ପିପିଲି: ପିପିଲି ବାଇପାସ୍ ଠାରେ ଜଣେ ବ୍ୟକ୍ତି ଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ପିପିଲି ୩୧୬ ନମ୍ବର ଜାତୀୟ ରାଜପଥ କଡ଼ ନାୟାରା ପେଟ୍ରୋଲ ପମ୍ପ ନିକଟରେ ଏକ ଗଛରେ ଝୁଲି ରହିଛି ଜଣେ ବ୍ୟକ୍ତି ଙ୍କ ମୃତ ଦେହ । ମୃତ ବ୍ୟକ୍ତିଙ୍କ ପରିଚୟ ମିଳିପାରିନଥିବା ବେଳେ ତାଙ୍କ ବୟସ ୫୦ରୁ ଊର୍ଦ୍ଧ୍ୱ ହେବ ବୋଲି ପୋଲିସ କହିଛି। ଆଜି ଅପରାହ୍ନରେ ରାସ୍ତା ଯାଉଥିବା କିଛି ଲୋକ ଦେଖି ପୋଲିସକୁ ଖବର ଦେଇଥିଲେ। ଖବର ପାଇ ପିପିଲି ଥାନା ଅଧିକାରୀ ସୌମେନ୍ଦୁ ଶେଖର ତ୍ରିପାଠୀ, ପିପିଲି ଅତିରିକ୍ତ ତହସିଲଦାର ବସନ୍ତ କୁମାର ବେହେରା ଘଟଣା ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଜାରି ରଖିବା ସହ ଶବ କୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପୁରୀ ପଠାଇଛନ୍ତି। ଏନେଇ ପିପିଲି ଥାନା କେସ ନମ୍ବର ୦୬/୨୬ ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛନ୍ତି । ତେବେ ଦେଖେଣାହାରୀ ଏହାକୁ ହତ୍ୟା ବୋଲି ସନ୍ଦେହ କରୁଥିବା ବେଳେ ଏହା ହତ୍ୟା କି ଆତ୍ମହତ୍ୟା ତାହା ସ୍ପଷ୍ଟ ଜଣାପଡିନାହିଁ । ଝୁଲନ୍ତା ମୃତଦେହ ନିକଟରେ ଏକ ବ୍ୟାଗ୍ ରହିଥିବା ବେଳେ ଏ ଲୋକ କେଉଁଠାର ଏଠାକୁ କାହିଁକି ଆସିଥିଲେ, ତାହା ତଦନ୍ତ କରାଯାଉଛି ବୋଲି ପିପିଲି ଥାନା ଅଧିକାରୀ ଶ୍ରୀଯୁକ୍ତ ତ୍ରିପାଠୀ କହିଛନ୍ତି।
About the Author
