କାଠମାଣ୍ଡୁ: ନେପାଳର ସର୍ବକନିଷ୍ଠ ପ୍ରଧାନମନ୍ତ୍ରୀ ଭାବେ ବାଲେନ ଶାହ ଶୁକ୍ରବାର ଶପଥ ଗ୍ରହଣ କରିଛନ୍ତି। ରାଷ୍ଟ୍ରୀୟ ସ୍ୱତନ୍ତ୍ର ପାର୍ଟି (ଆରଏସ୍ପି) ନେତା ୩୫ ବର୍ଷୀୟ ବାଲେନ ରାଷ୍ଟ୍ରପତିଙ୍କ କାର୍ଯ୍ୟାଳୟ ଶୀତଲ ନିବାସରେ ଆୟୋଜିତ ସ୍ୱତନ୍ତ୍ର ଉତ୍ସବରେ ଶୁଭ ସମୟ ଦିନ ୧୨ଟା ୩୪ରେ ହିନ୍ଦୁ ଏବଂ ବୌଦ୍ଧ ପରମ୍ପରାକୁ ମିଶ୍ରଣ କରି ଶପଥ ନେଇଥିଲେ। ମୁଁ, ବାଲେନ୍ଦ୍ର ଶାହ, ଦେଶ ଏବଂ ଲୋକଙ୍କ ନାମରେ, ପ୍ରତିଜ୍ଞା କରୁଛି ଯେ ମୁଁ ସମ୍ବିଧାନ ପ୍ରତି ବିଶ୍ୱସ୍ତ ରହିବି… ଏବଂ ପ୍ରଧାନମନ୍ତ୍ରୀ ଭାବରେ ମୋର କର୍ତ୍ତବ୍ୟ ପାଳନ କରିବି,” ସେ କଳା ପୋଷାକ ପିନ୍ଧି ଏବଂ ତାଙ୍କର ଟ୍ରେଡମାର୍କ ଗାଢ଼ ଚଷମା ପିନ୍ଧି ଥିଲେ। ଲାଲ ପୋଷାକ ପିନ୍ଧି ହିନ୍ଦୁ ପୂଜାରୀ ଏବଂ ବୌଦ୍ଧ ଭିକ୍ଷୁମାନଙ୍କ ଦ୍ୱାରା ମନ୍ତ୍ରୋଚ୍ଚାରଣ କାର୍ଯ୍ୟକ୍ରମରେ ରାଷ୍ଟ୍ରପତି ରାମ ଚନ୍ଦ୍ର ପାଉଡେଲ ତାଙ୍କୁ ଶପଥ ପାଠ କରାଇଥିଲେ। ଏହା ପୂର୍ବରୁ ରାଷ୍ଟ୍ରପତି ପାଉଡେଲ ସମ୍ବିଧାନର ଧାରା ୭୬ (୧) ଅନୁଯାୟୀ ଆରଏସପିର ସଂସଦୀୟ ଦଳ ନେତା ବାଲେନଙ୍କୁ ପ୍ରଧାନମନ୍ତ୍ରୀ ଭାବରେ ନିଯୁକ୍ତ କରିଥିଲେ। ଶପଥ ଗ୍ରହଣ କରିବାର କିଛି ଘଣ୍ଟା ପୂର୍ବରୁ, ଶାହ ଏକତା ପାଇଁ ଆହ୍ୱାନ କରୁଥିବା ଏକ ରାପ୍ ଗୀତ ମାଧ୍ୟମରେ ତାଙ୍କର ପ୍ରଥମ ନିର୍ବାଚନ ପରବର୍ତ୍ତୀ ବାର୍ତ୍ତା ପ୍ରକାଶ କରିଥିଲେ। “ଏକତାର ଶକ୍ତି ହେଉଛି ମୋର ଜାତୀୟ ଶକ୍ତି”, “ଅବିଭକ୍ତ ନେପାଳୀ, ଏଥର ଇତିହାସ ରଚିବା ଆରମ୍ଭ ହୋଇଛି।” ଗୀତଟି ରିଲିଜ ହେବାର କିଛି ଘଣ୍ଟା ମଧ୍ୟରେ ଦୁଇ ନିୟୁତରୁ ଅଧିକ ଭ୍ୟୁ ହାସଲ କରିଥିଲା। ଗତବର୍ଷ ଜେନଜେଡ୍ ନେତୃତ୍ୱରେ ଏକ ବିଦ୍ରୋହ ପୂର୍ବକ କେପି ଶର୍ମା ଓଲିଙ୍କ ନେତୃତ୍ୱାଧୀନ ସରକାରକୁ ଭାଙ୍ଗି ଦେବାର କିଛି ମାସ ପରେ ବାଲେନ ଶପଥ ଗ୍ରହଣ କରିଛନ୍ତି। ଏହି ଅବସରରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାଲେନ ଶାହଙ୍କୁ ଅଭିନନ୍ଦନ ଜଣାଇଛନ୍ତି। ମୋଦି ଏକ୍ସରେ ଲେଖିଛନ୍ତି “ଆପଣଙ୍କର ନିଯୁକ୍ତି ନେପାଳର ଲୋକଙ୍କ ଦ୍ୱାରା ଆପଣଙ୍କ ନେତୃତ୍ୱ ପ୍ରତି ପ୍ରଦତ୍ତ ବିଶ୍ୱାସକୁ ପ୍ରତିଫଳିତ କରେ। ଆମ ଦୁଇ ଲୋକଙ୍କ ପାରସ୍ପରିକ ଲାଭ ପାଇଁ ଭାରତ-ନେପାଳ ବନ୍ଧୁତା ଏବଂ ସହଯୋଗକୁ ଆହୁରି ଉଚ୍ଚତାରେ ପହଞ୍ଚାଇବା ପାଇଁ ମୁଁ ଆପଣଙ୍କ ସହିତ ଘନିଷ୍ଠ ଭାବରେ କାମ କରିବାକୁ ଅପେକ୍ଷା କରିଛି।’
About the Author
