ପୁନେ: ବାରମତିରେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ବିମାନ ଦୁର୍ଘଟଣାର ମୃତ୍ୟୁକୁ ନେଇ ମହାରାଷ୍ଟ୍ର ସରକାର ରାଜ୍ୟରେ ତିନିଦିନିଆ ଶୋକ ପାଳନ କରୁଛନ୍ତି। ତାଙ୍କ ଆକସ୍ମିକ ବିୟୋଗରେ ଦଳମତ ନିର୍ବିଶେଷର ବିଭିନ୍ନ ନେତା ଶୋକବ୍ୟକ୍ତ କରିଛନ୍ତି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କ ଶୋକବାର୍ତ୍ତାରେ କହିଛନ୍ତି ଅକାଳରେ ଅଜିତ ପାୱାରଙ୍କ ମୃତ୍ୟୁ ଅପରୂଣୀୟ କ୍ଷତି ଆଣିଛି। ମହାରାଷ୍ଟ୍ର ବିକାଶ, ବିଶେଷ କରି ସହକାରୀ କ୍ଷେତ୍ରରେ ତାଙ୍କ ଯୋଗଦାନ ତାଙ୍କୁ ସବୁବେଳେ ମନେ ରହିବ। ଅଜିତଙ୍କ ପରିବାର, ସମର୍ଥକ ତଥା ପ୍ରଶଂସକ ପ୍ରତି ଗଭୀର ଶୋକ ଓ ସମ୍ବେଦନା ପ୍ରକାଶ କରିଛନ୍ତି ରାଷ୍ଟ୍ରପତି। ଏଥିସହିତ ଏହି ଦୁର୍ଘଟଣାରେ ପ୍ରାଣ ହରାଇଥିବା ଅନ୍ୟ ସମସ୍ତ ସଦସ୍ୟଙ୍କ ପରିବାରକୁ ଈଶ୍ୱର ସହିବାର ଶକ୍ତି ଦିଅନ୍ତୁ ବୋଲି ରାଷ୍ଟ୍ରପତି କାମନା କରିଛନ୍ତି। ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଜିତଙ୍କ ବିୟୋଗରେ ଗଭୀର ଶୋକବ୍ୟକ୍ତ କରିଛନ୍ତି। ଅଜିତଙ୍କୁ ‘ଲୋକଙ୍କ ନେତା’ ଭାବେ ସେ ଅଭିହିତ କରିଛନ୍ତି। ମହାରାଷ୍ଟ୍ରବାସୀଙ୍କୁ ସେବା ଯୋଗାଇବାରେ ତାଙ୍କ କଠିନ ପରିଶ୍ରମ ପାଇଁ ସେ ଖୁବ୍ ସମ୍ମାନର ଅଧିକାରୀ ଅଟନ୍ତି। ତୃଣମୂଳ ସ୍ତରରେ ତାଙ୍କ ଗଭୀର ସଂପର୍କ ରହିଥିଲା ବୋଲି ପ୍ରଧାନମନ୍ତ୍ରୀ କହିଛନ୍ତି।
ଅଜିତଙ୍କ ଅକାଳ ବିୟୋଗରେ ରାଷ୍ଟ୍ରପତି, ପ୍ରଧାନମନ୍ତ୍ରୀଙ୍କ ଶୋକ
Leave a Reply