାଦ ରାମଦାସ ପିଲାବେଳୁ ଭାରତର ଅଦ୍ୱିତୀୟ ମହାପୁରୁଷ ଶ୍ରୀ ଶ୍ରୀ ଜଗଦବନ୍ଧୁ ସୁନ୍ଦରଙ୍କ ଆଦର୍ଶରେ ଅନୁପ୍ରାଣିତ ହୋଇଥିଲେ। ସେହି ସମୟର ଶ୍ରୀ ଶ୍ରୀ ବିଜୟକୃଷ୍ଣ ଗୋସ୍ୱାମୀ ଓ ଠାକୁର ସୀତାରାମ ଦାସ ଓଁକାର ନାଥ ଙ୍କ ସାହଚର୍ଯା ଲାଭ କରିଥିଲେ। ପରିଶେଷରେ ବୈଷ୍ଣବ ଚୂଡ଼ାମଣି ଶ୍ରୀଶ୍ରୀ ରାଧା ରମଣ ଦେବଙ୍କ ଠାରୁ ଦୀକ୍ଷାପ୍ରାପ୍ତ ହୋଇ ଜଗତରେ ଶ୍ରୀ ନାମ ପ୍ରଚାରରେ ବ୍ରତୀ ହୋଇଥିଲେ। ଶ୍ରୀକ୍ଷେତ୍ର ସହିତ ତାଙ୍କ ସମ୍ପର୍କ ଥିଲା ଅତି ନିବିଡ। ଶ୍ରୀ ଚୈତନ୍ୟ ମହାପ୍ରଭୁ ଙ୍କ ପରେ ଶ୍ରୀ ଜଗନ୍ନାଥ ଙ୍କ ଅନେକ ବୈଷ୍ଣବୀୟ ଲୀଳାରେ ଭାଗ ନେଇଥିଲେ ଶ୍ରୀଶ୍ରୀ ରାଧାରମଣ ଦେବ। ତାଙ୍କ ପରେ ଶ୍ରୀଗୁଣ୍ଡିଚା ଓ ଅନ୍ୟାନ୍ୟ ସଂକୀର୍ତ୍ତନ ସେବାକୁ ପୁନଃ ପ୍ରଚଳନ କରି ଶ୍ରୀପାଦ ବାବାଜୀ ମହାରାଜ ଶ୍ରୀ ଜଗନ୍ନାଥ ସଂସ୍କୃତିର ପ୍ରଚାରରେ ବ୍ରତୀ ହୋଇଥିଲେ। ତାଙ୍କ ସଂକୀର୍ତ୍ତନ ରେ ଥିଲା ଈଶ୍ୱରୀୟ ଅନୁଭୂତି। ଭାବ ସମାଧିରେ ସିଏ ଯାହା ଦେଖୁଥିଲେ, ତାହାକୁ କୀର୍ତ୍ତନ ମାଧ୍ୟମରେ ସିଏ ପରି ପ୍ରକାଶ କରିବାରେ ଥିଲେ ସିଦ୍ଧହସ୍ତ୍। ତାଙ୍କ ରଚିତ ଶ୍ରୀ ଗୁରୁ କୃପାର ଦାନ ଆଧ୍ୟତ୍ମିକ ସାହିତ୍ୟର ଏକ ଅମୂଲ୍ୟ ସମ୍ପଦ।ଶ୍ରୀକ୍ଷେତ୍ର ର ଅନେକ ଐତିହାସିକ ସ୍ଥଳୀ ଠାକୁର ହରିଦାସ ସମାଧି, ସିଦ୍ଧ ବକୁଳ, ତୋଟା ଗୋପୀନାଥ ତଥା ଝାଞ୍ଜପିଟା ମଠର ପୁନରୁଦ୍ଧାର କରି ଆମ ସଂସ୍କୃତିକୁ କରିଥିଲେ ରୁଦ୍ଧିମନ୍ତ। ସେଥିପାଇଁ ସିଏ ଓଡିଆ ଜାତି ପାଖରେ ଚୀର ନମସ୍ୟ। ଏହିପରି ମତ ରଖିଥିଲେ ବିଶିଷ୍ଟ ବକ୍ତାଗଣ। ଶ୍ରୀ ରାଧାରମଣ ଫାଉଣ୍ଡେସନ ଓ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ, ସଦାଶିବ ପରିସର ର ମିଳିତ ଆନୁକୁଲ୍ୟରେ ଶ୍ରୀପାଦ ରାମଦାସ ବାବାଜୀ ମହାରାଜ ଙ୍କ ୧୫୦ ବର୍ଷ ଜନ୍ମପୂର୍ତ୍ତି ସ୍ଥାନିୟ ସଦାଶିବ ପରିସର ସ୍ଥିତ ଜୟଦେବ ଭବନରେ ପାଳିତ ହୋଇଯାଇଛି । ଉତ୍ସ୍ୱ ଅବସରରେ ଏକ ଜାତୀୟ ସମ୍ପାନ୍ ବିଶ୍ୱଗୁରୁ ଭାରତ ଓ ସାଧୁସନ୍ଥ ପରମ୍ପରା ଆୟୋଜିତ ହୋଇଥିଲା।