ତେହରାନ: ଇସ୍ରାଏଲର ସର୍ବବୃହତ୍ ତୈଳ ବିଶୋଧନାଗାର ଉପରେ ଇରାନ କ୍ଷେପଣାସ୍ତ୍ର ମାଡ଼ କରିଛି। ଏହି ଆକ୍ରମଣ ଇସ୍ରାଏଲ ପାଇଁ ବଡ଼ ଆର୍ôଥକ ଏବଂ ପ୍ରତିରକ୍ଷା କ୍ଷତି ଘଟାଇପାରେ ବୋଲି ଇରାନ ଦାବି କରିଛି। ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ କହିଛି ଯେ ଏହା ଶନିବାର ଖେଇବାର ଶେକାନ କଠିନ-ଇନ୍ଧନ ବାଲିଷ୍ଟିକ୍ କ୍ଷେପଣାସ୍ତ୍ର ବ୍ୟବହାର କରି ହାଇଫା ବେରେ ବାଜାନ ଗ୍ରୁପ୍ ତୈଳ ବିଶୋଧନାଗାରକୁ ଟାର୍ଗେଟ୍ କରିଥିଲା। ଇରାନର ଶକ୍ତି କ୍ଷେତ୍ର ଉପରେ ସମ୍ପ୍ରତି ଆମେରିକା-ଇସ୍ରାଏଲ ଆକ୍ରମଣର ପ୍ରତିଶୋଧ ସ୍ୱରୂପ ଏହି ଆକ୍ରମଣ କରାଯାଇଥିଲା। ଇରାନ କହିଛି ଯେ ସେହି ଆକ୍ରମଣଗୁଡ଼ିକରେ ତେହେରାନ ଚାରିପାଖରେ ଥିବା ତୈଳ ଡିପୋ ଉପରେ ଆକ୍ରମଣ ଅନ୍ତର୍ଭୁକ୍ତ। ଭିଡିଓଗୁଡ଼ିକୁ ତେହେରାନ ଟାଇମ୍ସ ଏବଂ ଆରଟି ଦ୍ୱାରା ପ୍ରସାରିତ କରାଯାଇଛି। ଇରାନୀ ଅଧିକାରୀମାନେ କହିଛନ୍ତି ଯେ ତୈଳ ବିଶୋଧନାଗାର ଉପରେ କ୍ଷେପଣାସ୍ତ୍ର ଆକ୍ରମଣ ଇରାନୀ ତୈଳ ସଂରକ୍ଷଣ ଭିତ୍ତିଭୂମି ଉପରେ ଇସ୍ରାଏଲୀ ଆକ୍ରମଣର ପ୍ରତିକ୍ରିୟା ସ୍ୱରୂପ କରାଯାଇଥିଲା। ହାଇଫା ବେରେ ବାଜାନ ଗ୍ରୁପ୍ ଦ୍ୱାରା ପରିଚାଳିତ ଏହି ରିଫାଇନାରୀ ହେଉଛି ଇସ୍ରାଏଲର ସର୍ବବୃହତ୍ ତୈଳ ପ୍ରକ୍ରିୟାକରଣ ସୁବିଧା। ରିପୋର୍ଟ ଅନୁଯାୟୀ ଏହା ଇସ୍ରାଏଲର ଘରୋଇ ଇନ୍ଧନର ପ୍ରାୟ ୫୦ ରୁ ୬୦ ପ୍ରତିଶତ ଯୋଗାଣ କରେ। ଜୁନ୍ ୨୦୨୫ରେ ଇରାନର କ୍ଷେପଣାସ୍ତ୍ର ଆକ୍ରମଣ ସମୟରେ ମଧ୍ୟ ଏହି ସ୍ଥାନଟି ପ୍ରଭାବିତ ହୋଇଥିଲା। ସେହି ଆକ୍ରମଣରେ ତିନି ଜଣ ଶ୍ରମିକଙ୍କ ମୃତ୍ୟୁ ହୋଇଥିଲା, ଡଜନ ଡଜନ ଆହତ ହୋଇଥିଲେ ଏବଂ ତୈଳ ବିଶୋଧନାଗାରକୁ କିଛି ମାସ ପାଇଁ ବନ୍ଦ ରଖିବାକୁ ବାଧ୍ୟ କରାଯାଇଥିଲା।
About the Author
