ବାଲିଗୁଡା: ନିଶା ଖାଇବା ପାଇଁ ରାତି ଅଧିଆ ପିଡ଼ିଏସ ଚାଉଳ ଚୋରି କରି ହଟହଟା ହେଲେ ଦୁଇ ଚୋର । ପଂଚାୟତ କାର୍ଯ୍ୟାଳୟ ରୁ ପିଡ଼ିଏସ ଚାଉଳ ଚୋରି କରିଥିବା ଦୁଇ ଚୋର କୁ କାବୁ କରି ଅଟକ ରଖିଲେ ଗ୍ରାମବାସୀ । କନ୍ଧମାଳ ଜିଲ୍ଲା କ.ନୂଆଗାଁ ବ୍ଲକ ମହାସିଙ୍ଗି ପଂଚାୟତ କାର୍ଯ୍ୟାଳୟ ରୁ ଚାଉଳ ଚୋରି ନିମନ୍ତେ ବିଳମ୍ବିତ ରାତ୍ରି ରେ ତାଲା ଭାଙ୍ଗି ଚାଉଳ ଚୋରି କରିଥିଲେ ଦୁଇ ଚୋର । ଅଟକ ଦୁଇ ଚୋର ମହାସିଙ୍ଗି ଗ୍ରାମ କନେଟପୁର ର ଅଜିତ ଦିଗାଲ ଓ ଈଶ୍ୱର ପ୍ରଧାନୀ ।
ତେବେ ଚୋରି କରିବାକୁ ତାଲା ଭାଙ୍ଗିବା ପରେ ସାତ ବସ୍ତା ଚାଉଳ ଚୋରି କରିଥିଲେ ବି ଅତ୍ୟଧିକ ନିଶା କାରଣ ରୁ ଚାଉଳ ବସ୍ତା କୁ ପଂଚାୟତ କାର୍ଯ୍ୟାଳୟ ବାହାରେ ଫିଙ୍ଗି ଦେଇଥିଲେ ଚୋର । ଶେଷରେ କେବଳ ଗୋଟିଏ ବସ୍ତା ଚାଉଳ ଭାଗ ବାଣ୍ଟି ବୋହି ନେଉଥିବା ବେଳେ ରାସ୍ତାରେ ତଳେ ପଡି ପଡି ଦୁଇ ଚୋର ଘର ଯାଇଁ ଯାଇଥିବା ଚାଉଳ ର ସନ୍ଧାନ କରି ଦୁଇ ଚୋର କୁ କାବୁ କରିବା ରେ ସକ୍ଷମ ହୋଇଥିଲେ ଗ୍ରାମବାସୀ । କ.ନୂଆଗାଁ ବ୍ଲକ ର ଯୋଗାଣ ଅଧିକାରୀ ପିଡ଼ିଏସ ଚାଉଳ ଚୋରି ନେଇ ବାଲିଗୁଡା ଥାନା ରେ ଏତଲା ଦେଇଛନ୍ତି । ବାଲିଗୁଡା ପୋଲିସ ଘଟଣା ସ୍ଥଳରେ ପହଂଚି ଦୁଇ ଚୋର କୁ ଉଠାଇ ନେଇ ତଦନ୍ତ ଆରମ୍ଭ କରିଛି
About the Author
