ପୁରୀ: ଦତ୍ତତୋଟା ସ୍ଥିତ ଉତ୍କଳ ବଚପନ ସ୍ଲୁଲ ପରିସରରେ ଗ୍ରୀଷ୍ମକାଳୀନ ଶିବିର ସୋମବାର ସକାଳେ କୁନି କୁନି ଛାତ୍ରଛାତ୍ରୀ ମାନେ ପୁରୁଣା ଖବରକାଗଜରେ ୧୨ ପ୍ରକାର ର ଟୋପି ଓ ଗ୍ଲୋବାଲ ପପେଟ, ଫିଙ୍ଗର ପପେଟ ନୃତ୍ଯରେ ବଚପନ ସ୍ଲୁଲ ଉତ୍ସବମୁଖର ହୋଇଯାଇଛି । ସ୍ଲୁଲର ପରିଚାଳନା ନିର୍ଦ୍ଦେଶକ ପ୍ରଦ୍ୟୁମ୍ନ ମିଶ୍ରଙ୍କ ତତ୍ତ୍ୱାବଧାନରେ ଶିବିରରେ ଅତିଥି ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ଶିବନାରାୟଣ ଭଟ୍ଟ, ଅବସରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଅନ୍ନପୂର୍ଣ୍ଣା ଦେବୀ, କମାଶାସନ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଅଜୟ କୁମାର ପଣ୍ଡା ଓ ସ୍ଲୁଲର ପ୍ରିନସିପାଲ ରୀନା ରାୟ ପ୍ରମୁଖ ଯୋଗଦେଇ ପିଲାମାନଙ୍କୁ ଗ୍ରୀଷ୍ମକାଳୀନ ଶିବିରରେ ପୁରୁଣା ଖବରକାଗଜରେ ୧୨ ପ୍ରକାର ଟୋପି ତିଆରି ପ୍ରଶିକ୍ଷଣ ଦେବା ସହ ଟୋପି ପିନ୍ଧାଇ ପିଲାମାନଙ୍କୁ ଖରା ତାତିରୁ ରକ୍ଷା ପାଇବା ଓ ଆଶ୍ୱସ୍ତି ଅନୁଭବ କରିବା ସହ ଟୋପିର ମହତ୍ୱ କେତେ ସେ ସମ୍ପର୍କରେ ଆଲୋଚନା କରିଥିଲେ । ମଣିଷ ର ବିଭିନ୍ନ ବୃତ୍ତି ସହ ଟୋପିର ସମ୍ପର୍କ ଓ ମର୍ଯ୍ୟାଦା ଉପରେ ଆଲୋକପାତ କରିଥିଲେ । ଗ୍ଲୋବସ ପପେଟ ଓ ଫିଙ୍ଗର ପପେଟ ତିଆରି କରି ପିଲାମାନଙ୍କ ମନରେ ଖୁସିବ୍ୟକ୍ତ କରିପାରିଥିଲେ । ଫିଙ୍ଗର ପପେଟ ଓ ଗ୍ଲୋବସ ପପେଟରେ ବାଘ,ହାତୀ, ବିଲେଇ, ଠେକୁଆ, କଣ୍ଢେଇ, କାଉ ଓ ଆପୁଲ ସମେତ ବିଭିନ୍ନ ପଶୁପକ୍ଷୀ ଓ ଫଳଫୁଲ ପୁରୁଣା ନିମନ୍ତ୍ରଣ କାର୍ଡ ଓ ଗିଫ୍ଟ ପ୍ଯାକିଂ ଚିରା ଜରିରେ ହାତରେ ତିଆରି କରି ଆନନ୍ଦିତ ହୋଇଥିଲେ । ଏହି ରଙ୍ଗ ବେରଙ୍ଗର ଚିତ୍ରିତ ପଷୁପକ୍ଷୀ ଓ ଫଳଫୁଲ କୁ ଧରି ପିଲାମାନଙ୍କ ନୃତ୍ଯ ପରିବେଷଣ ଦୃଶ୍ଯ ବେଶ ଚମତ୍କାର ହୋଇଥିଲା । ରାଜାଙ୍କ ଟୋପି, ପୋପ କ୍ଯାପ, ଲିଡର କ୍ଯାପ, ନର୍ସ କ୍ଯାପ, ଡକ୍ଟରେଟ କ୍ଯାପ, ନେତାଜୀ କ୍ଯାପ, ଫିସରମ୍ଯାନ କ୍ଯାପ, ନେପାଳି କ୍ଯାପ, କୁକ୍ କ୍ଯାପ, ପକ୍ଷୀଆ ଟୋପି ଆଦି ବିଭିନ୍ନ ପ୍ରକାରର ପୁରୁଣା ଖବରକାଗଜରେ ଚାରି ଚଉତ ଭଙ୍ଗାଭଙ୍ଗି କରି ଟୋପି ପ୍ରସ୍ତୁତି କରି ପିଲାମାନେ ନିଜେ ପିନ୍ଧିଥିଲେ । ନେତାଜୀଙ୍କ ଟୋପି ମୁଣ୍ଡ ଉପରେ ପିନ୍ଧି ଭାରତ ମାତା କି ଜୟ , ବନ୍ଦେ ମାତରମ ଓ ସାଲ୍ଯୁଟ ମାରି ଦେଶଭକ୍ତର ପରିଚୟ ସୃଷ୍ଟି କରିଥିଲେ । ରାଜାଙ୍କ ଟୋପି ପିନ୍ଧି ହସିବାର ହଟହାସ୍ଯ ହାହାକାର ପିଲାମାନେ କରି ଆନନ୍ଦିତ ହୋଇଥିଲେ । ସ୍ଲୁଲର କୁନି କୁନି ଛାତ୍ରଛାତ୍ରୀ ମାନେ ସମର କ୍ଯାମ୍ପ ଡ୍ରେସ ନାଲି ଗଞ୍ଜି ସହ କଳା ପ୍ଯାଣ୍ଟ ପିନ୍ଧିବା ସହ ମୁଣ୍ଡ ଉପରେ ହାତ ତିଆରି କାଗଜରେ ଟୋପି ପିନ୍ଧିଥିବା ଦୃଶ୍ଯ ଓ ଫିଙ୍ଗର ପପେଟ ଓ ଗ୍ଲୋବସ ପପେଟ ନୃତ୍ଯ ପରିବେଷଣ ବେଶ ମନୋରମ ହୋଇଥିଲା । ସବୁଦିନ ପରି ସମର କ୍ଯାମ୍ପରେ ସକାଳୁ ଯୋଗ ଅଭ୍ଯାସ କରି ସୁନ୍ଦର ଶରୀର ଗଠନ ହେବା ସହ ସୁସ୍ଥ ରହିବା ଓ ମନ ପ୍ରଫୁଲ୍ଲ ରଖିବା ଉଦ୍ଦେଶ୍ଯ ନେଇ ଯୋଗ ଗୁରଙ୍କ ଦ୍ୱାରା ଯୋଗ କରିଥିଲେ । ଶେଷର ପିଲାମାନଙ୍କ ଚିତାକର୍ଷକ ରଙ୍ଗାରଙ୍ଗ ନୃତ୍ଯ ପରିବେଷଣ ହୋଇଥିଲା । ନୃତ୍ଯ ଓ ଯୋଗ ସହ ଟୋପି, ଫିଙ୍ଗର ପପେଟ, ଗ୍ଲୋବସ ପପେଟରେ ବାଘ ଓ ଯନ୍ତା ନୃତ୍ଯ କାହାଣୀର ନାଟକ ଦେଖି ଭାବବିହ୍ୱଳ ହୋଇଥିଲେ ଛାତ୍ରଛାତ୍ରୀ । ବୁଦ୍ଧି ଥିଲେ ଉପାୟ ବଳେ ବଳେ ଆସେ ପିଲାମାନେ ଶିକ୍ଷା ଗ୍ରହଣ କରିବା ସହ ମଣିଷ ଓ ଜୀବଜନ୍ତୁଙ୍କ ପରସ୍ପର ଭଲପାଇବା ବିଷୟବସ୍ତୁ କାହାଣୀର ପ୍ରେରଣା ଦେଇଥିଲା । ଯୋଗ ଗୀତ ଗାଇ ଯୋଗ ଶିକ୍ଷକ ଗୁରୁ ଆଲୋକ କୁମାର ସ୍ୱାଇଁଙ୍କ ଦ୍ୱାରା ପିଲାମାନଙ୍କୁ ଯୋଗ ପ୍ରଶିକ୍ଷଣ କରାଇଥିଲେ । ପରେ କୁନି କୁନି ଉତ୍ସାହିତ ପିଲାମାନଙ୍କୁ ନୃତ୍ଯ ଗୁରୁ ନାରାୟଣ ବେଜ ଡ୍ଯାନ୍ସ ଶିକ୍ଷା ଦେଇ ନୃତ୍ଯ ପରିବେଷଣ କରାଇଥିଲେ । ଛୋଟା ବଚା ଜାନ କି ଭି ଆଖ ଦିଖାନାରେ । ଅକଲ କା ବଚା ନା ସମଜନାରେ ଟିପ୍ ଟିପ୍ ଟପ ଟପ ମ୍ୟୁଜିକର ତାଳେ ତାଳେ ଡ୍ଯାନ୍ସ କରି ପିଲାମାନେ ଭରପୁର ମନୋରଞ୍ଜନ କରିଥିଲେ । ଛାତ୍ରଛାତ୍ରୀମାନଙ୍କ ନୃତ୍ଯ ପରିବେଷଣ ଦ୍ୱାରା ମାନସିକ ସୁସ୍ଥ ରହିବା ସହ ମନ ପ୍ରଫୁଲ୍ଲ ରହିଥିବା ଦେଖାଯାଇଥିଲା । ସ୍ଲୁଲର ପରିଚାଳନା ନିଦ୍ଦେର୍ଶକ ଶ୍ରୀମିଶ୍ର ପିଲାମାନଙ୍କ ସହ ଗ୍ଲୋବସ ପପେଟ ନୃତ୍ଯର କାହାଣୀ ଓ ଫିଙ୍ଗର ପପେଟ ସହ ବିଭିନ୍ନ ଟୋପି ଲଗାଇ ନୃତ୍ଯ ଦେଖି ଭାବବିହ୍ୱଳ ସହ ଖୁସିବ୍ୟକ୍ତ କରିଥିଲେ । କିଛି ସମୟ ପିଲାମାନଙ୍କ ସହ ମିଶି ସେଲଫି ନେଉଥିବା ଦୃଶ୍ଯ ବେଶ ରୋଚକପୂର୍ଣ୍ଣ ହୋଇଥିଲା । ପ୍ରତ୍ଯୁଷା ପ୍ରିୟଦର୍ଶିନୀ, ପ୍ରଗତି ପ୍ରିୟଦର୍ଶିନୀ, ଆୟାଂଶା ପଟ୍ଟନାୟକ, ଶ୍ରେୟାଂଶ ମିଶ୍ର, ରେୟାଂଶ ରଞ୍ଜନ ବଳିଆରସିଂହ, ଆଶୁତୋଷ ତ୍ରିପାଠୀ,ସମ୍ଯୁକ୍ତା ମହାରଣା, ଆରୁଷି ପଣ୍ଡା,ଦେବାଂଶି ପ୍ରଧାନ, ଶିବାଂଶୀ ବେହେରା, ଟି.ରିୟାଂଶୀ, ଆହାନ ଘୋଷ, ଆହିର ଘୋଷ, ଇଭାନି ଦାଶ,ଅଦ୍ଯୁକି ପଟୁଆରୀ, ଇଧିକା ଚାନ୍ଦ, ସୁଶ୍ରୁତ ପତି, ସାଇକ୍ରିଷ୍ଣା ସେନାପତି, ଆୟୁଷ୍ମାନ ସେନାପତି ପ୍ରମୁଖ ଛାତ୍ରଛାତ୍ରୀ ମାନେ ସମର କ୍ଯାମ୍ପର ଭରପୁର ମଜା ଉଠାଇଥିଲେ । ସ୍ଲୁଲର ଶିକ୍ଷୟିତ୍ରୀ ରାଜକୁମାରୀ କୁଣ୍ଡୁ, କବିତା ଦାସ, ସୁପ୍ରଭା ମହାନ୍ତି, ରୋଜାଲିନ ନାୟକ ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ । ଛାତ୍ରଛାତ୍ରୀ ମାନେ କରତାଳି ଦେଇ ଉତ୍ସାହିତ ହୋଇଥିଲେ । ନୃତ୍ଯ କରି ମନ ପ୍ରଫୁଲ୍ଲ ଓ ହସ ହସ ମୁହଁରେ ନିଜେ ପ୍ରସ୍ତୁତ କରିଥିବା ଫିଙ୍ଗର ପପେଟ ଓ ଗ୍ଲୋବସ ପପେଟ ନେଇ ଆନନ୍ଦିତ ହୋଇଥିଲେ।
About the Author
