ନୂଆଦିଲ୍ଲୀ: ଅଷ୍ଟମ ବେତନ କମିଶନ ପୂର୍ବରୁ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା(ଡିଏ) ୨% ବୃଦ୍ଧିକୁ କେନ୍ଦ୍ର କ୍ୟାବିନେଟ୍ ଶନିବାର ଦିନ ଅନୁମୋଦନ କରିଛି। ସଦ୍ୟତମ ବୃଦ୍ଧି ମୋଟ ଡିଏକୁ ମୂଳ ଦରମାର ୫୮% ରୁ ୬୦% କୁ ନେଇଯିବ। ଏହା ପିଛିଲା ଭାବେ ଜାନୁଆରୀ ୧, ୨୦୨୬ ରୁ କାର୍ଯ୍ୟକାରୀ ହେବ ଏବଂ ପେନସନଭୋଗୀଙ୍କ ପାଇଁ ମଧ୍ୟ ପ୍ରଯୁଜ୍ୟ ହେବ। ମହଙ୍ଗା ଭତା ଏବଂ ମହଙ୍ଗା ରିଲିଫ୍ ଉଭୟରେ ବୃଦ୍ଧି ହେତୁ ରାଜକୋଷ ଉପରେ ମିଳିତ ପ୍ରଭାବ ପ୍ରତିବର୍ଷ ୬୭୯୧.୨୪ କୋଟି ହେବ। ଏକ ସରକାରୀ ବିଜ୍ଞପ୍ତି ଅନୁଯାୟୀ, ଏହି ପଦକ୍ଷେପ କେନ୍ଦ୍ର ସରକାରଙ୍କ ୫୦.୫ ଲକ୍ଷ କର୍ମଚାରୀ ଏବଂ ୬୮.୩ ଲକ୍ଷ ପେନସନଭୋଗୀଙ୍କୁ ଲାଭ ପହଞ୍ଚାଇବା ପାଇଁ ସ୍ଥିର କରାଯାଇଛି। ଅକ୍ଟୋବରରେ ସରକାର ଶେଷ ଥର ପାଇଁ ଡିଏକୁ ସଂଶୋଧନ କରିଥିଲେ, ଯେତେବେଳେ ଏହାକୁ ୫୫% ରୁ ୫୮% କୁ ବୃଦ୍ଧି କରାଯାଇଥିଲା। ଏହା ୧ ଜୁଲାଇ, ୨୦୨୫ ଠାରୁ କାର୍ଯ୍ୟକାରୀ ହୋଇଥିଲା, ଏବଂ ମଧ୍ୟବର୍ତ୍ତୀ ସମୟ ପାଇଁ ବକେୟା ଦେୟ ଦିଆଯାଇଥିଲା, ଯାହା ଉଭୟ କାର୍ଯ୍ୟରତ କର୍ମଚାରୀ ଏବଂ ପେନସନଭୋଗୀଙ୍କୁ ଲାଭ ଦେଇଥିଲା।
About the Author
