ପୁରୀ: ପୁରୀ କ୍ଳବ ପକ୍ଷରୁ ଅଲ୍ ଓଡ଼ିଶା ଚେସ୍ ଆସୋସିଏସନ୍ ଏବଂ ଅଲ୍ ଇଣ୍ଡିଆ ଚେସ୍ ଫେଡେରେସନ୍ ପକ୍ଷରୁ ଓଡ଼ିଶା ରାଜ୍ୟ ସବ୍-ଜୁନିୟର (ଅଣ୍ଡର-୧୪ ବର୍ଷ) ଓପନ୍ ଓ ବାଳିକା ଚେସ୍ ଚାମ୍ପିଅନସିପ୍ ୨୦୨୨ ଆସନ୍ତା ୧୭ ରୁ ୨୦ ସେପ୍େଟମ୍ବର ୨୦୨୬ ପର୍ଯ୍ୟନ୍ତ ପୁରୀ କ୍ଳବ ପରିସରରେ ଆୟୋଜିତ ହେବ।୦୧ ଜାନୁଆରୀ ୨୦୦୯ କିମ୍ବା ତା’ପରେ ଜନ୍ମଗ୍ରହଣ କରିଥିବା ଓଡ଼ିଶାର ଯେକୌଣସି ଚେସ୍ ଖେଳାଳି ଏହି ପ୍ରତିଯୋଗିତାରେ ଅଂଶଗ୍ରହଣ ପାଇଁ ଯୋଗ୍ୟ ଅଟନ୍ତି। ରାଜ୍ୟର ବିଭିନ୍ନ ସ୍ଥାନରୁ ପ୍ରାୟ ୧୭୦ ଜଣ ଯୁବ ଚେସ୍ ଖେଳାଳି ଏହି ପ୍ରତିଯୋଗିତାରେ ଅଂଶଗ୍ରହଣ କରିବେ ବୋଲି ଆଶା କରାଯାଉଛି।ଜାତୀୟ ଚାମ୍ପିଅନସିପ୍ ପାଇଁ ଯୋଗ୍ୟତାଓପନ୍ ଏବଂ ବାଳିକା ବିଭାଗର ଶ୍ରେଷ୍ଠ ୪ ଜଣ ଲେଖାଏଁ ଖେଳାଳି ଆଗାମୀ ଜାତୀୟ ସବ୍-ଜୁନିୟର ଚେସ୍ ଚାମ୍ପିଅନସିପ୍ ୨୦୨୬ରେ ଓଡ଼ିଶାକୁ ପ୍ରତିନିଧିତ୍ୱ କରିବା ପାଇଁ ଯୋଗ୍ୟତା ହାସଲ କରିବେ।ଏହି ଜାତୀୟ ପ୍ରତିଯୋଗିତା ୧୭ ରୁ ୨୦ ଅକ୍ଟୋବର ୨୦୨୬ ପର୍ଯ୍ୟନ୍ତ ହାଇଦ୍ରାବାଦ, ତେଲେଙ୍ଗାନାରେ ଅନୁଷ୍ଠିତ ହେବ।ନଗଦ ପୁରସ୍କାର ଓ ଟ୍ରଫି ପ୍ରତିଯୋଗିତାରେ ମୋଟ ତିରିଶ ହଜାର ଟଙ୍କା ନଗଦ ପୁରସ୍କାର ପ୍ରଦାନ କରାଯିବ। ଏଥିସହିତ ମୋଟ ୪୪ଟି ଟ୍ରଫି ପ୍ରଦାନ କରାଯିବ। ମୁଖ୍ୟ ପୁରସ୍କାର ଓପନ୍ ଓ ବାଳିକା ବିଭାଗର ଶ୍ରେଷ୍ଠ ୧୦ ଜଣ ଲେଖାଏଁ ଖେଳାଳିଙ୍କୁ ନଗଦ ପୁରସ୍କାର ଓ ଟ୍ରଫି । ବୟସ ବର୍ଗ ପୁରସ୍କାର ଭିତରେ ଅଣ୍ଡର-୭, ଅଣ୍ଡର-୯, ଅଣ୍ଡର-୧୧ ଓ ଅଣ୍ଡର-୧୩ ବର୍ଗର ଓପନ୍ ଓ ବାଳିକା ବିଭାଗର ଶ୍ରେଷ୍ଠ ୩ ଜଣ ଲେଖାଏଁ ଖେଳାଳିଙ୍କୁ ଟ୍ରଫି।ସ୍ୱତନ୍ତ୍ର ପୁରସ୍କାରରେ ଓପନ୍ ଓ ବାଳିକା ବିଭାଗରେ ପୁରୀ କ୍ଳବକୁ ପ୍ରତିନିଧିତ୍ୱ କରୁଥିବା ଶ୍ରେଷ୍ଠ ୨ ଜଣ ଖେଳାଳିଙ୍କୁ ଟ୍ରଫି। ଉଦଘାଟନୀ ସମାରୋହ ୧୭ ସେପ୍େଟମ୍ବର ପୂର୍ବାହ୍ନ ୯ ଟା ୩୦ ଅନୁଷ୍ଠିତ ହେବ । ଖେଳ ପ୍ରତିଦିନ ପୂର୍ବାହ୍ନ ୯ଟା୩୦ ଓ ଅପରାହ୍ନ ୨ଟା୩୦ ଦୁଇଟି ରାଉଣ୍ଡ ଖେଳ ପ୍ରଦର୍ଶନ ହେବ ।୨୦ ସେପ୍େଟମ୍ବର, ଅପରାହ୍ନ ୪ ଘଟିକାରେ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହେବ । ପୁରୀ କ୍ଳବ ପକ୍ଷରୁ ଆୟୋଜିତ ଏହି ରାଜ୍ୟସ୍ତରୀୟ ଚେସ୍ ପ୍ରତିଯୋଗିତା ଓଡ଼ିଶାର ଉଦୀୟମାନ ଚେସ୍ ପ୍ରତିଭାମାନଙ୍କୁ ନିଜର ଦକ୍ଷତା ପ୍ରଦର୍ଶନ ଏବଂ ଜାତୀୟ ସ୍ତରରେ ଓଡ଼ିଶାକୁ ପ୍ରତିନିଧିତ୍ୱ କରିବାର ସୁଯୋଗ ପ୍ରଦାନ କରିବ। ଏହି ସାମ୍ବାଦିକ ସମ୍ମିଳନୀରେ ଡେପୁଟି ଆରବିଟର ଜ୍ଯୋତିଶଙ୍କର ନନ୍ଦ, ସହଯୋଗୀ ଆରବିଟର ଗୌରହରି ମହାପାତ୍ର, ସମ୍ପାଦକ ରବିନାରାୟଣ ସାହୁ, ଉପସଭାପତି ଅଜିତ ରାୟ, ସ୍ପୋର୍ଟ୍ସ କମିଟିର ଆବାହକ ଡକ୍ଟର ବିଶ୍ୱନାଥ ମିଶ୍ର ପ୍ରମୁଖ ଉପସ୍ଥିତ ଥିଲେ ।
About the Author