ଫାଉଣ୍ଡେସନ ର ପ୍ରତିଷ୍ଠାତା ସଂପାଦକ ଶ୍ରୀ ଗୁରୁଚରଣ ଦାସ ଙ୍କ ସଂଯୋଜନା ରେ ଆୟୋଜିତ ଏହି ସଂପାନରେ ସଭାପତିତ୍ୱ କରିଥିଲେ ଡାକ୍ତର ଜଗନ୍ନାଥ ଆଚାର୍ଯ୍ୟ। ଏହି ଉତ୍ସବକୁ ଶ୍ରୀ ରାମକୃଷ୍ଣ ମଠ ଓ ମିଶନ ର ସଭାପତି ସ୍ୱାମୀ ସୋମଦେବାନନ୍ଦଜି ମହାରାଜ ଉଦଘାଟନ କରିଥିଲେ। ୍ୱିଶିଷ୍ଟ ଆଟିଥି ଭାବରେ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ, ର ନିର୍ଦ୍ଦେଶିକା ଡଃ ଗୌରପ୍ରିୟା ଦାଶ, ପୂର୍ବତନ କୁଳପତି ଡଃ ହରିହର ହୋତା, ଓକାକ୍ ର ବରିଷ୍ଠ ବୈଜ୍ଞାନିକ ଡଃ ପ୍ରଦୀପ୍ତ ମିଶ୍ର, ନିର୍ମଳ କୃତି ବିକାଶ ଟ୍ରଷ୍ଟ ର ଚେୟାରମ୍ୟାନ ଇଁ ଦିଲ୍ଲୀପ କୁମାର ପଟ୍ଟନାୟକ ଯୋଗ ଦେଇ ନିଜ ନିଜର ମତ ରଖିଥିଲେ। ଉତ୍ସବରେ ବିଶେଷ ସ୍ମରଣିକା ଆଶ୍ରିତ ଉନ୍ମୋଚିତ ହୋଇଥିଲା। ଦ୍ୱିତୀୟ ସତ୍ରରେ ଏକ ସନ୍ଥ ସମ୍ମିଳନୀ ଆୟୋଜିତ ହୋଇଥିଲା। ଏହି ସମାରୋହରେ, ପୂଜ୍ୟ ଗୁରୁ ପ୍ରଦ୍ୟୁମ୍ନ କିଶୋର ଦେବ,ସ୍ୱାମୀ ରୁଦ୍ରସ୍ୱରୂପାନନ୍ଦ ଗିରି, ଚିଦାନନ୍ଦ ୱର୍ଲ୍ଡ ପିସ୍ ଫାଉଣ୍ଡେସନର ଅଧ୍ୟକ୍ଷ ସ୍ୱାମୀ ବ୍ରହ୍ମନିଷ୍ଠାନନ୍ଦ ସରସ୍ୱତୀ, ମହନ୍ତ ଅଦ୍ୱୈତ ଚରଣ ଦାସ, ମହନ୍ତ କୃଷ୍ଣ ଚରଣ ଦାସ, ମହନ୍ତ ଶ୍ରୀନିବାସ ଦାସ ଓ ଅନେକ ସାଧୁସନ୍ଥ ଯୋଗଦେଇ ଆଧ୍ୟତ୍ମିକ ତଥ୍ୟ ଉପସ୍ଥାପନ କରିଥିଲେ । ବରିଷ୍ଠ ସ୍ତମ୍ବକାର ଶ୍ରୀ ହରିଶଙ୍କର ଏହି କାଯ୍ୟକ୍ରମକୁ ପରିଚାଳନା କରିଥିଲେ। ଶେଷରେ ବିଶ୍ୱବିଦ୍ୟାଳୟ ର ଅଧ୍ୟାପକ ଡଃ ସୁଶାନ୍ତ କୁମାର ଶତପଥୀ ଓ ଡଃ ରୁଦ୍ର ପ୍ରସାଦ ମିଶ୍ରଙ୍କ ତତ୍ୱାବଧାନ ରେ ଗରୀବ ଛାତ୍ରଛାତ୍ରୀ ଙ୍କୁ ପଠନ ସାମଗ୍ରୀ ବିତରଣ କରାଯାଇଥିଲା। ନବପ୍ରତିଭ ନୃତ୍ୟାନୁଷ୍ଠାନ ଦ୍ୱାରା ସୁନ୍ଦର ନୃତ୍ୟ ନାଟିକା ପରିବେଷଣ କରାଯାଇଥିଲା।
About the Author
