ପୁରୀ: ଦତ୍ତତୋଟା ସ୍ଥିତ ଉତ୍କଳ ବଚପନ ସ୍ଲୁଲ ପରିସରରେ ଗ୍ରୀଷ୍ମକାଳୀନ ଶିବିରରେ ରବିବାର ସକାଳେ କୁନି କୁନି ପିଲାମାନେ ଲିଟିଲ ସେପ୍ ପ୍ରସ୍ତୁତ କରି ଉତ୍ସାହିତ ହୋଇଛନ୍ତି । ସ୍ଲୁଲର ପରିଚାଳନା ନିର୍ଦ୍ଦେଶକ ପ୍ରଦ୍ୟୁମ୍ନ ମିଶ୍ରଙ୍କ ତତ୍ତ୍ୱାବଧାନରେ ମୁଖ୍ଯ ଅତିଥି ଭାବେ ଦୈନିକ ଇଂରାଜୀ ଖବର କାଗଜ ଦ କମନ ଟାଇମ୍ସର ସମ୍ପାଦକ ବନମାଳି ସାହୁ ,ସ୍ଲୁଲର ଅଧ୍ୟକ୍ଷା ରୀନା ରାୟ ଉପସ୍ଥିତ ରହି ପିଲାମାନଙ୍କୁ ଲିଟିଲ ସେପ୍ ତିଆରି ବୁଝାଇବା ସହ ପିଲାମାନଙ୍କ ହାତ ତିଆରି ମକାଚାର୍ଟ ଖାଇ ଅତିଥି ମାନେ ଖୁସିବ୍ୟକ୍ତ କରିଥିଲେ । ଘରେ ମାଆଙ୍କ ଦ୍ୱାରା ପ୍ରସ୍ତୁତ ଜଳଖିଆ ଖାଇବା ଓ ବାହାର ଜଙ୍କ ଫୁଡ ଜଳଖିଆ ନଖାଇବା ପାଇଁ ସ୍ଲୁଲର ନିଦ୍ଦେର୍ଶକ ଶ୍ରୀମିଶ୍ର ପରାମର୍ଶ ଦେଇଥିଲେ । ସ୍ଲୁଲର କୁନି କୁନି ଛାତ୍ରଛାତ୍ରୀ ମାନେ ସମର କ୍ଯାମ୍ପ ଡ୍ରେସ ପିନ୍ଧିବା ସହ ମୁଣ୍ଡ ଉପରେ ହାତ ତିଆରି କାଗଜରେ ଲିଟିଲ ସେପ୍ ଟୋପି ପିନ୍ଧିଥିବା ଦୃଶ୍ଯ ବେଶ ମନୋରମ ହୋଇଥିଲା । ପିଲାମାନେ ଉତ୍ସାହର ସହ ମକା ସିଝା ମଞ୍ଜିରେ ଛୋଟ ଛୋଟ କଟା ପିଆଜ, ଟମାଟୋ, ବିଟଲୁଣ,ଚାର୍ଟ ମସଲା, ଧନିଆଁ ପତ୍ର, ଲେମ୍ବୁ, ବଟର, ଆମଚୁର ପାଉଡର ପକାଇ ମକା ଚାର୍ଟ ପ୍ରସ୍ତୁତ କରିଥିଲେ । ବିନା ନିଆଁ ଓ ଚୁଲିରେ ପ୍ରସ୍ତୁତ କରିଥିବା ମକାଚାର୍ଟ ସୁସ୍ୱାଦିଷ୍ଟ ହୋଇଥିଲା । ଖରା ତାତି ଓ ଗୁଳୁଗୁଳିରୁ ଆଶ୍ୱସ୍ତି ଓ ଶାନ୍ତି ଅନୁଭବ ପାଇଁ ସାଧା ସୁସ୍ଥ ନିରାମୟ ମକାଚାର୍ଟ ପିଲାମାନଙ୍କ ନିରୋଗ ଜଳଖିଆ ଦେଖି ଖୁସିବ୍ୟକ୍ତ କରିଥିଲେ ଅଧ୍ୟକ୍ଷା ଓ ସମସ୍ତ ଶିକ୍ଷୟିତ୍ରୀ । ସବୁଦିନ ପରି ସମର କ୍ଯାମ୍ପରେ ସକାଳୁ ଯୋଗ ଅଭ୍ଯାସ କରି ଶରୀର ସୁନ୍ଦର ଗଠନ ହେବା ସହ ସୁସ୍ଥ ରହିବା ଓ ମନ ପ୍ରଫୁଲ୍ଲ ରଖିବା ଉଦ୍ଦେଶ୍ଯ ନେଇ ଯୋଗ ଗୁରଙ୍କ ଦ୍ୱାରା ଯୋଗ କରିଥିଲେ । ଶେଷର ପିଲାମାନଙ୍କ ଚିତାକର୍ଷକ ରଙ୍ଗାରଙ୍ଗ ନୃତ୍ଯ ପରିବେଷଣ ହୋଇଥିଲା । ନୃତ୍ଯ ଓ ଯୋଗ ସହ ଲିଟିଲ ସେପ ତିଆରି କରି ଛାତ୍ରଛାତ୍ରୀ ମାନେ ବେଶ ଆନନ୍ଦିତ ଅନୁଭବ କରିଛନ୍ତି । ଯୋଗ ଗୀତ ଗାଇ ଯୋଗ ଶିକ୍ଷକ ଗୁରୁ ଆଲୋକ କୁମାର ସ୍ୱାଇଁଙ୍କ ଦ୍ୱାରା ପିଲାମାନଙ୍କୁ ଯୋଗ ପ୍ରଶିକ୍ଷଣ କରାଇଥିଲେ । ପରେ କୁନି କୁନି ଉତ୍ସାହିତ ପିଲାମାନଙ୍କୁ ନୃତ୍ଯ ଗୁରୁ
ନାରାୟଣ ବେଜ ଡ୍ଯାନ୍ସ ଶିକ୍ଷା ଦେଇ ନୃତ୍ଯ ପରିବେଷଣ କରାଇଥିଲେ । ଡ୍ଯାନ୍ସ କରି ପିଲାମାନଙ୍କ ମାନସିକ ସୁସ୍ଥ ରହିବା ସହ ମନ ପ୍ରଫୁଲ୍ଲ ରହିଥିବା ଦେଖାଯାଇଥିଲା । ସ୍ଲୁଲର ଶିକ୍ଷୟିତ୍ରୀ ରାଜକୁମାରୀ କୁଣ୍ଡୁ, କବିତା ଦାସ, ସୁପ୍ରଭା ମହାନ୍ତି, ରୋଜାଲିନ ନାୟକ ପ୍ରମୁଖ ଲିଟିଲ ସେପ୍ ପରିଚାଳନାରେ ସହଯୋଗ କରିଥିଲେ । ଛାତ୍ରଛାତ୍ରୀ ମାନେ କରତାଳି ଦେଇ ଉତ୍ସାହିତ ହୋଇଥିଲେ । ନୃତ୍ଯ କରି ମନ ପ୍ରଫୁଲ୍ଲ ଓ ହସ ହସ ମୁହଁରେ ନିଜେ ପ୍ରସ୍ତୁତ କରିଥିବା ଲିଟିଲ ସେପ ମକାଚାର୍ଟ ବଚପନ ସ୍ଲୁଲ ଲୋଗ ଥିବା ଟିଫିନ ବକ୍ସରେ ଘରକୁ ନେଇ ଆନନ୍ଦିତ ହୋଇଥିବା ଦେଖିବାକୁ ମିଳିଥିଲା ।
About the Author
