ନୂଆଦିଲ୍ଲୀ: ଜାପାନର ଆଇଚି-ନାଗୋୟା ଠାରେ ଅନୁଷ୍ଠିତ ଏସୀୟ କ୍ରୀଡ଼ା ୨୦୨୬ର ଫାଇନାଲ ମ୍ୟାଚରେ ମହିଳା କମ୍ପାଉଣ୍ଡ ତୀରନ୍ଦାଜୀ ଦଳ ଚୀନ୍?କୁ ପରାସ୍ତ କରି ଭାରତ ପାଇଁ ସପ୍ତମ ସ୍ୱର୍ଣ୍ଣ ପଦକ ହାସଲ କରିଛି। ପ୍ରୀତିକା ପ୍ରଦୀପ, ଜ୍ୟୋତି ସୁରେଖା ଭେନ୍ନମ ଏବଂ ଚିକିତା ତାନିପାର୍ôଥଙ୍କ ତିନିଜଣିଆ ଦଳ ଚମତ୍କାର ପ୍ରଦର୍ଶନ କରି ସ୍ୱର୍ଣ୍ଣ ପଦକ ମ୍ୟାଚରେ ଚୀନ୍କୁ ୨୩୮-୨୩୪ ସ୍କୋରରେ ପରାସ୍ତ କରିଥିଲେ ଏବଂ ମହିଳା କମ୍ପାଉଣ୍ଡ ଦଳଗତ ଇଭେଣ୍ଟରେ ଶୀର୍ଷ ସ୍ଥାନ ଅଧିକାର କରିଥିଲେ। ଭାରତୀୟ ଖେଳାଳିମାନେ ଫାଇନାଲର ଚାରୋଟିଯାକ ରାଉଣ୍ଡରେ ନିଜର ଆଧିପତ୍ୟ ବଜାୟ ରଖିଥିଲେ ଏବଂ ଚୀନ୍କୁ ମ୍ୟାଚ୍ ଉପରେ ନିୟନ୍ତ୍ରଣ ନେବାର କୌଣସି ସୁଯୋଗ ଦେଇନଥିଲେ। ଏହି ବିଜୟ ସହିତ ଭାରତୀୟ ମହିଳା କମ୍ପାଉଣ୍ଡ ଦଳ ୨୩୮ ସ୍କୋର ସହ ବିଶ୍ୱ ରେକର୍ଡ ମଧ୍ୟ ସମାନ କରିଥିଲା। ସ୍ୱର୍ଣ୍ଣ ପଦକ ଜିତିବା ସହ ସେମାନେ ୨୦୧୪ ମସିହାରେ ଦକ୍ଷିଣ କୋରିଆ ଦ୍ୱାରା ସ୍ଥାପିତ ୨୩୮ ସ୍କୋରର ବିଶ୍ୱ ରେକର୍ଡକୁ ସମାନ କରିଥିଲେ। ଚୀନ୍ ବିପକ୍ଷ ମହିଳା କମ୍ପାଉଣ୍ଡ ତୀରନ୍ଦାଜୀ ସ୍ୱର୍ଣ୍ଣ ପଦକ ମ୍ୟାଚ୍ ଏକ କଡ଼ା ମୁକାବିଲା ହେବ ବୋଲି ଆଶା କରାଯାଉଥିଲା ଏବଂ ପ୍ରାରମ୍ଭିକ ରାଉଣ୍ଡ ହିଁ ଏହି ଲଢ଼େଇର ଗତିପଥ ନିର୍ଦ୍ଧାରଣ କରିଥିଲା। ଭାରତ ମଜବୁତ ଆରମ୍ଭ କରିଥିଲା; ପ୍ରୀତିକା, ଜ୍ୟୋତି ଏବଂ ଚିକିତା ପ୍ରଥମ ରାଉଣ୍ଡ ଶେଷ ବେଳକୁ ୬୦-୫୮ ସ୍କୋରରେ ଅଗ୍ରଣୀ ରହିଥିଲେ। ଦ୍ୱିତୀୟ ରାଉଣ୍ଡରେ ମଧ୍ୟ ଭାରତୀୟ ଦଳ ନିଜର ଅଗ୍ରଣୀ ସ୍ଥିତି ବଜାୟ ରଖିଥିଲା।
ଏହି ରାଉଣ୍ଡ ଶେଷ ବେଳକୁ ଭାରତ ନିଜର ଅଗ୍ରଣୀ ସ୍ଥିତିକୁ ୧୧୯-୧୧୬ କୁ ବୃଦ୍ଧି କରିଥିଲା। ଯଦିଓ ପାର୍ଥକ୍ୟ କମ୍ ଥିଲା, ତଥାପି ଏଭଳି କଡ଼ା ମୁକାବିଲା ଥିବା ଫାଇନାଲରେ ପ୍ରତ୍ୟେକ ପଏଣ୍ଟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା। ଭାରତ ପ୍ରଥମ ପର୍ଯ୍ୟାୟରୁ ହିଁ ନିଜର ଅଗ୍ରଣୀ ସ୍ଥିତି ବଜାୟ ରଖିଥିଲା; ଏହା ଜ୍ୟୋତିଙ୍କ ପାଇଁ ଚତୁର୍ଥ ଏସୀୟ କ୍ରୀଡ଼ା ସ୍ୱର୍ଣ୍ଣ ପଦକ ଥିବାବେଳେ ଚିକି ତୃତୀୟ ରାଉଣ୍ଡ ଶେଷ ସୁଦ୍ଧା ଭାରତ ୧୭୮-୧୭୫ରେ ଆଗୁଆ ଥିଲା ଏବଂ ଚୂଡ଼ାନ୍ତ ରାଉଣ୍ଡରେ ଏକ ଉତ୍କୃଷ୍ଟ ପ୍ରଦର୍ଶନ କରିଥିଲା। ଶେଷ ରାଉଣ୍ଡରେ ଏହି ତିନିଜଣ ଖେଳାଳି “ପରଫେକ୍ଟ ୧୦’ (ସର୍ବୋଚ୍ଚ ସ୍କୋର) ହାସଲ କରି ଚୀନ୍ ବିପକ୍ଷରେ ୨୩୮-୨୩୪ ବ୍ୟବଧାନରେ ବିଜୟ ସୁନିଶ୍ଚିତ କରିବା ସହ ବିଶ୍ୱ ରେକର୍ଡର ସମକକ୍ଷ ହୋଇଥିଲେ। ଏସୀୟ କ୍ରୀଡ଼ାରେ ଭାରତର ଏହା ସପ୍ତମ ସ୍ୱର୍ଣ୍ଣ ପଦକ ଏବଂ ଏହା ସହିତ ଦେଶର ମୋଟ ପଦକ ସଂଖ୍ୟା ୫୩ରେ ପହଞ୍ଚିଛି, ଯେଉଁଥିରେ ୨୧ଟି ରୌପ୍ୟ ଓ ୨୫ଟି ବ୍ରୋଞ୍ଜ ପଦକ ସାମିଲ ରହିଛି।
About the Author
