ବାଲୁଗାଁ: ବାଲୁଗାଁ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥ କୋତରି ଛକ ନିକଟରେ ଶୁକ୍ରବାର ପୂର୍ବାହ୍ନରେ ସଡ଼କ ଦୁର୍ଘଟଣାରେ ଜଣେ ରେଳ କର୍ମଚାରୀଙ୍କ ମୃତ୍ୟୁ ଘଟିଛି।ସୂଚନା ମୁତାବକ ଆଜି ସକାଳୁ ପାରିକଂଶାରୀ ଗ୍ରାମର ସତ୍ୟବାଦି ନାୟକ (୫୯) ବାଇକ ଯୋଗେ ଧୁଆଁଳ ଗ୍ରାମ ନିକଟରେ ଥିବା ରେଳ ଫାଟକକୁ ନିଜ କାମରେ ଯାଉଥିଲେ।ଯାଉଥିବା ସମୟରେ କୋତରି ଛକ ନିକଟରେ ଏକ ଅଜଣା ଗାଡ଼ି ଆସି ତାଙ୍କୁ ଧକ୍କା ଦେଇ ଚାଲିଯାଇଥିଲା।ଦୁର୍ଘଟଣା ସ୍ଥଳରେ ଗୁରୁତର ଭାବେ ସତ୍ୟବାଦି ପଡ଼ିଥିବା ଦେଖି ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ।ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।ଦୁର୍ଘଟଣା ସ୍ଥଳରେ ବାଲୁଗାଁ ପୋଲିସ ପହଞ୍ଚି ବାଇକ ଜବତ କରି ତଦନ୍ତ ଜାରି ରଖିଛି।
About the Author
