ସାଗର (ମଧ୍ୟପ୍ରଦେଶ): ରବିବାର ମଧ୍ୟପ୍ରଦେଶର ସାଗର ଜିଲ୍ଲାରେ ବିଷାକ୍ତ ମଦ ପିଇ ୧୦ ଜଣଙ୍କର ମୃତ୍ୟୁ ହୋଇଛି ଏବଂ କିଛି ଅସୁସ୍ଥ ହୋଇପଡ଼ିଥିବା ଜଣେ ଅଧିକାରୀ କହିଛନ୍ତି। ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ ଘଟଣାର ତଦନ୍ତ ନିର୍ଦ୍ଦେଶ ଦେଇ କହିଛନ୍ତି ଯେ କୌଣସି ଦୋଷୀକୁ ଛଡାଯିବ ନାହିଁ। ଜିଲ୍ଲା ପ୍ରଶାସନ ସତର୍କତାମୂଳକ ପଦକ୍ଷେପ ସ୍ୱରୂପ ପ୍ରଭାବିତ ଅଞ୍ଚଳର ୭ଟି ମଦ ଦୋକାନକୁ ସିଲ୍ କରିଛି ଏବଂ ତୁରନ୍ତ ନମୁନା ସଂଗ୍ରହ କରିବାକୁ ନିର୍ଦ୍ଦେଶ ଦେଇଛି। ଏହି ଘଟଣାରେ ୧୨ ଜଣଙ୍କୁ ଅଟକ ରଖାଯାଇଉଛି। ସାଗର ପୋଲିସ ଅଧୀକ୍ଷକ ଅନୁରାଗ ସୁଜାନିଆ କହିଛନ୍ତି ଯେ ଦୁଇଟି ଗାଁରେ ୧୦ ବିଷାକ୍ତ ମଦ ପିଇଥିଲେ ଏବଂ ପରବର୍ତ୍ତୀ ସମୟରେ ମୃତ୍ୟୁବରଣ କରିଥିଲେ। ସମାନ ସମୟ ମଧ୍ୟରେ ରିପୋର୍ଟ ହୋଇଥିବା ଅନ୍ୟ ଦୁଇଟି ମୃତ୍ୟୁ ବିଷୟରେ ପଚରାଯିବାରୁ, ସୁଜାନିଆ କହିଛନ୍ତି ଯେ ନକଲି ମଦ ପିଇବା ସହିତ ସମ୍ପର୍କ ସ୍ଥାପନ କରିବା ଏହି ପର୍ଯ୍ୟାୟରେ କଷ୍ଟକର। ଅଧିକାରୀମାନେ ସେହି ମୃତ୍ୟୁଗୁଡ଼ିକର ତଦନ୍ତ କରୁଛନ୍ତି। ବାଣ୍ଡା ବିଜେପି ବିଧାୟକ ବୀରେନ୍ଦ୍ର ଲୋଧି କହିଛନ୍ତି ଯେ ମୃତ୍ୟୁ ସଂଖ୍ୟା ୧୧ ବୋଲି ସେ ବିଶ୍ୱାସ କରନ୍ତି। ସେ ଏହା ମଧ୍ୟ କହିଛନ୍ତି ଯେ ଉନ୍ନତ ଚିକିତ୍ସା ସେବା ପାଇଁ ବାଣ୍ଡା ସିଭିଲ୍ ହସ୍ପିଟାଲରୁ ପ୍ରାୟ ୨୫ ଜଣଙ୍କୁ ଅନ୍ୟ ହସ୍ପିଟାଲକୁ ସ୍ଥାନାନ୍ତର କରାଯାଇଛି।
About the Author
