ନୂଆଦିଲ୍ଲୀ : ଆଇପିଏଲ ୨୦୨୬, ନୂଆ ସିଜିନରେ ନୂଆ ଟିମ୍ ସହ ନଜର ଆସିଛନ୍ତି କ୍ରିକେଯର ଭଗବାନ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର । ନିକଟରେ ଏକ ଇଣ୍ଟର ଭିୟ୍ୟ ସମୟରେ ଅର୍ଜୁନ ଦେଇଥିବା ଏକ ପ୍ରତିକ୍ରିୟରେ ସେ ସବୁ କହିଥିବା ଦେଖିବାକୁ ମିଳିଛି । ଅର୍ଜୁନ ଏହି ଇଣ୍ଟର ଭିୟ୍ୟୁରେ କହିଥିଲେ କି, କେହି ମଧ୍ୟ ବେଞ୍ଚରେ ବସିବା ପାଇଁ ଚାହାନ୍ତି ନାହିଁ । ମ୍ୟାଚ ଖେଳିବା ପାଇଁ ସବୁ ଖେଳାଳି ଇଛା ପ୍ରକାଶ କରନ୍ତି । ଆମେ କଠିନ ପରିଶ୍ରମ କରିଚାଲିଛୁ, ସୁଯୋଗ ମିଳିଲେ ପ୍ରଦର୍ଶନ ଭଲ କରିବୁ । ଏହାସହ ବାପା ସଚିନଙ୍କ ସହ ତାଙ୍କୁ ତୁଳନା କରାଯାଉଛି । ଏହାକୁ ନେଇ ସେ କ’ଣ କହିବେ ବୋଲି ପ୍ରଶ୍ନ କରାଯାଇଥିଲା । ଯାହାର ଉତ୍ତରରେ ସେ କହିଥିଲେ କି, ସଚିନ କ୍ରିକେଯର ଏକ ବଡ଼ ନାମ । ସମସ୍ତ ଖେଳାଳିଙ୍କ ଜୀବନରେ ଚ୍ୟାଲେଞ୍ଜ ଆସିଥାଏ । ମୁଁ କିଛି ପ୍ରମାଣିତ କରିବାକୁ ଚାହେଁନାହିଁ । ମୋତେ ଆଗୁ ବହୁତ ଖେଳ ଖେଳିବାର ଅଛି । ମୁଁ ମୋର ଖେଳ ଏବଂ କଠିନ ପରିଶ୍ରମ ଉପରେ ଧ୍ୟାନ ଦେଉଛି । ସେପଟେ ଆମେ ଯଦି ଅର୍ଜୁନଙ୍କ ଆଇପିଏଲ କ୍ୟାରିୟର ସମ୍ପର୍କରେ କହିବା ତାହେଲେ ସେ ୨୦୨୩ ମସିହାରେ ମୁମ୍ବାଇ ପକ୍ଷରୁ ଡେବ୍ୟୁ କରିଥିଲେ । ୨୦ ଲକ୍ଷ ଟଙ୍କାରେ କିଣାହୋଇଥିଲେ । ମାତ୍ର ଚଳିତ ସିଜିନରେ ଲକ୍ଷ୍ନø ତାଙ୍କୁ ୩୦ ଲକ୍ଷ ଟଙ୍କାରେ ଦଳରେ ସାମିଲ କରିଛି । ଅର୍ଜୁନ ୫ ମ୍ୟାଚରେ ୩ ୱିକେଟ୍ ଅକ୍ତିଆର କରିଥିବାବେଳେ ୧୩ ରନ୍ କରିଛନ୍ତି । ମୁମ୍ବାଇ ପକ୍ଷରୁ ଖେଳିବାର ଅଧିକ ମ୍ୟାଚ ସୁଯୋଗ ମିଳିନଥିଲା । ମାତ୍ର ଏଥରକ ଜଣେ ଅଲରାଉଣ୍ଡଭାବେ ଲକ୍ଷ୍ନୌ ତାଙ୍କୁ ଦଳରେ ସୁଯୋଗ ଦେଇପାରେ ବୋଲି ଆଶା କରାଯାଉଛି । ମାତ୍ର ଦିଲ୍ଲୀ ବିପକ୍ଷ ମ୍ୟାଚରେ ପ୍ଲେଇଂ ୧୧ରେ ସୁଯୋଗ ମିଳିନାହିଁ ।
About the Author
