ପୁରୀ: ଶ୍ରୀମନ୍ଦିର ନୀତି ସହ ଜଡିତ ବିଭିନ୍ନ ସାହି ଆଖଡାରୁ ବିଭିନ୍ନ ପୌରାଣିକ ଚରିତ୍ର ସାହି ମାନଙ୍କରେ ପ୍ରଦର୍ଶିତ ହୋଇଯାଇଛି । ଶ୍ରୀରାମ ନବମୀ ରାମଙ୍କ ଜନ୍ମ ଠାରୁ ରାମାଭିଷେକ ପର୍ଯ୍ୟନ୍ତ ଏହି ସାହିଯାତ ଚାଲୁ ରହିଛି । ଏଥିରେ ସାହି ସାହି ମଧ୍ଯରେ ଭାତ୍ରୁ ଭାବ ଦେଖିବାକୁ ମିଳିଥାଏ । ବିଶ୍ୱର ଅନନ୍ଯ ବୃହତ୍ତମ ଯାତ୍ରା ଭାବେ ଏବଂ ବହୁ ବର୍ଷ ପୂର୍ବରୁ ଏହା ଅନୁଷ୍ଠିତ ହୋଇଆସୁଛି । ଜଗନ୍ନାଥ ବଲ୍ଲଭ ମଠରେ ଯଜ୍ଞ ରକ୍ଷା,ଶିବଧନୁ ଭଙ୍ଗ, ସୀତା ବିବାହ, ପର୍ଶୁରାମ ଲୀଳା, ବନବାସ ଲୀଳା, ମାୟାମୃଗ ଲୀଳା, ଲଙ୍କାପୋଡି, ହନୁମାନ ଲୀଳା, ଓ ରାବଣବଧ ପ୍ରଦଶିର୍ତ ହୋଇଛି । ସାହିଯାତ କମିଟି ଏହାକୁ ପରିଚାଳିତ କରୁଛନ୍ତି । ପାରମ୍ପରିକ ସମରକଳା ସାହିଯାତରେ ଦେଖିବାକୁ ମିଳିଥାଏ । ବିଶେଷକରି ନାଗା ମେଢର ଠାଣି ବାଣି ଓ ଚାହାଣୀ ଓ ନୃତ୍ଯ ସାହିବାସିନ୍ଦାଙ୍କୁ ମନ୍ତ୍ରମୁଗ୍ଧ କରୁଛି । ରାବଣ ନୃତ୍ଯ ଓ ଶିବତାଣ୍ଡବ ସାହିଯାତକୁ ଦୁଲାକାଇ ଥିଲା । ବୀରବାଦ୍ଯ ମର୍ଦ୍ଦଳ ମହୁରୀ ଓ ତେଲିଙ୍ଗି ବାଜା ତାଳେ ତାଳେ ଚରିତ୍ର ମାନେ ନୃତ୍ଯ ପରିବେଷଣ କରିଥିଲେ । ରାବଣଙ୍କ ସେତୁବନ୍ଧ ନୃତ୍ଯ ବେଶ ଚମତ୍କାର ହୋଇଥିଲା । ବାଲିସାହିର ସେତୁବନ୍ଧ ପ୍ରତିଷ୍ଠାରେ ରାବଣ ଚରିତ୍ରରେ ଅଭିନୟ କରିଥିବା ନରସିଂହ ସୁଆରଙ୍କ ଚମତ୍କାର ଅଭିନୟ କରିଥିଲେ । ବାଲିସାହି ଆଖଡା, ଖୁଣ୍ଟିଆ ଯାଗା, ହିଞ୍ଜଳ ଗଡ ଯାଗା, ଲୁହାଗଡ ଯାଗା, ପଞ୍ଚାୟତ ଯାଗା, ଦୁବେଇ ଯାଗା, ନାଗା କୋଟଯାଗା,କାଳିକା କୋଟ ଯାଗା, ଗୁରୁଜଙ୍ଗ ଯାଗା ରାବଣ ବଧ ଯାତ୍ରାରେ ସାମିଲ ହୋଇଥିଲେ। ଶ୍ରୀରାମ ଓ ଲକ୍ଷ୍ମଣ ଶ୍ରୀମନ୍ଦିରରୁ ପାଲିଙ୍କିରେ ଯାଇ ଜଗନ୍ନାଥ ବଲ୍ଲଭ ମଠରେ ବିଜେ କରିଥିଲେ । ସେଠାରେ ଶ୍ରୀରାମ ତୀରବିନ୍ଧି ରାବଣକୁ ବଧ କରିଥିଲେ । ଆସନ୍ତା ୧୨ ତାରିଖରେ ଗୌଡବାଡ ସାହିରେ ଏହି ଯାତ୍ରା ଶେଷ ହେବ ।
About the Author
