ହାଇଦ୍ରାବାଦ : ଏଫ୍ଆଇଏଚ୍ ମହିଳା ବିଶ୍ୱକପ୍ ଯୋଗ୍ୟତା ପର୍ଯ୍ୟାୟ ଟୁର୍ଣ୍ଣାମେଣ୍ଟ ବିବେଚିତ ହୋଇଥିଲେ । ଭାରତ-ଇଂଲଣ୍ଡ ମ୍ୟାଚ୍ ରୋମାଞ୍ଚପୂର୍ଣ୍ଣ ହୋଇଥିଲା । ପ୍ରଥମ କ୍ୱାର୍ଟର ଆରମ୍ଭରୁ ଭାରତ ଜୋରଦାର ଆକ୍ରମଣ କରି ଦ୍ୱିତୀୟ ମିନିଟ୍ରେ ପେନାଲ୍ଟି ସୁଯୋଗ ସୃଷ୍ଟି କରିଥିଲା । ମାତ୍ର ଏହା ବିଫଳ ଯାଇଥିଲେ ହେଁ ରିଭ୍ୟୁରେ ପୁନଃ ଦଳକୁ ପେନାଲ୍ଟି ମିଳିଥିଲା । ହେଲେ ଏଥିରେ ମଧ୍ୟ ଦଳ ଗୋଲ୍ କରିବାରେ ବିଫଳ ହୋଇଥିଲା । ଇଂଲଣ୍ଡ ୧୩ମିନିଟ୍ରେ ପ୍ରଥମ ପେନାଲ୍ଟି ପାଇଥିଲା ଏବଂ ଗ୍ରେସ୍ ବାଲ୍ସଡନ ଏହାକୁ ଗୋଲ୍ ରୂପ ଦେବାରେ ଅବହେଳା କରିନଥିଲେ । ଇଂଲଣ୍ଡ ୧-୦ରେ ଆଗେଇ ଥିଲା । ଦ୍ୱିତୀୟ କ୍ୱାର୍ଟର ଗୋଲଶୂନ୍ୟ ରହିଥିଲା। ଏହି ଭାଗରେ ମଧ୍ୟ ଭାରତ ୨ଟି ପେନାଲ୍ଟି ସୁଯୋଗ ପାଇଥିଲା । ତୃତୀୟ କ୍ୱାର୍ଟରରେ ଭାରତ ଆକ୍ରମଣକୁ ତୀବ୍ରତର କରି ଏକାଧିକ ସୁଯୋଗ ସୃଷ୍ଟି କରିଥିଲା । ହେଲେ ଖାତା ଖୋଲି ପାରିନଥିଲା । ଅନ୍ୟ ପଟରେ ଇଂଲଣ୍ଡ ୪୩ମିନିଟ୍ରେ ଦ୍ୱିତୀୟ ଗୋଲ୍ କରି ମ୍ୟାଚ୍କୁ ନିଜ ନିୟନ୍ତ୍ରଣକୁ ନେଇଥିଲା । ଏଲିସାବେଥ ନିଲ ଏହି ଗୋଲ୍ଟି ସ୍କୋର କରିଥିଲେ । ଚତୁର୍ଥ କ୍ୱାର୍ଟରରେ ଆୟୋଜକ ଦଳ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲେ ମଧ୍ୟ ଗୋଟିଏ ବି ଗୋଲ୍ ପରିଶୋଧ କରିନପାରି ଶେଷରେ ୦-୨ରେ ପରାଜିତ ହୋଇଥିଲା ।
About the Author
