ଖପ୍ରାଖୋଲ: ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ ବେନକେରା ଗ୍ରାମରେ ଜଣେ ୧୮ ବର୍ଷୀୟ ଯୁବକଙ୍କ ମୃତ୍ୟୁକୁ ନେଇ ଅଞ୍ଚଳରେ ଗଭୀର ଶୋକର ଛାୟା ଖେଳିଯାଇଛି। ମୃତକ ହେଲେ ଗ୍ରାମର ସ୍ୱର୍ଗତ ଡଗରାଜ ବେହେରାଙ୍କ ମଝିଆ ପୁଅ ନିରୋଜ ବେହେରା (୧୮)। ସୂଚନା ଅନୁସାରେ, ମଙ୍ଗଳବାର ଦ୍ୱିପ୍ରହରରେ ଶୌଚ ପାଇଁ ଯାଉଥିବା କହି ନିରୋଜ ଘରୁ ବାହାରି ନିଜ ଜମି ଆଡ଼କୁ ଯାଇଥିଲେ। ଅପରାହ୍ନ ପ୍ରାୟ ୪ଟା ୩୦ ମିନିଟ୍? ସମୟରେ ସ୍ଥାନୀୟ ଲୋକେ ତାଙ୍କୁ ଜମିରେ ଥିବା ଏକ ଭେଲୁଆ ଗଛରେ ଗାମୁଛା ସାହାଯ୍ୟରେ ଝୁଲନ୍ତା ଅବସ୍ଥାରେ ଦେଖି ପରିବାରକୁ ଖବର ଦେଇଥିଲେ। ପରେ ପରିବାର ପକ୍ଷରୁ ଖପ୍ରାଖୋଲ ପୋଲିସକୁ ସୂଚନା ଦିଆଯାଇଥିଲା। ଖବର ପାଇ ଏଏସ୍?ଆଇ ନାରାୟଣ ସାହୁ ପୋଲିସ ଟିମ୍? ସହ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ପାରିପାର୍ଶ୍ୱିକ ତଦନ୍ତ କରିଥିଲେ। ପରେ ଶବକୁ ଖପ୍ରାଖୋଲ ଡାକ୍ତରଖାନାକୁ ଅଣାଯାଇ ବ୍ୟବଚ୍ଛେଦ କରାଯାଇଥିଲା। ବ୍ୟବଚ୍ଛେଦ ପରେ ପୋଲିସ ପରିବାରବର୍ଗଙ୍କୁ ଶବ ହସ୍ତାନ୍ତର କରିଥିଲା। ଏନେଇ ଖପ୍ରାଖୋଲ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଚାଲିଥିବା ଥାନାଧିକାରୀ ନରେନ୍ଦ୍ର ଛତର ସୂଚନା ଦେଇଛନ୍ତି। ଏହି ଦୁଃଖଦ ଘଟଣା ସମାଜ ପାଇଁ ଏକ ଗଭୀର ଚିନ୍ତାର ବିଷୟ। ଜୀବନର ଆରମ୍ଭରେ ଏଭଳି ଅକାଳ ମୃତ୍ୟୁ ଏକ ପରିବାରର ସମସ୍ତ ସ୍ୱପ୍ନକୁ ଭାଙ୍ଗିଦିଏ। ଜୀବନରେ ସମସ୍ୟା, ବିଫଳତା ଓ ମାନସିକ ଚାପ ଆସିବା ସ୍ୱାଭାବିକ, କିନ୍ତୁ କୌଣସି ପରିସ୍ଥିତିରେ ନିଜ ଜୀବନକୁ ଶେଷ କରିବା ସମାଧାନ ନୁହେଁ। ଯୁବପିଢ଼ି ହତାଶ ନହୋଇ ଧୈର୍ଯ୍ୟ, ସାହସ ଓ ଆତ୍ମବିଶ୍ୱାସର ସହ ଜୀବନର ସମସ୍ୟାକୁ ସାମ୍ନା କରିବା ଆବଶ୍ୟକ। ଅଭିଭାବକମାନେ ମଧ୍ୟ ପିଲାମାନଙ୍କ ମନର ଭାବନା, ଚିନ୍ତା ଓ ସମସ୍ୟାକୁ ବୁଝିବା ସହ ସେମାନଙ୍କ ସହ ବନ୍ଧୁତ୍ୱପୂର୍ଣ୍ଣ ସମ୍ପର୍କ ରଖିବା ଜରୁରୀ। ସମାଜର ପ୍ରତ୍ୟେକ ବ୍ୟକ୍ତି ଯୁବପିଢ଼ିଙ୍କୁ ସଠିକ୍ ମାର୍ଗଦର୍ଶନ ଓ ମାନସିକ ସମର୍ଥନ ଦେବାକୁ ଆଗେଇ ଆସିବା ଦରକାର। କାରଣ ପ୍ରତ୍ୟେକ ଜୀବନ ଅମୂଲ୍ୟ ଏବଂ ପ୍ରତ୍ୟେକ ଯୁବକ ଯୁବତୀ ହେଉଛନ୍ତି ସମାଜର ଭବିଷ୍ୟତ।
About the Author
