କାକଟପୁର : ମଙ୍ଗଳବାର ପୂର୍ବାହ୍ନରେ କୋଣାର୍କ ଚନ୍ଦ୍ରଭାଗା ବେଳାଭୂମିରେ ମୃତ ଡଲଫିନ ଭାସୁଥିବା ଦେଖିବାକୁ ମିଳିଛି । ଏହି ବଟଲ ନୋଜ୍ ଡଲଫିନ ସମୁଦ୍ର ନୀଳ ଜଳ ରାଶିରେ ଭାସୁଥିବା ଦୃଶ୍ୟମାନ ହୋଇଥିଲା । ଏହାକୁ ଦେଖି ନୋଳିଆ ମତ୍ସ୍ୟଜୀବୀ କୂଳକୁ ଆଣିଥିଲେ । ଖବରପାଇ କୋଣାର୍କ ବନବିଭାଗ କର୍ମଚାରୀ ପହଞ୍ଚି ଡଲଫିନକୁ ବ୍ୟବଚ୍ଛେଦ ନିମନ୍ତେ କୋଣାର୍କ ପ୍ରାଣୀ ଚିକିତ୍ସାଳୟକୁ ପଠାଇଥିଲେ । ଡଲଫିନଟି ସମୁଦ୍ର ମଧ୍ୟରେ କୌଣସି ଯନ୍ତ୍ର ଚାଳିତ ଡଙ୍ଗା,କିମ୍ବା ଟ୍ରଲର ମାଡ଼ରେ ଆହତ ହୋଇ ସମୁଦ୍ର କୂଳକୁ ଚାଲି ଆସିଥିବା ଅନୁମାନ କରାଯାଉଛି । ବ୍ୟବଚ୍ଛେଦ ପରେ ଏହାକୁ ପୋତି ଦିଆଯିବ ବୋଲି କୋଣାର୍କ ବନ୍ୟପ୍ରାଣୀ ବନାଞ୍ଚଳ ଅଧିକାରୀ ସୁଦର୍ଶନ ଦେହୁରୀ ସୂଚନା ଦେଇଛନ୍ତି ।ଏହାକୁ ଦେଖିବାକୁ ପର୍ଯ୍ୟଟକ ଙ୍କ ଭିଡ ଜମିଥିଲା।
About the Author
