ବାରିପଦା: ଆର୍ôଥକ ଅନିୟମିତତା ମାମଲାରେ ବେତନଟୀ ବିଡିଓ ସୁଶାନ୍ତ ସୁତାରଙ୍କୁ ନିଲମ୍ବିତ କରାଯାଇଛି। ଚାନ୍ଦବାଲି ସବ-ଟ୍ରେଜେରୀ ଅଫିସର ଥିବା ସମୟରୁ ତାଙ୍କ ବିରୋଧରେ ଥିବା ଅଭିଯୋଗର ରାୟ ପ୍ରକାଶ ପାଇବା ପରେ ଏହି ନିଷ୍ପତ୍ତି ନିଆଯାଇଛି। ବର୍ତ୍ତମାନ ତାଙ୍କୁ ଆରଡିସି କାର୍ଯ୍ୟାଳୟରେ ଅବସ୍ଥାପିତ କରାଯାଇଛି। ବେତନଟୀରେ ହୋଇଥିବା ୨.୨୬ କୋଟି ଟଙ୍କାର ଆତ୍ମସାତ ମାମଲାକୁ ମଧ୍ୟ ସରକାର ଗମ୍ଭୀରତାର ସହ ନେଇଛନ୍ତି।ସୂଚନାଯୋଗ୍ୟ କିଛି ଦିନ ପୂର୍ବରୁ ବେତନଟୀ ୟୁକୋ ବ୍ୟାଙ୍କ ଶାଖାରୁ ବେତନଟୀ ବ୍ଲକ ଆକାଉଣ୍ଟରେ ଥିବା ୨ କୋଟି ଛବିଶ ଲକ୍ଷ ଟଙ୍କା ଗାଏବ ହୋଇଯାଇଥିଲା। ପରେ ଦବଙ୍ଗ ବିଡିଓ ବୋଲାଉଥିବା ସୁଶାନ୍ତ ସୁତାର ଙ୍କୁ ଚାକିରୀରୁ ନିଲମ୍ବିତ କରିଛନ୍ତି ଲୋକଙ୍କ ସରକାର । ଆର୍ôଥକ ଅନିୟମିତତା ନେଈ ନିଲମ୍ବିତ ହୋଇଥିବା ଜଣାପଡିଛି। ଏହା ପୂର୍ବରୁ ସେ ଚାନ୍ଦବାଲିରେ ସବ-ଟ୍ରେଜେରୀ ଅଫିସର ଥିବା ବେଳେ ଆର୍ôଥକ ଅନିୟମିତତା ପାଇଁ ବଦଳି ହୋଇଥିଲେ ମଧ୍ୟ ମାମଲା ସରକାରଙ୍କ ବିଚାରଧୀନ ରହିଥିଲା।ରାୟ ପ୍ରକାଶ ପାଇବା ପରେ ରାଜସ୍ୱ ବିଭାଗ ତରଫରୁ ତାଙ୍କୁ ଚାକିରୀରୁ ନିଲମ୍ବିତ କରାଯାଇ ବ୍ରହ୍ମପୁର ଆରଡିସିଙ୍କ କାର୍ଯ୍ୟାଳୟରେ ଅବସ୍ଥାପିତ କରାଯାଇଛି। ୧୫ ତାରିଖରେ ହୋଇଥିବା ଚିଠିକୁ ନେଈ ଏବେ ଅନେକ ପ୍ରଶ୍ନ ସୃଷ୍ଟି ହୋଇଛି। ଚିଠିର ୮ ଦିନ ପରେ ବି ଜିଲ୍ଲା ପ୍ରଶାସନ ଅବଗତ ଥିଲା କି ନାହିଁ? ଯଦି ନଥିଲା ତେବେ ଏହି ଆଦେଶକୁ କାହା ଚାପରେ ଚପେଇ ରଖାଯାଇଥିଲା ପ୍ରକାଶ ଥାଉ କି ଶ୍ରୀଯୁକ୍ତ ସୁତାର ଚାନ୍ଦବାଲି ତହସିଲ କାର୍ଯ୍ୟାଳୟରେ ତହସିଲଦାର ଭାବେ କାର୍ଯ୍ୟରତ ଥିବା ସମୟରେ ଅଧିକାଂଶ ସମୟରେ ଜନ ଆକ୍ରୋଶର ଶିକାର ହୋଇଥିବା ଏବଂ ସେତେବେଳେ ତତ୍କାଳୀନ ବିଜେଡି ସରକାରରେ ଥିବା ବିଧାୟକଙ୍କ ଛାତ୍ରଛାୟାରେ ରହି ଲୋକଙ୍କୁ ହଇରାଣ ହରକତ କରିବା ଭଳିଆ ଅଭିଯୋଗ ମଧ୍ୟ ସାମ୍ନାକୁ ଆସିଥିଲା।ତେବେ ଅନ୍ୟ ଏକ ଘଟଣାରେ ବେନତଟୀ ୟୁକୋ ବ୍ୟାଙ୍କରେ ବିଡିଓଙ୍କ ଜାଲ ଦସ୍ତଖତରେ ୨ କୋଟି ୨୬ ଲକ୍ଷ ଟଙ୍କା ଆତ୍ମସାତ ଘଟଣାକୁ ମଧ୍ୟ ସରକାର ବିଚାରକୁ ନେଇଥିବା ଜଣାପଡିଛି। ତେବେ ମଙ୍ଗଳବାର ମୟୁରଭଞ୍ଜ ଜିଲ୍ଲାପାଳଙ୍କ ନିର୍ଦେଶ କ୍ରମେ ଶାମାଖୁଣ୍ଟା ବ୍ଲକ ବିଡ଼ିଓଙ୍କୁ ଦାୟିତ୍ୱ ହସ୍ତାନ୍ତର କରାଯାଇଛି। ତେବେ ନେତାଙ୍କ ଛତ୍ରଛାୟାରେ ରହି ନିଜକୁ ଦବଙ୍ଗ ଭାବୁଥିବା ବିଡ଼ିଓ ସୁତାରଙ୍କୁ ଜନସାଧାରଣ ସୋସିଆଲ ମେଡିଆରେ ବି ବେଶ ଟ୍ରୋଲ କରିବା ସହ ବେତନଟୀ ଅଞ୍ଚଳବାସୀ ଖୁସିରେ ବାଣ ଫୁଟାଇଥିବା ନେଈ ମଧ୍ୟ ବେଶ ଚର୍ଚ୍ଚା ହେଉଛି।
About the Author
