ବେଙ୍ଗାଲୁରୁ: ବେଙ୍ଗାଲୁରୁର ଏକ ଆପର୍ଟମେଣ୍ଟରେ ତେଲଙ୍ଗାନାର ଜଣେ ଯୁବ ଇଂଜିନିୟର ଦମ୍ପତି ଆତ୍ମହତ୍ୟା କରିଛନ୍ତି। ରିପୋର୍ଟ ଅନୁଯାୟୀ, ତେଲଙ୍ଗାନାର ସିଦ୍ଧିପେଟ ଜିଲ୍ଲାର ଜଣେ ସଫ୍ଟୱେର୍ ଇଞ୍ଜିନିୟର ଭାନୁ ଚନ୍ଦର ରେଡ୍ଡି କୁଣ୍ଟା (୩୨) ସୋମବାର ଦିନ ତାଙ୍କ ଆପାର୍ଟମେଣ୍ଟର ଏକ କୋଠରୀ ଭିତରେ ବେକରେ ଫାଶୀ ଲଗାଇ ଆତ୍ମହତ୍ୟା କରିଥିଲେ। ତାଙ୍କ ପତ୍ନୀ ବିବି ସାଜିଆ ସିରାଜ (୩୧), ଯିଏ ଆଇବିଏମରେ କାମ କରୁଥିଲେ, ତାଙ୍କ ରୁମ୍ ବନ୍ଦ ରହିବା ଏବଂ ବାରମ୍ବାର ଠକ୍ ଠକ୍ କରିବା ସତ୍ତ୍ୱେ ତାଙ୍କ ସ୍ୱାମୀ କୌଣସି ପ୍ରତିକ୍ରିୟା ନ ଦେବାରୁ ସନ୍ଦେହ ହୋଇଥିଲା। ସେ ବିଚଳିତ ହୋଇ ଆପାର୍ଟମେଣ୍ଟର ସୁରକ୍ଷା କର୍ମଚାରୀ ଏବଂ ପଡ଼ୋଶୀମାନଙ୍କୁ ସହାୟତା ପାଇଁ ଡାକିଥିଲେ। ବାସିନ୍ଦାମାନେ ତା’ପରେ ଜୋରଜବରଦସ୍ତ ଦ୍ୱାର ଖୋଲିଲେ ଏବଂ କୋଠରୀ ଭିତରେ ଭାନୁଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ପାଇଲେ। ତାଙ୍କ ସ୍ୱାମୀଙ୍କ ମୃତଦେହ ପାଇବାର କିଛି ମୁହୂର୍ତ୍ତ ପରେ, ସାଜିଆ ସେହି ଆବାସିକ କମ୍ପେ୍ଲକ୍ସର ୧୭ ମହଲାରୁ ଡେଇଁ ପଡ଼ି ମୃତ୍ୟୁବରଣ କରିଥିବା ରିପୋର୍ଟରେ ଉଲ୍ଲେଖ କରାଯାଇଛି। ତେଲଙ୍ଗାନାରେ ପରିବାର ସଦସ୍ୟଙ୍କ ଦ୍ୱାରା ଦାୟର ଅଭିଯୋଗ ଆଧାରରେ ପୋଲିସ ଦୁଇଟି ପୃଥକ ଅପମୃତ୍ୟୁ ମାମଲା ରୁଜୁ କରି ବିଭିନ୍ନ ସମ୍ଭାବ୍ୟ କାରଣଗୁଡ଼ିକର ଯାଞ୍ଚ କରୁଛନ୍ତି।
About the Author
