ଭୁବନେଶ୍ୱର(ବ୍ୟୁରୋ): ଫୁଲନଖରା ସ୍ଥିତ ସିନର୍ଜି କ୍ୟାମ୍ପସ ପରିସରରେ ଟ୍ରିପଲ ସି ଚେସ କ୍ଲବ ଦ୍ୱାରା ଏବଂ ଅଲ୍ ଓଡିଶା ଚେସ ଆସୋସିଏସନ୍ ଆନୁକୁଲ୍ୟରେ ରାଜ୍ୟ ରାପିଡ଼ ଏବଂ ବ୍ଲିଜ ଚେସ ଚାମ୍ପିଅନସିପ ଉଦଘାଟିତ ହୋଇଅଛି। କ୍ଳବ୍ର ସଭାପତି ଶ୍ରୀଯୁକ୍ତ ବିଶ୍ୱଜିତ୍ ରାୟଙ୍କ ପୌରହିତରେ ସିନର୍ଜି ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିର ଅଧକ୍ଷ ଡକ୍ଟର ଅଶ୍ୱନି କୁମାର ମହାନ୍ତି ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ସିନର୍ଜି ପଲିଟେକନିକ୍ ର ପ୍ରିନ୍ସିପାଲ ଡକ୍ଟର ଧରଣୀଧର ସାହୁ , ସମ୍ମାନିତ ଅତିଥି ଭାବେ କଲେଜ ର ପ୍ରଶାସନିକ ଅଧିକାରୀ ଶ୍ରୀଯୁକ୍ତ ଲକ୍ଷ୍ମୀକାନ୍ତ ପ୍ରଧାନ ଏବଂ ଆନ୍ତର୍ଜାୀୟ ଆର୍ବିଟର ଶ୍ରୀଯୁକ୍ତ ସୁରେଶ ସାହୁ ଯୋଗ ଦେଇଥିଲେ।ଉଦ୍ଘାଟନୀ ସଭାକୁ ଇଣ୍ଟର ନେସନାଲ ଆର୍ବିଟର ଶ୍ରୀଯୁକ୍ତ ତାପସ ମହାନ୍ତି ପରିଚାଳନା କରିଥିଲେ ଓ କ୍ରୀଡ଼ା ଅଧିକାରୀ ଶ୍ରୀ ସମରେନ୍ଦ୍ର ସାହୁ ଉପସ୍ଥିତ ଥିଲେ। ରପିଡ ପ୍ରତିଯୋଗିତାକୁ ଆନ୍ତର୍ଜାତୀୟ ଆର୍ବିଟର ସୁରେଶ ସାହୁଙ୍କ ନେତୃତ୍ୱ ରେ ଆନ୍ତର୍ଜାତୀୟ ଆର୍ବିଟର ତାପସ ମହାନ୍ତି, ଫିଡେ ଅର୍ବିଟର ଅଭିଷେକ ଆଚାର୍ଯ୍ୟ ଏବଂ ଶ୍ରୀଯୁକ୍ତ ସୁରଜ୍ ମହାରଣା ପରିଚାଲାନା କରୁଛନ୍ତି। ଆସନ୍ତା କାଲି ରାଜ୍ୟ ବ୍ଲିଜ ଚେସ ଚାମ୍ପିଅନସିପ ଆରମ୍ଭ ହେବ ବୋଲି କ୍ଳବ୍ର ସମ୍ପାଦକ ଶ୍ରୀଯୁକ୍ତ ବିରଞ୍ଚି ନରାୟଣ ସାହୁ ସୂଚନା ପ୍ରଦାନ କରିଥିଲେ।
About the Author
