ଅମରାବତୀ: ବୁଧବାର ଦିନ ଆନ୍ଧ୍ର ପ୍ରଦେଶର ଶ୍ରୀ ସତ୍ୟସାଇ ଜିଲ୍ଲାରେ ଏକ ଗ୍ୟାସ୍ ସିଲିଣ୍ଡର ବିସ୍ଫୋରଣରେ ଅତି କମରେ ୪ ଜଣଙ୍କର ମୃତ୍ୟୁ ହୋଇଛି। ଏଥିରେ ୧୮ ଜଣ ଆହତ ହୋଇଛନ୍ତି। ବିସ୍ଫୋଣରେ ଦୁଇଟି ଘର ଭାଙ୍ଗି ଯାଇଛି। ପୋଲିସ ଅଧୀକ୍ଷକ ଏସ୍ ସତୀଶଙ୍କ ଅନୁଯାୟୀ, କମ୍ମାରାଭାରିପାଲି ଗାଁରେ ଅପରାହ୍ନ ପ୍ରାୟ ୧୨.୩୦ ସମୟରେ ଏହି ଗ୍ୟାସ ସିଲିଣ୍ଡର ବିସ୍ଫୋରଣ ଘଟିଥିଲା। ସେ କହିଛନ୍ତି ଯେ ଯେଉଁ ଘରେ ବିସ୍ଫୋରଣ ଘଟିଛି ସେଠାରେ ତେଲଙ୍ଗାନାର ଶ୍ରମିକମାନେ ରହୁଥିଲେ। ପ୍ରାଥମିକ ସୂଚନା ଅନୁଯାୟୀ, ସିଲିଣ୍ଡରରୁ ଗ୍ୟାସ ଲିକ୍ ହୋଇଥିଲା ଏବଂ ଖୁବ୍ ଶୀଘ୍ର ନିଆଁ ଲାଗିଯାଇଥିଲା। ଆହତମାନଙ୍କୁ କାଦ୍ରି ହସ୍ପିଟାଲକୁ ପଠାଯାଇଛି।
About the Author
