ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ଆଗତ କରିଥିବା ୨୦୨୬-୨୭ ଆର୍ଥିକ ବର୍ଷର ସାଧାରଣ ବଜେଟ୍ରେ ରେଳବାଇ ପାଇଁ ରେକର୍ଡ ୨, ୭୮,୦୩୦ କୋଟିର ବ୍ୟବସ୍ଥା କରିଛନ୍ତି। ରେଳ ପ୍ରକଳ୍ପରେ ସବୁ ରାଜ୍ୟ ପାଇଁ ପୂର୍ବବର୍ଷ ଅପେକ୍ଷା ଅଧିକ ଅର୍ଥ ବ୍ୟୟବରାଦ କରାଯାଇଛି ବୋଲି ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି। ତେବେ ମଧ୍ୟପ୍ରଦେଶ ପାଇଁ ସର୍ବାଧିକ ୧୫,୧୮୮ କୋଟି ଟଙ୍କା ବ୍ୟୟବରାଦ ହୋଇଛି। ରାଜ୍ୟ ପାଇଁ ବାର୍ଷିକ ମୋଟାମୋଟି ଯେତେ ଅର୍ଥ ପୂର୍ବବର୍ଷଗୁଡ଼ିକରେ ପ୍ରଦାନ କରାଯାଇଛି, ତାହାର ୨୪ ଗୁଣ ଏଥର ବଜେଟରେ ବ୍ୟବସ୍ଥା ହୋଇଛି ବୋଲି ଶ୍ରୀ ବୈଷ୍ଣବ ସୂଚନା ଦେଇଛନ୍ତି। ବିଶେଷ କରି ରେଳ ଭିତ୍ତିଭୂମି ସଂପ୍ରସାରଣ, ବନ୍ଦର ସଂଯୋଗୀ ପରିବହନ ବ୍ୟବସ୍ଥାରେ ଅଧିକ ବ୍ୟୟ କରାଯିବ। ରାଜ୍ୟରେ ଶିଳ୍ପର ଅଭିବୃଦ୍ଧିକୁ ଦୃଷ୍ଟିରେ ରଖି ମାଲ ପରିବହନ ବ୍ୟବସ୍ଥାକୁ ସୁଦୃଢ଼ୀକରଣ କରାଯିବ। ରେଳ ମନ୍ତ୍ରଣାଳୟ ସୂଚନା ଅନୁସାରେ ମଧ୍ୟପ୍ରଦେଶରେ ୧.୧୮ ଲକ୍ଷ କୋଟିର ପ୍ରକଳ୍ପ କାମ ଜାରି ରହିଛି। ଯେଉଁଥିରେ ନୂଆ ରେଳ ଲାଇନ୍ ନିର୍ମାଣ, ଦୋହରୀକରଣ, ଷ୍ଟେସନର ଉନ୍ନତିକରଣ ଆଦି ରହିଛି। ରେଳ ବିଦ୍ୟୁତିକରଣ କ୍ଷେତ୍ରରେ ମଧ୍ୟପ୍ରଦେଶ ଶତପ୍ରତିଶତ ସଫଳତା ହାସଲ କରିଛି।
ରେଳବାଇ କ୍ଷେତ୍ରରେ ମଧ୍ୟପ୍ରଦେଶ ପାଇଁ ୨୪ଗୁଣ ଅଧିକ ବ୍ୟୟବରାଦ
Leave a Reply