ବାରିପଦା : ଠାକୁରମୁଣ୍ଡା ରେଞ୍ଜ କେନ୍ଦୁମୁଣ୍ଡି ଫୋରେଷ୍ଟ ବିଟ ଅନ୍ତର୍ଗତ ବିସିପୁର ଗ୍ରାମ କଦଳୀବାଡ଼ି ଗ୍ରାମରୁ ଗତ ବୁଧବାର ଦିନ ଠାକୁରମୁଣ୍ଡା ବନ ବିଭାଗ ଚଢ଼ାଉ କରି ରୋଷେଇ ହୋଇଥିବା ୮୦୫ ଗ୍ରାମ ଓଜନ ର ହରିଣ ମାଂସ କୁ ଜବତ କରିଛନ୍ତି।ହରିଣ ଶିକାର ରେ ଜଡିତ ଜଣେ ବ୍ୟକ୍ତି ଙ୍କୁ ଗିରଫ ପରେ ତାଙ୍କୁ କୋର୍ଟ ଚାଲାଣ କରିଛନ୍ତି। ଗିରଫ ଶିକାରୀ ଜଣକ ସେହି ଗ୍ରାମର ସୁରେଶ ଚନ୍ଦ୍ର ସର୍ଦାର ବୋଲି ଜଣାପଡ଼ିଛି।ତାଙ୍କ ନିକଟରୁ ରନ୍ଧା ମାଂସ ସହିତ ଶିକାର ନିମନ୍ତେ ବ୍ୟବହୃତ ତୀର ଓ ଛୁରୀ ସହ ମାଂସ ରୋଷେଇ ରେ ସାମଗ୍ରୀ କୁ ଜବତ କରିଛି ବନ ବିଭାଗ । ସୂଚନା ଅନୁଯାୟୀ କଦଳୀବାଡ଼ି ଗ୍ରାମ ନିକଟ ପୋଖରୀ କୁ ପାଣି ପିଇବାକୁ ଚାଲି ଆସିଥିବା ହରିଣ କୁ ଦେଖି କେତେକ ଲୋକ ଶିକାରୀ କୁକୁର ସହାୟତା ରେ ହରିଣ କୁ ଧନୁ ତୀର ସାହାଯ୍ୟ ରେ ମାରିଦେବା ପରେ ହରିଣକୁ କାଟି ମାଂସ ଭାଗ ବାଣ୍ଟି ନେଇଥିଲେ।କୌଣସି ସୂତ୍ରରୁ ସୂଚନା ପାଇ କରଞ୍ଜିଆ ଡ଼ିଏଫ ଓ ବୈଦ୍ୟନାଥ ମାଝିଙ୍କ ନିର୍ଦେଶ କ୍ରମେ ଠାକୁରମୁଣ୍ଡା ବନାଞ୍ଚଳ ଅଧିକାରୀ ଉମାକାନ୍ତ ବେହେରା, ସଦଳବଳ ସୁରେଶ ଙ୍କ ଘରେ ଚଢ଼ାଉ କରି ରନ୍ଧା ହୋଇଥିବା ହରିଣ ମାଂସ କୁ ଜବତ କରିଥିଲେ।
About the Author
